Shteti nuk duhet të ndërhyjë në biznesin e teknologjive të informacionit dhe të komunikacionit. Detyra e tij është të përgatitë kuadro. Këtë e deklaroi Georgi Brashnarov, kryetar i Asociacionit Bullgar të Kompanive Softuer në diskutimin Bulgarian ICT Watch. Bullgaria radhitet në vendin e dytë në Evropë dhe në vendin e pestë në botë si një orientim tërheqës outsoursing. Ato të dhëna tregojnë potencialin e madh të industrisë bullgare të informacionit. Megjithëqë pozitat e vendit janë kaq të mira, ky biznes nuk ka përkrahjen e shtetit.
Programuesit bullgarë njihen në mbarë botën. Pothuajse në të gjitha kompanitë e mëdha perëndimore softuer ka specialistë bullgarë. Megjithëqë çdo vit 8 mijë specialistë kompjuterikë mbarojnë 15 universitetet e vendit, biznesit nuk i mjaftojnë kuadro. Kjo për shkak se, një numër të madh prej programuesve kërkojnë dhe gjejnë punë jashtë shtetit. Krahas kësaj shihet një përqendrim i kuadrove në qytetet më të mëdha – kryesisht në Sofje dhe në Plovdiv. 85 për qind prej specialistëve IT punojnë në kryeqytet. “Synimi i qeverisë është, që sektori i teknologjive të informacionit dhe të komunikacionit të bëhet gjenerator dhe motor i rritjes reale ekonomike”, theksoi zëvendës ministri i ekonomisë Krasin Dimitrov. Indekset ndërkombëtare e radhitin Bullgarinë ndër viganët e tillë si India, Indonezia, Estonia dhe Singapori. Biznesi i teknologjive të informacionit dhe të komunikacionit ka më tepër orientim eksportues. Vendi eksporton prodhimin e vet në tregje të tilla të mëdha siç janë SHBA-ja, Kina, vendet skandinave, Gjermania.
“Rritja e pritur e sivjetshme në sektorin IT është deri në 20 – 22 për qind – parashikon zëvendës ministri Krasin Dimitrov. – Prioritetet e qeverisë kanë të bëjnë me rritjen e kualifikimit të kuadrove, që janë të domosdoshëm për sektor. Kjo është dega e vetme, në të cilën nuk ka papunësi dhe në të cilën specialistët e kualifikuar menjëherë pas mbarimit gjejnë punë.”
Vjet në teknologjitë e informacionit u investuan 10 milion leva, ose 5 milion euro. Mjetet ndihmuan për realizimin e pesë projekteve të mëdha. Për shkak të konfliktit midis Rusisë dhe Ukrainës dhe të paqëndrueshmërisë së biznesit në këtë rajon, konkurrenca e lindjes bëhet më e ashpër. Lidhur me këtë Georgi Brashnarov thekson: “Jemi dëshmitarë të një vale të re në sektorin IT. Firma të mëdha nga Rusia, Ukraina, Bjellorusia brenda tri muajve të fundit u vendosën në Bullgari. Specialistët e teknologjive të informacionit e dinë Bullgarinë dhe programuesit bullgarë, të cilët janë të njohur në mbarë botën. Është me rëndësi, që specialistët bullgarë me përvojë të përfshihen në prodhimin e vlerës suplementare të shtuar.”
Përgatiti në shqip: Svetllana Dimitrova
Për të jetuar normalisht një punëtor në Bullgari nevojiten 1454 leva /743.42 euro/. Këtë e tregojnë të dhënat e Konfederatës së Sindikatave të Pavarura /KNSB/ për tremujorin e fundit. Mbajtja e një familjeje prej tre anëtarësh (dy punëtorë dhe një..
Në botën moderne nuk mjafton të njohësh njësitë monetare të vendeve të veçanta dhe të dish se si monedhat e tyre lidhen me levin bullgar. Konvertimi i levit në euro dhe anasjelltas nuk i zgjidh problemet tona financiare për një kohë të gjatë dhe nuk..
Në vitin 2023, përqindja e të rinjve që nuk punojnë dhe nuk mësojnë nën moshën 29 vjeç ishte 13.8 për qind krahasuar me 15.1 për qind një vit më parë. Në sfondin e BE-së, kjo përqindje në Bullgari mbetet e lartë. 1/7 e të rinjve joaktivë kanë arsim të..
"Punonjës në administratë nuk janë fjalë të pista" – me një slogan të tillë në fillim të muajit prill, punonjësit e shtetit protestuan nën dritaret e..