Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Beroni – guri i së mirës

Kolazh: Vergil Mitev

Guri Beroni sjell gëzim, mjekon sëmundje, tërheq miq dhe lind shpresa. Besohet se ai posedon forcë magjike. Ky nuk është një gur fizik, por është simboli i fushatës “Sa kushton të ndryshosh botën” të Forumit Bullgar të Dhurimeve. Emri Beron ka të bëjë me imazhin e rilindësit Petër Beron mbi letrën bullgare prej 10 levash. Fushata ka për qëllim dhurimin e 10 levave (me vlerë të përafërt 5 euro) brenda një periudhe të caktuar. Partner mediatik është Radioja Kombëtare Bullgare.

“Për qëllim e kemi të inkurajojmë 100 mijë veta që të dhurojnë nga 10 leva çdo muaj – tregon znj. Borjana Kirillova. – Për një vit mblidhet 12 mln leva (rreth 6 mln euro). Kjo shumë do të ndryshonte botën dhe fatin e shumë njerëzve. Sa kushton në fakt, ndryshimi i botës – vetëm 10 leva. Çdokush nga ne harxhon në muaj së paku nga 10 leva për gjëra të panevojshme dhe të padobishme. Pse jo t’i bashkohemi fushatës dhe të dhurojmë 10 leva për njerëzit në nevojë dhe për ide të mira.”

Kur njeriu është i vendosur të dhurojë shuma të vogla, është normal t’ia bëjë vetes pyetjen çfarë do të ndryshojë?

“Po të lihen anash nga 10 leva çdo muaj, këta bëjnë 120 leva në vit (60 euro). Kaq kushton p.sh. vizita profilaktike te mjeku e njerëzve në gjendje të prekshme ose 20 fidanë të mbjellë të cilët mjaftojnë për një pyll të vogël. Dhurim i tillë mbulon vizitën gjashtëmujore te terapisti i të folurit, ose mjafton për t’u shtypur materialet e një ekspozite. Këta shembuj janë nga fusha të ndryshme, pavarësisht a bëhet fjalë për ndihmë sociale ose mbështetje të artit. Në fakt 120 leva nuk është fare shumë e vogël.”

Sajti i fushatës “Sa kushton të ndryshosh botën” është stanidaritel.com. Kur ta hapni atë, zgjidhni një regjion të Bullgarisë dhe fushën në të cilën dëshironi të bëni dhurimin – ekologji, fëmijë në nevojë, kulturë, arsim etj. Ka disa variante të dhurimit – me anë të një mesazhi nga celulari juaj, me kartelë bankare e disa të tjera. Po të doni t’i telefononi Forumit Bullgar të Dhurimeve, shtypni 00359 2 951 59 78.

Znj. Kirillova sqaron se, pasi të keni zgjedhur fushën e dhurimit, ekipi i fushatës do të përpilojë një plan individual ku ka nevojë të hidhet rregullisht nga 10 leva ose më shumë.

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Universiteti i Ri Bullgar prezanton specialitetet e tij me mundësinë e studimit në frëngjisht

Një nga shkollat ​​e larta në vendin tonë që ofron specialitete me mundësi studimi në frëngjisht është Universiteti i Ri Bullgar (NBU). Ndër tyre janë "Shkencat Politike" dhe "Gjuhët e huaja të aplikuara për administrim dhe menaxhim (në anglisht dhe..

botuar më 24-07-24 6.15.PD

Padurimi kognitiv, vetëvlerësimi i ulët, kultura turbo folk … cili është problemi me fëmijët tanë?

Gati 10 për qind e 11-vjeçarëve në vendin tonë kanë qenë të dehur të paktën dy herë në jetën e tyre, 18% e djemve dhe 13% e vajzave kanë pirë cigare, dhe rreth 19% e 15-vjeçarëve kanë përdorur kanabis, sipas një studimi ndërkombëtar të sjelljes..

botuar më 24-07-23 7.20.PD

U mbyll me sukses java e tretë e Shkollës Verore të Gjuhës Bullgare në Tiranë

Java që kaloi ishte java e tretë e Shkollës Verore të Gjuhës dhe Kulturës Bullgarenë Tiranë. Kjo ishte dhe java e fundit e shkollës në ambientet e Fakultetit të Gjuhëve të Huaja në Tiranë, i cili u ofroi pjesëmarrësve kushte moderne bashkëkohore për..

botuar më 24-07-22 1.30.MD