Çmimet e banesave në Bullgari – tendencë për ulje

botuar më 13-01-23 12.05.MD

Sipas të dhënave të statistikës kombëtare banesat sot janë me 38 për qind më të lira nga piku i çmimeve gjatë vitit 2008.

Foto: Boris Dimitrov

Nga fillimi i krizës në Bullgari banesat janë bërë dy herë më të pranueshme. Kjo do të thotë se, numri i viteve të domosdoshme për pagimin e një banese mesatarisht të madhe vetëm me të ardhurat e punës të një familje, po pakësohet më shumë se dy herë. Sipas të dhënave më të fundit të Bankës Popullore Bullgare dhe të Institutit Kombëtar të Statistikës, ekspertë nga MKB Junionbank kanë llogaritur se, në qoftë se përpara krizës një banesë është paguar për 7 vjet, sot kjo bëhet për më pak më shumë se 3 vjet.

Analizat janë bërë sipas standardeve ndërkombëtare, ku si të pranueshme konsiderohet një banesë, e cila mund të blihet dhe të paguhet për pak më shumë se 3 vjet dhe kjo vetëm me të ardhura nga rrogat e një familje. Analizat e ekspertëve tregojnë se, po pakësohet dhe pjesa e kredive të hipotekave në buxhetin familjar. Për shembull, në qoftë se gjatë vitit 2009, 43 për qind nga paratë e një familje ishin për shlyerjen e kredisë, gjatë vitit 2012 përqindja është vetëm 28 për qind. Shkaqet janë rënia e çmimit të banesave, kurse që këtu dhe përmasat më të vogla të kredive bankare dhe pakësimi i kamatës mbi kreditë. Sipas të dhënave të statistikës kombëtare banesat sot janë me 38 për qind më të lira nga piku i çmimeve gjatë vitit 2008.

Cilat janë tendencat e tregut me prona të patundshme gjatë këtij viti?

Viti 2013 vizatohet si një vit stabil dhe i qetë sipas brokerave dhe investitorëve. Çmimet e pronave në sektorin e banesave do të ruhen si edhe deri tani. Kontratat nuk do të jenë më shumë se vitin e mëparshëm, kurse kreditimi për blerje të banesës do të mbetet i ngushtuar. Si një tendencë tjetër në tregun për banesa vizatohet dhe mungesa e pronave me cilësi. Në të njëjtën kohë rreziqet mbeten. Nga njëra anë kjo është rritja e papunësisë. E cila i ngushton të ardhurat e familjeve dhe ata nuk ndërmarrin masa për blerjen e një shtëpie të re. Nga ana tjetër – rimëkëmbja e ngadaltë e ekonomisë evropiane reflekton mbi atë bullgare. Agjencitë për prona të patundshme prognozojnë se, gjatë këtij viti tregu do të varet nga zhvillimi i ekonomisë evropiane. Sepse kriza, si në Bullgari, ashtu dhe në Evropë, nuk mund të evitohet për një vit. Aq më tepër se, fillimi i vitit të kaluar filloi me një optimizëm, i cili nuk u realizua. Prandaj analizatorët shpresojnë që kontratat dhe çmimet do të mbeten në nivelin prej 2012-ës.

Si gjatë vitit 2012, ashtu dhe gjatë këtij viti, më të kërkuara do të mbeten banesat nga segmenti i ulët ose i mesëm i çmimeve. Ato janë me vlerë midis 30 dhe 60 mijë euro. Më të lira nga këto apartamente janë ato me një dhomë të cilat gjenden në periferi të qytetit. Analizatorët e disa agjencive për prona të patundshme tregojnë se po shtohet interesi dhe drejt banesave me 3 dhomë, më në veçanti për nevojat e familjeve me fëmijë. Tendenca për pakësimin e pjesës së kreditimit gjatë blerjes së apartamentit mbetet dhe gjatë këtij viti. Tregu i banesave do të dominohet nga kontrata, tek të cilat pjesa bazë e mjeteve do të jenë kursimet personale. Familjet bullgare duket se frenohen prej borxheve suplementare, mbështeten më tepër te paratë personale, ku kreditë e hipotekave ndërmerren si një shumë plotësuese. Kjo periudhë është rrjedhojë nga pasiguria e përgjithshme ekonomike.

Investimet e huaja të cilat u pakësuan po kështu ndikojnë mbi tendencat e reja. Më në veçanti në pronat pushimore dhe të biznesit, ku deri përpara 3-4 vjetëve derdhej një sasi e madhe kapitalesh. Ekspertët ekonomikë janë optimistë, se vëllimi i qëndrueshëm i rrogës mesatare për vendin, si dhe çmimet më të ulëta të banesave janë premisë për aktivizimin e tregut dhe kjo mes pjesës aktive të popullsisë. Sepse vitet e fundit të krizës, të shënuar me pritje dhe pak frikësim, i kanë adaptuar njerëzit me të ardhura stabile ndaj kushteve të reja të tregut. Kështu ata përsëri fillojnë të planifikojnë blerjen e banesës.

Përgatiti në shqip: Nataniela Vasileva

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Çmimet e banesave në Bullgari – tendencë për ulje

Më shumë nga rubrika

Bullgaria mund të kërkojë një raport të jashtëzakonshëm për anëtarësimin në Eurozonë

927 persona kanë deklaruar të ardhura mbi 1 milion leva

Në muajin maj, klima e biznesit shënoi një përmirësim prej 0.6 pikësh