Grupi i rokut “Siluetë”: “Shiko brenda vetës suaj”

botuar më 13-05-08 10.32.PD

Foto: siluetrock.com

AUDIO

Update Required To play the media you will need to either update your browser to a recent version or update your Flash plugin.

Kënga “Shiko brenda vetes suaj” është ndër kompozimet e grupit të muzikës rok “Siluetë” që kompozime janë të përfshira në albumin e tij të ri me të njëjtin titull. Anëtarët e “Siluetës” pohojnë se idetë u vijnë në mënyrë spontane. Në grup janë Mariana Dobreva (vokal, kitarë dhe tastierë), Maria Djulgerova (kitarë bas dhe vokal), Martin Profirov (bateri), Bogdan Dimitrov (kitarë) dhe Mihaella Mihallova (violinë, perkusione dhe tastierë).

“Këto janë kompozime të krijuara dhe të incizuara dy vitet e fundit – sqaron Mariana. – Shumë kohë kemi punuar mbi albumin. Deshëm të përsosnim çdo gjë – nga akordi i parë gjerë kopertinës së CD-së. Për mendimin tim ky album sjell shikimi ynë brenda vetes sonë – si muzikantë dhe njerëz të thjeshtë. Në kopertinën e CD-së janë shkruar emrat e 9 këngëve, por në fakt janë 10. Ka një dhuratë speciale për dëgjuesit tanë.”

Muzika dhe pjesa e madhe e teksteve në projektin e ri muzikor të “Siluetës” janë të autorit. Disa kanë shkruar nga grupi, ndërsa tri tekste të tjera i përkasin autorit anglez të këngëve Phil Jackson. E këtij të fundit është kënga “Share Your Love” (Shpërndaje dashurinë tuaj). Kënga ia solli grupit “Siluetë” çmimin e gazetarëve në Konkursin e Radios Kombëtare Bullgare “Pranvera e Artë 2011”.

“Siluetë” është një grup i muzikës rok. Ai u themelua më 1999 në qytetin bregdetar Burgas. Fillimisht muzikantët kanë interpretuar versione të këngëve origjinale. Pas kësaj, kanë kaluar disa vite në Norvegji ku lindën këngët e para të autorit. Stili i grupit është bashkimi i rokut klasik me atë melodik. Gjatë 2006-ës muzikantët janë kthyer në Bullgari dhe atëherë kanë incizuar këngën e tyre të parë “Vrapoj”. Që nga ai moment marrin pjesë aktive në koncerte dhe festivale kombëtare. Më 2008 doli albumi i parë i grupit me titullin “Rruga”. Në të njëjtin vit muzikantët sollën “Uriah Heep” në Festivalin “July Morning”. Në Festivalin “Spirit of Burgas” (Shpirti i Burgasit) luajtën bashkë me grupin e mirënjohur “Fun Lovin’Criminals”.

Në laboratorin e gripit “Siluetë”, të quajtur “Rock School Studio” muzikantët punojnë mbi projektet e tyre. Laboratori gjendet brenda një shkolle.
“Me këngën “Në pritje të erës” fituam çmimin e publikut gjatë 2010-ës – thotë Mariana. – Ishim shumë të kënaqur me këtë vlerësim. Përveç këtij interpretimi, në eter është dëgjuar dhe kënga “Si bërtet” nga albumi i ri. Kompozimet e tjera akoma nuk i kemi interpretuar para publikut. Këto i krijuam disa muaj para se të dalë albumi. Vetes nuk i kemi vënë kufi. Ka këngë në bullgarisht, ka dhe në anglisht. Kjo nuk është një zgjedhje e menduar, gjërat u bënë në mënyre natyrale. Besoj se dëgjuesve do t’u pëlqejnë.”

Zakonisht në verë grupi “Siluetë” i ngjitet skenës së ngjarjeve muzikore, sidomos në ato që organizohen në bregdet.
“Sivjet në qershor fillojmë të marrim pjesë në festivale të muzikës rok – bën të ditur Mariana. – Do të shkojmë në festivalin në Shkup. Pas kësaj, do të interpretojmë në koncertin e Joe Lynn Turner-it në Burgas para se të dalë ai në skenë. Mbase do të marrim pjesë në “Spirtit of Burgas” si dhe në “Mindia Rock Fest”. Përpiqemi të interpretojmë në çdo ngjarje të muzikës rok që organizohet në vend.”

Përgatiti në shqip: Anna Kapitanova

По публикацията работи: Elena Cvetkova

Последвайте ни и в Google News Showcase, за да научите най-важното от деня!

Ndaje

Grupi i rokut “Siluetë”: “Shiko brenda vetës suaj”

Më shumë nga rubrika

"Kënga ime, dashuria ime"

Legjendat e rock-ut nga DEEP PURPLE, MR. BIG dhe ACCEPT janë të ftuar specialë në Festivalin në Luginën e Verës

Jazz and Art Festival në Oreshak mbledh interpretues nga disa kontinente

Muzikantët e Grupit “Jupiter 7” prezantojnë këngën e tyre më të re

"Nëse telefonon" – një duet i dy interpretuesve të rinj