Rusia tregohet e gatshme për të investuar 3 mlrd euro në zhvillimin e infrastrukturës së transportit buzë Detit të Zi dhe lumit Danub. Bullgaria nuk disponon mjete të mjaftueshme financiare, kurse BE-ja nuk derdh mjaft para nga fondet evropiane. Investitorët rusë propozojnë po ashtu të modernizojnë plotësisht portin e Varnës, të ndërtojnë autostrada të reja dhe të zhvillojnë infrastrukturën hekurudhore. Tema e investimeve ruse u diskutua gjatë takimit midis qeverisë bullgare dhe Dhomës Tregtare Ekonomike të Bullgarisë dhe Rusisë në Sofje.
Nga Dhoma Tregtare sqaruan se ky propozim nuk ka të bëjë me raportet aktuale mes Rusisë dhe Ukrainës. Investimet i ishin propozuar Bullgarisë para një viti e gjysmë, por deri tani nuk është diskutuar kjo temë. Investitorët rusë interesohen për riindustrializimin e Bullgarisë, duke ofruar 12.5 mlrd euro. Ky investim ka të bëjë me ndërtimin e gazsjellësit “Rryma Jugore”, pra aty ku Moska ka interes. Sepse bëhet fjalë për nderimin e uzinave të përpunimit të gazit natyror rus i cili do të kalojë përmes gazsjellësit. Investitorët rusë po ashtu interesohen për ndërtimin e uzinave të produkteve të kimisë organike, plehrave azotikë etj. U dha sinjal për investime ruse në rindërtimin e uzinës “Himko”, të cilën uzinë qeveria u përpoq ta shesë për shkak të detyrimeve të mëdha, por nuk arriti sukses.
Pjesa kryesore e tregtisë midis Bullgarisë dhe Rusisë kalon përmes Ukrainës. Situata aty është shqetësuese për biznesin bullgar i cili propozon të hapë një vijë të drejtpërdrejtë detare të transportimit të mallrave. Po të shkallëzohet situata në Krime, kamionët bullgarë do të ngarkohen në anije për në Rusi. Disa kompani tashmë kanë treguar interes për transportimin e mallrave bullgare nga portet e Varnës dhe Burgasit. Po përgatitet një marrëveshje me Moskën për fluturimet çartër. Po ashtu parashikohet shtimi i kompanive ajrore të cilat do të transportojnë turistët rusë. Le të rikujtojmë se biznesi turistik në Bullgari mbështetet kryesisht në turistët rusë. Por muajin e fundit të interesuarit rusë për pushime në Detin e Zi janë pakësuar me afro 30%.
Përgatiti në shqip: Anna Kapitanova
Anëtarësimi në eurozonë më vonë në vitin 2025 është një prej skenarëve dhe në këtë fazë më i mundshmi. Kështu ka deklaruar guvernatori i Bankës Kombëtare Bullgare (BNB) Dimitër Radev në një intervistë për BTA në Uashington, gjatë takimeve..
“U përpoqa që në qeveri të përfshij ekspertë, të ketë vazhdimësi dhe të jetë politikisht i balancuar” – kështu tha kryeministri në detyrë, Dimitër Gllavçev, kur ia prezantoi presidentit përbërjen e kabinetit zyrtar tashmë aktiv. Detyra kryesore e..
Kristalina Georgieva mbetet në krye të Fondit Monetar Ndërkombëtar (FMN) për një mandat të dytë pesëvjeçar. "Bordi i dha një vlerësim të lartë znj. Georgievës gjatë mandatit të saj në trajtimin e një sërë çështjesh të mëdha globale," tha Bordi..
"Punonjës në administratë nuk janë fjalë të pista" – me një slogan të tillë në fillim të muajit prill, punonjësit e shtetit protestuan nën dritaret e..