“Me rroba të bukura duam ta veshim zemrën dhe jo trupin, duke dhuruar paratë e ndara për veshje luksoze”. Kjo është motoja e maturantëve nga Gjimnazi i Gjuhës Angleze në Sofje “Tomas Xheferson”. Të rinjtë kanë hapur një faqe në Facebook – “Panairi i mirësisë” dhe nisma e tyre shpejt u popullarizua nga mediat. Pra, nisma e maturantëve e kundërshton opinionin e përhapur se rinia interesohet vetëm për gjërat materiale dhe jep shpresë se mirësia jeton në zemrat tona.
Iniciatoret kryesore të fushatës bamirëse janë katër vajzat e vitit të fundit në gjimnaz – Viktoria, Adriana, Gergana dhe Iskra. Në vend që të blihen rroba luksoze, paratë e mbledhura do t’u dhurohen fëmijëve, të cilët janë me sëmundjen epidermolizë bulloze. Këta fëmijë njihen si “fëmijët flutur”, sepse e kanë lëkurën e trupit shumë të prekshme siç janë krahët e fluturës. Ideja i ka ardhur Viktories, pasi ka parë në internet fëmijë me epidermolizë bulloze, për të cilët bile puthja e nënës mund të jetë e dhembshme. Në gjimnaz katër vajzat kanë vendosur të projektonin një klip 10 minutash kushtuar të sëmurëve. Pas kësaj, i gjithë gjimnazi ka përqafuar kauzën.
“Orët e fundit të mësimit në gjimnaz u kthyen në një mbrëmje të vogël maturantësh – shpjegon Adriana. – Prindërit tanë japin shumë para për rroba të shtrenjta, makijazh, seri fotografish, hotele e restorante. Kjo është kotësi.”
Rreth 100 persona në Bullgari, prej të cilave tetë fëmijë, vuajnë nga epidermoliza bulloze. Këtë e tregojnë të dhënat e Organizatës “Debra Bullgaria”, e cila organizatë mbron të drejtat e të prekurve nga kjo sëmundje gjenetike. Në mbrëmjen e maturantëve vajzat dhe djemtë do të vishen jo me rrobat e zakonshme luksoze, kurse me bluza të bardha të cilat simbolizojnë shpresën dhe mirësinë.
“Duam të tregojmë se bukuria nuk ka të bëjë vetëm me fustanet dhe makijazhin, bukuria buron nga brenda – thotë Gergana. – Që të jetë njeriu me pamje të bukur të jashtme, së pari duhet të jetë i bukur brenda vetes. Po ashtu kërkojmë të tërheqim vëmendjen e shoqërisë dhe në veçanti atë të Ministrisë së Shëndetësisë, e cila e ka detyrë kujdesin për fëmijët me epidermolizë bulloze. Në muaj të sëmurëve u nevojiten rreth 1000 euro. Shteti nuk mbulon asgjë nga çmimi i ilaçeve dhe artikujve të tjera mjekësore. Aktualisht punohet që epidermoliza bulloze të përfshihet në listën e sëmundjeve për të cilat Qendra Kombëtare e Shëndetësisë shpërndan mjete financiare. Prandaj ngutemi që ky proces të përfundojë së shpejti dhe fëmijët të marrin atë që u takon atyre.”
Fushata bamirëse e katër vajzave u përqafua nga shumë njerëz. “Po të mos na ishin përkrahur, ne nuk do të gjenim mundësi për të vazhduar më tej” – thotë Adriana. Edhe nxënës nga gjimnazet e tjera i bashkohen fushatës. “Çdokush mund të gjejë mirësinë brenda vetes – e bindur është Adriana. – Duhet të injorojë gjërat materiale dhe të kryejë ndryshimin. Ne jemi të rinj dhe pikërisht neve na takon ta nxisim këtë ndryshim.”
Përgatiti në shqip: Anna Kapitanova
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Një numër rekord - 600 "luftëtarë" janë të dislokuar në bazën ajrore Uzunxhovo, dhe rasti nuk është një konflikt ushtarak, por festimi i Ditës së qytetit Haskovo. Atraksioni më i madh me rastin e 8 shtatorit është loja e organizuar ushtarake simuluese..
Ellhovo ndodhet në pjesën juglindore të Ultësirës së Trakisë në mes të një fushe pjellore midis maleve Stranxha dhe Sakar. Një nga lumenjtë më të mëdha në Bullgari - Tunxha - kalon pranë qytetit, dhe në rajon ka 21 fshatra me tokë bujqësore, të cilat..
Këtë javë pritet që presidentja e Komisionit Evropian, Ursula von der Leyen , të prezantojë zyrtarisht propozimin e saj për strukturën dhe përbërjen e..
Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë..