Shtëpia e Bukës “Sh. Kristofor” mëson në durim dhe dashuri

botuar më 13-03-26 11.31.PD

Mirë se erdhët!

Foto: bread-art-house.org

Njëra nga vatrat e reja kulturore në Bullgari gjendet në qytetin Gabrovo. Ideja e hapjes së qendrës është e Nadezhda Savovës dhe ajo e hapi atë më 2009. Gjatë asaj kohe Nadezhda ka mbrojtur tezën e doktoratës në SHBA. Tema e punimit shkencor u është kushtuar vatrave kulturore në Bullgari. Pranë vatrës kulturore në Gabrovo ajo ka themeluar një shtëpi të bukës me emrin “Sh. Kristofor”. Kjo shtëpi përbën një punishte ku njerëz të ndryshëm mblidhen për të bërë terapi përmes gatimit të bukës. Nadezhda ka bërë një pelegrinazh në Vitleem. Ka mësuar se Vitleem do të thotë “qytet i bukës”. Kështu i ka ardhur ideja që të krijojë një vend i cili të vizitohet nga njerëzit e moshës së ndryshme dhe pa dallim feje, gjinie e etnie. Koncepti ishte që kjo shtëpi të jetë një vatër shpirtërore, sociale e kulturore.

Më së shumti organizohen aktivitetet të cilat inkurajojnë jetimët dhe fëmijët me aftësi të kufizuara mendore e fizike. Çdo herë mblidhen rreth 20-30 veta, të cilët gatuajnë bukë në furrë. Organizatores, Sillvia Nedellçeva, i bëjnë përshtypje fëmijët me autizëm. Për mendimin e saj ata kanë talent në gatimin e bukës.

“Fëmijët me autizëm janë të moshës nga 2 deri në 7 vjeç. Ne i njohim ata me përbërësit e brumit në mënyrë argëtuese – sqaron Sillvia. – Fëmijët përqendrohen mbi punën më se një orë. Kjo më bën përshtypje të madhe. Ja pse filluam t’i vizitojmë ata më dendur. E gatuajnë brumin sikur janë të rritur dhe gjithë jetën e kanë bërë ketë. Në të vërtetë janë shumë të interesuar. Kështu takimet tona zhvillohen duke u kënaqur dhe duke u argëtuar. Muajt e fundit në këtë aktivitet u përfshinë dhe prindërit e tyre. Përmes bukës ne bëjmë terapi dhe vëzhgojmë efektin pozitiv mbi fëmijët me autizëm. Së shpejti do të nxirren dhe botime shkencore lidhur me çështjen. Shumë qendra të tjera kulturore në vend duan të përfitojnë nga metoda përmes bukës.”

Ku gjendet Shtëpia e Bukës dhe si pajiset ajo?

“Në fakt, këndi special për takime dhe bisedime është shtëpi e vjetër e stërgjyshes së Nadezhda Savovës – sqaron Sillvia. – Në terapi pjesëmarrësit i sjellin me veten produktet e duhura – miellin, kripën dhe sheqerin. Bile vitin e kaluar vetë e kishim blerë grurin dhe e çuam atë në një mulli në afërsi të Gabrovos. Babai im gjithashtu na përkrah, duke na siguruar drurët për ta pjekur brumin. Me profesion jam skulptore dhe gjej shumë ngjashmëri midis punës me brumin dhe asaj me deltinën. Bëjmë spektakle me kukulla të pjekura dhe pastaj i hamë ato. Çdokush i cili na viziton, shikon se e kryejmë këtë punë me entuziazëm dhe e kemi për qëllim kënaqësinë e njerëzve.”

Përgatiti në shqip: Anna Kapitanova

По публикацията работи: Gergana Mançeva

Последвайте ни и в Google News Showcase, за да научите най-важното от деня!

Ndaje

Shtëpia e Bukës “Sh. Kristofor” mëson në durim dhe dashuri

Më shumë nga rubrika

Patriku bullgar Daniill ndodhet në Tiranë për ceremoninë mortore të Kryepeshkopit të Shqipërisë Anastasi

Kur dhe pse Radio Bullgaria arriti në Afrikë?

Shkencëtarët bullgarë: Bullgarët nga Krahinat Perëndimore nuk janë një "komb i shopëve"

Tre vjet më vonë - për luftën në Ukrainë, paqen dhe të ardhmen

Në Universitetin e Sofjes po punohet për krijimin e një kompjuteri kuantik