Si filloi dashuria ndaj muzikës?
“Dashurinë ndaj muzikës e mbaja në veten time akoma si e vogël – përgjigjet Rosica. – Kam mësuar solfezh dhe fizarmonikë në shkollën muzikore “Angjell Kënçev” në qytetin Ruse. Morra një përgatitje shumë të mirë vokale. Gjatë vitit 1976 u paraqita në një dëgjim për festivalin ndërkombëtar për këngë zbavitëse bullgare “Orfeu i Artë”. Kjo ishte trampolina ime. Në konkursin për interpretues ndesha një konkurrencë të fortë. Fitova dekoratën e dytë. Pas këtij fillimi të mirë kuptova se rruga drejt majës është e vështirë.”
Pas suksesit në “Orfeun e Artë” vjen dhe dekorata e parë në festivalin “Karafili i kuq” në Soçi. Karriera e Rosica Borxhievës e shpie në vende të ndryshme nga Evropa, Azia, Amerika Jugore... “Unë emocionohem fort dhe sot, kur duhet të dal në skenë – tregon këngëtarja. – Kjo është karakteristike për çdo një artist me përgjegjësi, që dëshiron ta hapë zemrën para publikut.”
Tanimë vite të gjata Rosica Borxhieva jeton në Itali. Aty ajo u a transmeton dijet dhe përvojën e saj nxënësve nga shkolla “Muzika e re” në qytetin Çita di Kastello. Për punën e saj ajo tregon: “Unë merrem me edukimin vokal të fëmijëve, por vijnë dhe njerëz nga të gjitha moshat, të cilët kanë dëshirë të fitojnë një kulturë të mirë muzikore. Më e mira në ditët e mia të përditshme janë fëmijët. Më pëlqen bota e tyre e pastër, e përzemërt dhe e çiltër. Si parim i pëlqej njerëzit. Njeriu është kapitali më i vlefshëm-nuk mund të barazohet edhe me floririn. Kurse e ardhmja jonë, këta janë fëmijët. Ndaj tyre duhet të sillemi me një dashuri të madhe dhe ti mësojmë të duan. Mesazhet të cilat ua transmetojmë, formojnë botëkuptimin e tyre.”
Rosica Borxhieva shpesh udhëton deri në atdhe. “Me atdheun më lidh një lidhje e fortë”,thotë këngëtarja. Vjet ajo i gëzoi adhuruesit e vet me një koncert të madh në sallën “Bullgaria”. Ja se çfarë përfshijnë planet e saj: “Do të doja të realizoj një koncert të ngjashëm dhe në qytetin Ruse gjatë vjeshtës. Shumë shokë e miq të mi nuk patën mundësi të vijnë deri në Sofje. Do tija kushtoj këtë koncert qytetit tim të lindjes, të cilin e dua shumë.”
Përgatiti në shqip: Nataniela Vasileva
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..