Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Presidenti bullgar Rosen Plevneliev: “Nuk pres që deri në mes të vitit 2014 të ketë ndryshim rrënjësor në përleshjen midis partive politike dhe liderëve”

Foto: BTA

Presidenti bullgar Rosen Plevneliev dhe zëvendëspresidentja Margarita Popova i bënë pasqyrë veprimtarisë së institucionit me rastin e përfundimit të vitit të dytë të mandatit të tyre. Sipas fjalëve të kreut të shtetit, dy vitet e fundit kanë kaluar nën shenjën e sfidave të mëdha të krizës më të rëndë në Evropë që pas viteve 80 të shekullit të XX. Në Bullgari ky është kombinim i disa krizave, përfshi këtu valën e protestave dhe presionin e madh të imigracionit gjatë vitit të kaluar. Mirëpo problemi më i rëndë për bullgarët ishte mungesa e besimit, nënvizoi ai.

Pyetjes së Radio Bullgarisë a do të stabilizohet situata politike gjatë 2014-ës pas vitit jostabil 2013, presidenti Rosen Plevneliev iu përgjigj kështu:

“Nuk pres që deri në mes të vitit 2014 të ketë ndryshim rrënjësor nga pikëpamja e përleshjes më të madhe që prej 24 vitesh midis partive politike dhe liderëve. Po, demokracia kërkon përleshje të ideve dhe të partive politike në Parlament. Por për herë të parë në historinë demokratike të Bullgarisë lejojmë veprime që për mendimin tim nuk janë kaq demokratike. Bëhet fjalë për një përleshje të madhe midis liderëve, për djegien e të gjitha urëve. Është normale të ketë kundërvënie të ideve dhe të subjekteve politike. Por nuk është normale të ketë përleshje personale, të cilat të shndërrohen në një luftë të vërtetë. Për fat të keq kjo luftë do të vazhdojë deri në zgjedhjet e ardhshme evropiane. Kundërvënia politike “me çdo çmim”, marrja e pushtetit “me çdo çmim” nganjëherë nuk e ndihmojnë zgjidhjen e problemeve të kombit.”

Bullgarët jashtë janë mirë, komentoi para mikrofonit të Radio Bullgarisë zëvendëspresidentja Margarita Popova. Shkaku për këtë është se presidenca dhe pushteti ekzekutiv po ecin në drejtimin e caktuar që në vitin 2012. Bëhet fjalë për finalizimin e Strategjisë për komunitetet bullgare jashtë, strategji kjo e cila përgatitet që nga viti 2011. Zëvendëspresidentja rikujtoi se në takimin e përfaqësuesve të bashkatdhetarëve tanë në fund të 2013-ës në Sofje pyetja kryesore ishte lidhur me përfaqësinë e tyre kombëtare në atdhe, si të marrin pjesë ata në politikat e shtetit.

“Deri në fund të prillit të këtij viti do të zhvillojmë këtu, në Sofje, një konferencë të dytë të bashkësive bullgare jashtë, me përfaqësues të autoritetit ekzekutiv dhe presidencës. Konferenca do t’i kushtohet variantit përfundimtar të Strategjisë. Në përgjithësi mund të themi se lajmet për bashkësitë bullgare jashtë janë të mira, por duhet të ketë vullnet dhe dëshirë për të punuar mbi këtë çështje.”

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Edhe nëse liderët e forcës së parë politike Bojko Borisov dhe të DPS-së Deljan Peevski bien dakord për një kabinet të përbashkët, ata do të kenë nevojë për mbështetjen e një lojtari të tretë politik

Dilema - qeveri e rregullt apo zgjedhje në vjeshtë, mbetet edhe pas 9 qershorit

Fitorja në dukje vendimtare e GERB-SDS në zgjedhjet për parlamentin kombëtar nuk do të thotë se partia me çdo kusht do të arrijë të formojë një qeveri në të vetmen formë të mundshme të imponuar gjatë qeverisjes së fundit, pra të ashtuquajturin..

botuar më 24-06-11 6.55.PD

Bullgaria në zgjedhjet evropiane

Zgjedhjet për Parlamentin Evropian më 9 qershor 2024 kaluan pa lëkundje të veçanta për formacionet drejtuese politike. Partia Popullore Evropiane dhe socialistët mbeten në krye dhe ndoshta do të vazhdojnë të ndjekin politikat e tyre të përshkruara...

botuar më 24-06-10 2.11.MD

Prof. i asociuar Hristo Hristev: Parlamenti Evropian nuk është çështje numrash, por përgatitjeje dhe kuptimi se si funksionon BE-ja

Parlamenti Evropian është organi i vetëm në BE i zgjedhur drejtpërdrejt nga qytetarët. 6 138 050 votues bullgarë kanë të drejtë të emërojnë 17 përfaqësues politikë për ta përfaqësuar Bullgarinë në Parlamentin e ri Evropian për pesë vitet e..

botuar më 24-06-09 9.10.PD