Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Projekti bullgar “DANDALUNDA” prezanton larminë e madhe të muzikës braziliane

БНР Новини
Foto: arkiv personal

“Të zbulojmë një ndjenjë të njohur në një muzikë të panjohur” – kjo ftesë na intrigojë. Bëhet fjalë për koncert të këngëtares joshëse Vesella Morava me bendin e xhaz muzikantëve të dashur bullgar. Projekti të cilin e paraqesin është me melodi dhe ritme braziliane. Fiesta shumëngjyrëshe, nën emrin “DANDALUNDA”, është më 11 prill në Klubin “Studion 5”.

Foto: Kirill Stanoev“Ky është një projekt për prezantimin e muzikës braziliane në një spektër më të gjerë, sepse ajo është një gjithësi e madhe me melodi, ritme dhe vallëzime – shpjegon Vesella Morava. – Programin tonë e formuam si një përzierje të stileve: bosanova, samba, xhaz, fënk... E vëmë theksin tek muzika por dhe tek elementet e shous. Në të marrin pjesë dhe 3 vallëzuese nga “Amazonia Dance Project”. Sipas meje, që të mund ta perceptosh një muzikë folklorike, siç është muzika braziliane, duhet ta ndihesh dhe në mënyrë virtuale. Kurse për tingullin përgjigjen muzikantët nga bendi: Kalin Geçev (piano), Aleksandër Llogozarov (kitarë), Bobi Petrov (bateri), Radosllav Sllavçev (bas), Nasko Popov (perkusione) dhe Denis Goev (buri). Ata janë interpretues shumë të mirë, kurse ajo e cila na mblodhi është xhazi. Më pëlqen të them se në jetën time dhe në projektet e mia çdo gjë nis nga kjo muzikë. A mundesh të ekzekutosh xhaz – ti je i hapur ndaj të gjitha stileve. Kuptohet, me një rëndësi të madhe është dhe se me kë je në skenë. Kështu që për mua ishte me një rëndësi të madhe t’i gjej këta muzikantë. Me sinqeritet, me entuziazëm dhe bile me naivitet i gëzohemi njëri-tjetrit për atë që po bëjmë. Unë besoj se gjatë 10 vjetëve të fundit muzika kubane u imponua këtu, kështu do të bëhet edhe me muzikën braziliane, pjesërisht me sambën. Gjithmonë kam pasur afinitet ndaj stileve, të ndikuar nga muzika më e vjetër – afrikania. Ritmet e saj janë bazë të brazilianeve, të cilat të vendosura njëra mbi tjetrën të detyrojnë të humbasësh në një trans.”

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Mbrëmjet e verës në Sofje bëhen edhe më romantike - fillon A to JazZ

Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..

botuar më 24-07-04 8.40.PD

Një këngë e përjetshme bullgare në një version të ri

Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..

botuar më 24-07-02 8.10.PD
Foto: Facebook / Xhaz nën yjet Pllaja Devetashko

"Xhazi nën yjet" në Pllajën Devetashko vazhdon deri të dielën

Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..

botuar më 24-06-28 6.38.MD