Protesta kombëtare e bletarëve për më shumë subvencione

botuar më 13-10-22 11.28.PD

Më 16 tetor bletarë nga qyteti i Shumenit protestuan për rritje të subvencioneve shtetërore.

Foto: BGNES

Më 23 tetor bletarët nga mbarë Bullgaria do të mblidhen në Sofje ku do të hidhen në protestë. Ata janë të pakënaqur me Politikën e Përbashkët Bujqësore të BE-së, e cila la bletarët pa subvencione të drejtpërdrejta në periudhën 2014-2020. Dihet me sa rëndësi është rritja e bletëve për ekologjinë dhe larminë biologjike. Bletarët bullgarë i kërkojnë qeverisë që të gjejë variante të tjera të financimit. Ndryshe, kjo degë do të zhduket. Nga 2007-ës familjet e bletëve në Bullgari janë pakësuar nga 720 deri në 520 mijë. Profesioni i bletarit ushtrohet gjithnjë e më rrallë.

“Rritja e bletëve po shkon drejt rënies – tregohet i shqetësuar inxhinieri Mihaill Mihajllov nga Organizata e Bletarëve në Sofje. – 10 vitet e fundit numri i bletëve u pakësua nga 38 mijë deri në 19 mijë. Erdhi koha kur Ministria e Bujqësisë dhe Ushqimit patjetër duhet të marrë parasysh këto probleme.”

Pse propozimi i deputetes bullgare në Parlamentin Evropian, Maria Gabriel, për subvencione të drejtpërdrejta për një koshere bletësh, u hodh poshtë?

“Ideja është e re dhe ne bëmë vetëm gjysmën rrugë – thotë znj. Gabriel. – Duhet të vazhdojmë ta parashtrojmë këtë çështje në rendin e ditës të BE-së, sepse rritja e bletëve është një sektor strategjik i bujqësisë dhe i gjithë zinxhirit ushqimor. Me rëndësi është që bletarët evropianë gjithashtu të mbrojnë kërkesat e tyre.”

Që nga 2007-a kur Bullgaria u anëtarësua në BE, hyri në fuqi Programi Kombëtar i Rritjes së bletëve ku merret vetëm 50 për qind subvencione evropiane. Deri tani bletarëve ua shpërndaheshin 7 mln euro. Paratë i janë drejtuar veprimtarisë konkrete: krijim i koshereve të reja, luftim i sëmundjeve, kontroll i mjaltit dhe popullarizim i mjaltit vendas. Mirëpo, duket se këto para nuk mjaftojnë.

Sivjet subvencionet për bletarët priten të jenë akoma më pak – 5 mln euro. Deputetja Maria Gabriel bëri me dije, se BE-ja ia ka pakësuar Bullgarisë subvencionet nga Politika e Përbashkët Bujqësore: “Shpërndarja mes sektorëve varet nga kompetenca e qeverisë përkatëse.”

Protestuesit i kërkojnë qeverisë që të sigurojë së paku 30 euro për një koshere bletësh. Mihaill Mihajllov vuri në dukje se në sektorin e bagëtisë shpërndahet nga 30 deri në 175 euro në varësi të madhësisë së kafshës.

Bletarët propozojnë që një pjesë e parave për kultivimin e drithërave, duhanit, perimeve dhe frutave t’i drejtohet sektorit të rritjes së bletëve. Kjo kërkesë bazohet në faktin se, në shkallë të madhe rendimenti varet nga pjalmimi i bletëve. Mirëpo, në pjesën dërmuese rritja e bletëve në Bullgari është amatore, pra rriten nga 10 deri 15 koshere. Kështu që bletarët nuk mund të regjistrohen si ferma e vogël dhe të paguajnë sigurime sociale. Ja pse më të vlefshme do të ishit subvencionet e drejtpërdrejta për një koshere.

Ka mundësi që në periudhën e ardhshme 7-vjetore të Politikës së Përbashkët Bujqësore të BE-së bletarëve t’u shpërndahen subvencione të drejtpërdrejta, siç është te dega e bagëtisë. Rrezik të mos zhduken bletarët bullgarë deri atëherë. Le të kujtojmë se mjalti bullgar është i cilësisë shumë të lartë dhe kërkohet dendur në tregjet botërore. Në vit në Bullgari prodhohen 10 mijë tonë mjaltë.

Përgatiti në shqip: Anna Kapitanova

По публикацията работи: Maria Dimitrova-Pisho

Последвайте ни и в Google News Showcase, за да научите най-важното от деня!

Ndaje

Protesta kombëtare e bletarëve për më shumë subvencione

Më shumë nga rubrika

Ndryshohen rendi dhe kushtet për lëshimin e vizave dhe regjimi i vizave

Elizabeth Bleiker nga Zvicra: Bullgaria duhet të mbetet autentike për të intriguar turistët evropianë

Georgi dhe Maria janë emrat më të zakonshëm në Bullgari në vitin 2024

Ndryshohen rendi dhe kushtet për lëshimin e vizave dhe regjimi i vizave