“Me zbutjen e një qeni mbrojmë jo vetëm njerëzit, por edhe vet kafsha nga njerëzit”. Ky është mendimi i trajnerit Venci Daçevski. Që kur e mban veten mend, i riu bashkë me familjen gjithnjë kanë qenë “miq” të adhuruar në shtëpi. Një ditë Venci vendosi, që dashurinë e rritjes së kafshëve shtëpiake ta shndërrojë në profesion. Sot ai është pronar i një hoteli për qen në kryeqytet, njeri nga zbutësit dhe trajner më të mirë për punë profesionale me qen, kryetar i Shoqatës Kinologjike “Vitosha”, ndërsa nga viti 2010 është arbitër kombëtar pranë Federatës Republikane Bullgare të Kinologjisë. Që prej disa vitesh praktikon edhe kanis – terapi me fëmijë, ose terapi me qen për fëmijë.
Gjithçka filloi, kur Venci vendosi të regjistrohet në klubin e vetëm të trajnimit sportiv të kafshëve në Sofje. “Bashkëmendimtari” si të thuash, në këtë nismë të tij ishte qeni nga raca “Pastorët gjermanë”. Mirëpo, pak pas kësaj për fat të keq qeni vdiq. Pak më vonë Venci nisi të punojë me qenin dhjetëmujor Mistër Xhagër nga raca “Golden retrivër”. “Në fillim qeni kishte një sjellje prej rrugaçi. Ai nuk deshi të ecte në zinxhir, nuk dinte asnjë komandë. Mistër Xhagër nuk është qeni im. Unë e merresha nga pronarët vetëm ditët e pushimit, që të bëjmë trajnimet e zbutjes. Dalë ngadalë rritëm nivelin dhe filluam të bashkëpunojmë shumë mirë.”
Viti 2005 shënoi fillimin e një rruge jo të lehtë, por plotë dashuri. Pak më vonë Venci vendosi prapë të marrë një qen nga raca belge “Malionois” me emrin Mr Champion. Me këtë qen ai plotësoi kriteret e të gjitha disiplinave të domosdoshme për profesionin e trajnerit: plotësimi i komandave të përgjithshme; zbulimi dhe ndjekja e gjurmës; mbrojtje e pronarit dhe e shtëpisë. Në tandem me qenin Mr Champion i riu u prezantua në Kampionatin e 18-të Botëror për punë me qen në Romë. Ai është i mendimit, që të ecën përpara dhe të zhvillohet njeriu, çdo ditë duhet të pasurohet. Ai punon jo vetëm me kafshët, por edhe me pronarët e tyre. Venci është i mendimit, se bullgari akoma nuk mund të kuptojë, se zbutja profesionale i ndihmon si njeriut, ashtu edhe qenit. Qëllimi i Vencit si zbutës dhe trajner është jo ta detyrojë kafshën t’i nënshtrohet pronarit, por të dy ata të fillojnë të komunikojnë në mënyrë adekuate midis njeri tjetrit. “Në shumicën e rasteve me ushqim dhe me loj, qeni mund të fillojë ta dëgjojë pronarin. Është e domosdoshme, që të vendosish një kontakt me kafshën. Çdo qen ka karakterin e vet, ashtu siç është edhe te njerëzit” – buzëqesh Venci. Pyetjes, vallë a iu përngjajnë “miqtë” e adhuruar pronarëve të tyre, Vençi Daçevski iu përgjigj:
“Parimisht po, por nuk mund të thuhet, se çdo qen i ngjan pronarit. Personalisht unë kam disa qen, por nuk mund të them, se të gjithë ata i përngjajnë mua. Mirëpo, qeni, me të cilin arrij rezultate më të mira, të cilit i kushtoj më shumë kohë, dhe me të cilin kemi lidhje më të fortë, është Mr Champion. Dhe në se do të na shikojnë anash do të zbulojnë jo pak afri midis neve.”
© Foto: vitosha-bg.org
Emrat e këtij Komisioni Evropian nuk janë më spekulime apo hamendje, por fakt. Struktura gjithashtu dhe ajo që është e qartë është se janë 6 nënkryetarë ekzekutivë por struktura e nënkryetarëve të zakonshëm është hequr. Siç pritej, secila prej..
Pas ditës së parë të shkollës për nxënësit në Bullgari - 15 shtator - vjen koha për të nisur vitin e ri shkollor edhe për studentët, pasi shumica e institucioneve të arsimit të lartë në vendin tonë hapin dyert më 1 tetor. Në këtë interval prej rreth dy..
Një tjetër donacion i madh për komunën shqiptare të Prespës së Vogël është bërë nga Fondacioni “Kujtesa Bullgare” më 14 shtator në fshatin Globoçeni të Komunës së Pustecit. Fondacioni siguroi një kontejner mjekësor të pajisur plotësisht për fshatin..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..