Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kompozitori Bencion Eliezer dhe fillimi i estradës bullgare

Për muzikantët bullgarë Bencion Eliezer nuk është vetëm autor i këngëve të estradës. Në vitet e tij rinore kompozitori ka luajtur në altsaksofon në “Xhaz Ovçarov”. Pas kësaj ka qenë dirigjent në Orkestrën e Estradës, e cila incizonte muzikë për Radion Kombëtare Bullgare. Bashkë me të dirigjenti realizoi koncertin e parë të estradës në radio, vetëm prej veprash bullgare. Në vitin 1956 Bencion Eliezer u bë udhëheqës i orkestrës së porsaformuar të estradës pranë Teatrit Satirik në Sofje, ku punoi deri në vitin 1958. Më vonë grupi u bë themeli i Big Bendit të sotëm të Radios Kombëtare Bullgare.

Bencion Eliezer

© Foto: ubc-bg.com

Kjo veprimtari lëri gjurma të thella në krijimtarinë e Bencion Eliezerit – ai është autori i një sërë pjesësh instrumentale. Një prej tipareve të krijimtarisë së Bencion Eliezerit në këtë gjini është tingëllimi kombëtar. Kompozitori, i cili ka mbi 250 përpunime të këngëve popullore bullgare, e arrin këtë tingëllim, duke asimiluar në gjuhën e tij muzikore elemente të folklorit tradicional muzikor.

Duke folur për kompozitorin dhe dirigjentin Bencion Eliezer nuk mund të mos përmendim karrierën e tij akademike. Në vitin 1951 muzikanti i ri mbaroi pedagogji në Akademinë Muzikore Shtetërore në Sofje. Dy vjet më vonë u diplomua në degat e kompozimit dhe dirigjimit. Menjëherë pas kësaj u bë asistent në Akademinë e Harmonisë, kurse në vitin 1960 u emërua pedagog atje. Pas dhjetë vitesh Bencion Eliezer u bë profesor. I përmendim këto fakte, sepse ato kontribuuan për rolin e tij të klasikut në estradën bullgare.

Krijimtaria muzikore e Bencion Eliezerit edhe sot e kësaj dite është një shembull i stilit të lartë dhe i thjeshtësisë së mjeteve shprehëse.

Po të doni të dëgjoni vepra të zgjedhura të Bencion Eliezerit, klikoni mbi ikonën AUDIO!

Përgatiti në shqip: Vesella Mançeva
По публикацията работи: Rozmari Statullova


Последвайте ни и в Google News Showcase, за да научите най-важното от деня!

Më shumë nga rubrika

Festivali i nëntë "Opera në maja" në Bellogradçik do të nderojë Giacomo Puccini

Edicioni i nëntë i festivalit "Opera në Maja" do të zhvillohet midis peizazheve natyrore të Shkëmbinjve të Bellogradçikut nga sot, 2 gusht, deri më 18 gusht. Festivali për dashamirët e muzikës organizohet nga Opera dhe Baleti i Sofjes...

botuar më 24-08-02 6.05.PD

Big Bendi i BNR-së dhe këngëtarët Vasill Petrov dhe Valeria Stojanova hapin festivalin ndërkombëtar të xhazit në Borovec

Nga 2 deri më 7 gusht në pushimoren malore Borovec do të mbahet edicioni i tretë i Festivalit Ndërkombëtar të Xhazit “Dr. Emill Iliev”. Forumi muzikor është tashmë një traditë në kalendarin kulturor të resortit tonë malor. Sipas drejtoreshës së..

botuar më 24-08-01 6.15.PD

Muzika dhe artet takohen nën yjet në rajonin e qytetit malor Trojan

Për të gjashtin vit radhazi, fshati malor Debnevo në rajonin e qytetit Trojan po pret Festivalin Ndërkombëtar të Muzikës dhe Artit Jam on the River. Veprimtaria, e cila mbledh shumë muzikantë të huaj dhe vendas, mbahet nga data 31 korrik deri më 3..

botuar më 24-07-31 2.15.MD