Ndryshe nga njerëzit për të cilët puna është ëndrra e plotësuar e fëmijërisë, dentisti dr. Anatoloj Kënev thotë se nuk e ka ëndërruar kurrë përparësen e bardhë. Para pak kohe Bashkimi i Dentistëve në Bullgari ia dha Anatolij Kënevit dekoratën “Dentisti i vitit”.
“Kur njeriu merr dekoratë nga esnafi të cilit përket, atëherë ai ndihet në të vërtetë krenar”, thotë dentisti. Përveç se Anatolij Kënev është një profesionalist në punën e tij, ai interesohet për artin. Dentisti disponon një koleksion të madh veprash të piktorëve e të skulptorëve bashkëkohorë bullgarë. Kur njeriu bën vizitë te kabineti i dentistit sikur hyn në një galeri. Anatolij Kënev është dhe sekretar dhe përfaqësues aktiv i një shoqate kulturore (Rodno Ludogorie). Kjo e fundit popullarizon fakte dhe ngjarje lidhur me mirëkuptimin në mes të grupeve etnike në Bullgari.
© Foto: Rumjana Cvetkova
Anatolij Kënev ka dashur të studiojë drejtësi, por nuk e ka kaluar provimin e regjistrimit. Ai është interesuar shumë për letërsinë dhe historinë. Botime të tij gjenden në faqet e një reviste bullgare kushtuar talenteve në letërsi (Rodna reç). Po ashtu Anatolij Kënev është dekoruar me çmimin kombëtar në emër të shkrimtarit të madh Sllavejkov. Rastësisht Anatolij është gjetur në një shoqëri dentistësh. “Më pëlqeu mendësia dhe pikëpamja e tyre. Tani ndihem i lumtur se e zgjodha këtë profesion. Stomatologjia jep mundësi që njeriu të zhvillohet në mënyrë të pavarur – rrëfen Anatolij. – Për mendimin tim stomatologjia në Bullgari gëzon një nivel shumë të lartë, sepse gjatë 1990-ës kishte mundësi për praktikë private. Kështu që ne patëm shansin të komunikojmë me dentistët nga Perëndimi. Në fakt, dentistët bullgarë nuk kanë bërë ndonjë shpikje në fushën e stomatologjisë dhe vetëm duhet të ndjekin risitë e huaja dhe të përfitojnë nga ato. Esnafi bullgar i dentistëve është shumë i përparuar në këtë drejtim. Konkurrenca në vend është shumë e madhe. Bullgaria është e para për nga numri i dentistëve për frymë të popullsisë. P.sh., Zvicra zë vendin e fundit.”
Dr. Anatolij Kënev komenton se kujdesi për dhëmbët bëhet luks për bullgarët. Ndihma shtetërore nuk është mjaft serioze. Qendra Kombëtare e Shëndetësisë ia siguron secilit pacient vetëm 35 euro. Dihet se shërbimet stomatologjike janë shumë të shtrenjta. Bashkimi i Dentistëve në Bullgari insiston për më shumë alternativa në mjekimin e dhëmbëve. Në mbledhjen e fundit esnafi i dentistëve mori vendim që të njerëzit në gjendje të vështirë sociale të mjekohen falas. “Kërkuam ndihmën e Kryqit të Kuq dhe të Bashkisë së Sofjes që të sigurojnë një vend special mjekimi dhe të përkufizojnë se kush bie në grupin e njerëzve në gjendje të vështirë sociale. Ne do ta pajisim kabinetin dhe do të mjekojmë vullnetarisht”, sqaron Anatolij Kënev.
Cilat janë sfidat e profesionit?
“Sfida më e madhe është përshtatja me stomatologjinë botërore – thotë dentisti. – Në Evropën Perëndimore vazhdimisht zbulohen gjëra të reja. Aktualisht në kabinet jemi pesë dentistë. Vetëm unë mjekoj, derisa të tjerët janë të dërguar në kurse jashtë vendit. Trajnimi është i shtrenjtë por është me rëndësi që ta mundësojmë mjekimin profesional për pacientët bullgarë.”
© Foto: ludogorie.org
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e trashëgimisë kulturore të Evropës. Ka 24 gjuhë zyrtare në BE dhe sa herë që në të anëtarësohen shtete..
Emrat e këtij Komisioni Evropian nuk janë më spekulime apo hamendje, por fakt. Struktura gjithashtu dhe ajo që është e qartë është se janë 6 nënkryetarë ekzekutivë por struktura e nënkryetarëve të zakonshëm është hequr. Siç pritej, secila prej..
Pas ditës së parë të shkollës për nxënësit në Bullgari - 15 shtator - vjen koha për të nisur vitin e ri shkollor edhe për studentët, pasi shumica e institucioneve të arsimit të lartë në vendin tonë hapin dyert më 1 tetor. Në këtë interval prej rreth dy..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..