Në Bullgari u ndryshua Ligji i Kreditimit. Ndryshimet do të ndikojnë mbi tre mln konsumatorë, sektorin bankar dhe firmat të cilat lëshojnë kredi të shpejta. Rreth 10 mlrd euro janë detyrimet e konsumatorëve bullgarë ndaj bankave që përbën 23% të PBB-së. Kreditë e shpejta arrijnë 1 mlrd euro në vit. Pikërisht këto janë shkaqet për t’u ndryshuar ligji, sepse ka interesa që arrijnë deri njëmijë për qind.
Një nga ndryshimet ka të bëjë me heqjen e taksës mbi parapagimin e kredive hipotekare. Kështu personat të cilët kanë marrë deri tani kredi, do të shkojnë bankë më bankë për të gjetur kushte më të favorshme. Ekziston rreziku që ndonjë bankë të fillojë politikë agresive kundër bankave konkurrente, duke ulur çmimet me qëllim tërheqjen e më shumë klientëve. Kjo është e mirë për konsumatorin, por mund të bëjë sistemin bankar të lëkundshëm. Sektori bankar është kundër ndryshimeve ligjore. Ekspertët shqetësohen se interesat do të rriten dhe njëkohësisht do të pakësohet financimi i blerjes së pasurive. Po të zëmë se tani banka lëshon 80% të çmimit të banesës, në ofertat e reja do të ofrohen vetëm 50%.
Ndryshimi tjetër në Ligjin e Kreditimit është vendosja e tavanit prej 50% mbi shpenzimet e kredive. Ky ndryshim ndikon negativisht mbi firmat për kredi të shpejta. Ekspertët financiarë janë të mendimit se fajdeja do të lulëzohet. Sepse shumë firma për kredi të shpejta do ta transferojnë veprimtarinë e tyre në sektorin jo legal. Ata të cilët kanë nevojë për kredi të vogla dhe të shpejta do të shkojnë tek fajdexhiu, veprimtaria e të cilit nuk është tamam e rregullt.
Këto ndryshime në Ligjin e Kreditimit synojnë të pakësojnë mashtrimet me kushte të pasakta, si dhe blerjen e shpejt të mallrave të shtrenjta, pa u menduar për pasojat. Praktika në Evropë tregon se në shumicën e vendeve nuk ka tavan mbi kreditë dhe vendet të cilat e kanë aplikuar atë, tani po heqin dorë.
Problemi është se në kontratat e bankave shkrimi është me shkronja të vogla dhe shumë klientë ngatërrohen dhe e vënë firmën pa arsyetim. Me këto praktika të këqija klientët u bënë armiq të bankave. Çështja është kush do të shlyejë pagesën e fundit.
Përgatiti në shqip: Anna Kapitanova
Paga minimale nga viti 2025 duhet të jetë 1080 leva (542 euro), tha Ljubosllav Kostov, kryeekonomist i Konfederatës së Sindikatave të Pavarura në Bullgari. Ai mori pjesë në konferencën "Direktiva evropiane për pagën minimale: mundësitë për sindikatat..
Bordi Drejtues i Bankës Kombëtare Bullgare (BNB) urdhëroi bankat në vend që të aplikojnë një grup minimal prej 6 treguesish për monitorimin e standardeve të kredisë gjatë dhënies dhe rinegocimit të kredive siguruar me pasuri të paluajtshme banesore...
Që nga viti 2007, kur Bullgaria hyri në BE, të ardhurat reale në vend u rritën më shumë se 3 herë. Fuqia blerëse u rrit me 20%. Në vitin 2006, interesi i kredive hipotekare në vend ishte 8%, tani është 2.8%. Për 17 vjet, Bullgaria kontribuoi 9,056..
Pa diskutime dhe debate, parlamenti më në fund miratoi Ligjin për vënien e euros në qarkullim në Bullgari. Ligji u mbështet nga 167 deputetë nga GERB,..