“Gëzuar Ditën e Ungjillëzimit të Hyjlindëses (Vangjelizmoi)” – me këtë mesazh piktorja Ralica Dençeva na fton në ekspozitën e saj e cila hapet mbrëmjen e sotme në lobin e Radios Kombëtare Bullgare. Artistja ekspozon piktura me bojëra vaji dhe vizatime kushtuar festës pranverore dhe simbolikës së saj të thellë.
“Jam e mendimit se tema e Vangjelizmoit është aktuale edhe sot e kësaj dite – thotë piktorja. – Kjo është një festë e nderimit të femrës që lind dhe të bukës. Personazhi i nënës pasqyron natyrën dhe tokën pjellore. Nëna është ajo e cila sillet me kujdes, dashuri, durim dhe mëshirë. Buka është simbol i shprehjes, i Zanafillës Hyjnore, i Lajmit të Bekuar, dhe i farës hyjnore që i takon njerëzimit. Vangjelizmoi është mrekullia e cila ndodh në secilin prej nesh. Vetitë njerëzore dhe ato hyjnore, duke u lidhur në një martesë mistike, pasqyrojnë dy anët e natyrës sonë. Kur njeriu kupton se i ka këto dy lloj vetish, dhe kur i bashkon ato, atëherë gjen harmoninë, bilancin, lumturinë e qetësimin. Shën Maria, duke zërë fëmijë përmes mrekullisë së Shpitit të Shenjtë, ka lindur Birin e Zotit i cili është dashuri. Kur njeriu e bashkon veten me dashurinë, atëherë lind dashuri – qoftë në mendime, qoftë në sjelljen, çdo gjë është dashuri.”
Një vend kyç në filozofinë e piktores është trinia e bukurisë, jetës dhe dashurisë. “Për mua të gjitha fetë janë si lumenj, të cilët bashkohen në një oqean – oqeanin e dashurisë – shpjegon Ralica Dençeva. – Nga feja e vërtetë burojnë jeta dhe dashuria. Çdo gjë e cila vjen të ndajë është urrejtja dhe vdekja. Ja pse këtë trininë e kam fe. Kjo e fundit është e shenjtë për mua, sepse kthen shëmtinë në bukuri, të keqen në të mirë, vetinë njerëzore në veti hyjnore.”
Ralica Dençeva ka lindur më 1970 në qytetin Ruse të Bullgarisë Veriore. Ka mbaruar Fakultetin e Arteve Figurative pranë Universitetit të Veliko Tërnovos “Sh. Sh. Qiril dhe Metodi”. Ka bërë më se 30 ekspozita vjetake në Bullgari, Hungari, Kanada dhe Francë. Vepra të saja gjenden në koleksionet e artdashësve nga tetë vende evropiane, nga SHBA-ja, Kanadaja dhe Japonia. Ka sjellë vizatimet ndaj përmbledhjeve poetike të autorëve të mëdhenj bullgarë, ndër të cilët Pejo Javorov, Penço Sllavejkov, Dimço Debeljanov, Evtim Evtimov, dhe bashkëshorti i saj Rusi Stanisllavov.
Ekspozita e re e piktores na jep mundësinë të ndiejmë mrekullinë e Ditës së Ungjillëzimit të Hyjlindëses dhe të shohim botën rreth nesh në syrin e dashurisë dhe harmonisë. Kjo ekspozitë përbën një mesazh që të ndalemi një çik dhe t’i drejtojmë vëmendje botës shpirtërore brenda vetes sonë.
Përgatiti në shqip: Anna Kapitanova
Fotografi: doc. dr. Vihra Baeva
Violinisti bullgar me famë botërore Vasko Vasilev dhe solistët nga Orkestra e Operës Mbretërore “Kovent Garden” do të mbajnë një koncert klasik akustik më 26 maj në sallën “Gustav Eiffel” të Kullës Eifel. Muzikantë nga 5 kombësi do të jenë së bashku në..
"La Sapienza" në Romë është një nga universitetet më të vjetra dhe më prestigjioze italiane, i themeluar në vitin 1303. Në ditët e sotme është universiteti më i madh në Evropë për nga numri i studentëve që studiojnë me kohë të plotë. Ashtu si në..
Agjencia Bullgare e Shkencave prezantoi një platformë për burimet në gjuhën bullgare në internet BERON. BERON është një shkurtim (nga shkronjat e para të Burimeve Gjuhësore Bullgare Online në bullgarisht), por gjithashtu na kujton enciklopedistin..
"Një zjarr i shuar shpesh rindizet falë prushit që ka mbijetuar." Me këto fjalë të ngrohta profesori i filologjisë sllave Krasimir Stançev ngjall shpresë..