Nga fillimi i konfliktit nga Siria kanë ikur mbi 2 milionë veta, ndërsa gjashtë milionë sirianë të tjerë ende endin nëpër vend dhe çdo çast mund të kalojnë në shtetet fqinje. Çdo ditë afro 5 mijë sirianë kërkojnë shpëtim jashtë atdheut. Në Turqi numri i tyre arriti mbi 600 mijë veta. Kurse pas si Greqia ndërtoi një gardh në kufirin me Turqinë, Bullgaria u bë hyrja më e përshtatshme në territorin e bekuar të BE për këta refugjatë. Këtë analizë të situatës e bëri për Radio Bullgarinë Roland François-Weil – përfaqësues në Bullgari i Komisariatit të Lartë të OKB-së për Refugjatët.
Pse qeveria bullgare nuk e parashikoi rrezikun?
“Duhet të themi, se situata politike në Bullgari është mjaft e ngatërruar. Brenda një viti u ndërruan tri qeveri dhe me sa duket çështja për fluksin e refugjatëve nuk ka qenë me prioritet – është i mendimit z. Roland François-Weil. – Kurse numri i refugjatëve në një çast u rrit shumë shpejt. Në vitet e mëparshme në vend vinin mesatarisht afro 1000 – 1200 emigrantë ilegalë, kurse nga fillimi i këtij viti ata tashmë janë mbi 10 mijë veta. Autoritetet bullgare pohojnë vetë, se janë të papërgatitur për një fluks të tillë.”
Si rezultat i kësaj qendrat për refugjatët që ekzistonin në vend u përmbushën, kurse në qendrat e porsahapura kushtet e jetesës janë çnjerëzore. Zoti François-Weil e përcakton situatën si katastrofale:
“Qendrat e reja ishin hapur shpejt e shpejt në shkolla të braktisura dhe në godina të tjera të tilla. Kushtet sanitare në disa prej tyre janë shumë të keqe, mungojnë ushqime, ndihmë mjekësore, personel ndihmës. Refugjatëve u jepet ushqim i thatë që nuk mjafton dhe është i njëjtë për të moshuarit, për fëmijët, për të sëmurët. Autoritetet bëjnë çmos sipas mundësive të tyre, por në përgjithësi situata është shumë e rëndë. Kurse në kampin e porsahapur në qytetin Harmanli, kushtet janë katastrofale.”
Pyetjes nëse kushtet për refugjatët sirianë në vendet e tjera janë më të mira François-Weil iu përgjigj, se në të gjitha rastet kushtet në Bullgari nuk i përgjigjen kërkesës për një vend anëtar të BE. Zgjidhja e problemit është jashtëzakonisht e vështirë:
“Autoritetet kanë dëshirë t’u ofrojnë refugjatëve kujdese më të mira, por duke pasur parasysh kontekstin e tanishëm politik në Bullgari dhe mundësitë ekonomike të vendit kjo është tepër e vështirë. Shpresojmë, me ndihmën e BE ti ndihmojmë autoritetet bullgare të përmirësojnë situatën në kampet dhe të nxitojnë procedurën e dhënies së statusit të refugjatit. Shpresoj, ndihma nga BE të vijë sa më shpejtë.”
Hapësira për art, kulturë dhe dialog "Topllocentralla" në Sofje po përgatitet për një mbyllje spektakolare të sezonit të saj të pestë me edicionin e pestë të festivalit emblematik "Topllo Fest". Nën moton "Lartë në qiell", qiftet shumëngjyrëshe..
Parlamenti Evropian është në prag të krijimit të një familjeje të re politike të formuar nga e djathta ekstreme në një kohë kur e majta po i jep një goditje të papritur të djathtës në Francë. “ Në vend të parë është i ashtuquajturi “Fronti i..
Shkolla bullgare e së dielës në Edrene filloi aktivitetet e saj edukative në vitin 2017 me një kurs të gjuhës bullgare për fëmijë nga komuniteti i bashkatdhetarëve tanë. Dy vjet më vonë, me iniciativën e Konsullatës së Përgjithshme të Bullgarisë, ajo u..
Një zonë e re që kombinon një vend modern për t'u çlodhur dhe një hapësirë të përbashkët pune është tashmë në dispozicion për udhëtarët në Terminalin..
Javën e kaluar, Ursula von der Leyen mori nga Parlamenti Evropian një mandat të dytë në krye të Komisionit Evropian me më shumë vota se mandati i..
Mbi 500 delegatë nga 150 vende po mbërrijnë në Bullgari për sesionin e 61-të të Panelit Ndërqeveritar për Ndryshimet Klimatike (IPCC). Nga data 26..