Brukseli ngre padi penale kundër Bullgarisë, kurse shkaku është zgjedhja e ndërtuesit për gazsjellësin “Rryma Jugore” për trasenë bullgare. Komisioni Evropian ka dyshime, se janë shkelur rregullat e tregut të brendshëm dhe të zhvillimit të konkursit për zgjedhjen e kryerësit të projektit. Akuza tjetër është për mosrespektimin e rregullave energjetike evropiane.
Komisioni Evropian i ka dërguar një letër zyrtare Bullgarisë në të cilën këmbëngul që “Rryma jugore” të pezullohet. Kjo është faza e parë nga procedura penale kundër Bullgarisë, kurse afati për përgjigje të vendit është një muaj. Kërkesa për ndërprerjen e projektit është deri në bisedimet e ardhshme në Sofje të ekspertëve nga Brukseli gjatë javës së ardhshme. Nga Ministria e Ekonomisë dhe të Energjetikës deklaruan se, Bullgaria jo njëherë dhe në mënyrë kategorike është angazhuar ta respektojë kornizën juridike evropiane gjatë realizimit të “Rrymës Jugore” në territorin bullgar. Pala bullgare dhe deri tani ka informuar në kohë dhe me hollësi Komisionin Evropian për të gjitha veprimet e ndërmarra dhe zhvillimin e “Rrymës Jugore” në territorin bullgar. Në të njëjtën kohë Bullgaria, bashkë me vendet e tjera anëtare, përmes territorit të së cilës kalon traseja e gazsjellësit, është një pjesëmarrëse aktive në dialogun midis Bashkimit Evropian dhe Rusisë për zgjidhjen e çështjeve juridike, është pozita e dikasterit ekonomik. Bullgaria është nën kërcënimin e hapjes së një procedure tjetër penale për shkak të ndryshimeve në legjislacionin vendas dhe futjen e nocionit “gazsjellës detar”, që përjashton tubin nga territori evropian. Bullgaria nuk shikon problem në formulimin e ri të pjesës detare, pavarësisht se ajo do t’i garantojë aksionarit bazë – Moska, rezervim të kapacitetit të plotë të tubit nëpër fundin e detit. Pritet që në takimin me ekspertët nga Brukseli më 13 qershor të këtij viti të ketë sqarime mbi kazusin. Tani për tani qeveria nuk mendon të kufizohet dhe të marrë parasysh vërejtjet e Komisionit Evropian. Sipas komisionarit evropian Gjunter Jotinger bisedimet mbi projektin do të vazhdojnë, në qoftë se Rusia kthehet ndaj së drejtës ndërkombëtare dhe tregon gatishmëri për bashkëpunim mbi bazën e rregullave energjetike evropiane. Përgjigja e Moskës ishte e pritur: Komisioni Evropian nuk mund të ndalë ndërtimin e “Rrymës Jugore” kurse sasitë e para të gazit nëpër pjesën detare do të nisen drejt Bullgarisë dhe Bashkimit Evropian gjatë dhjetorit të vitit 2015 deklaroi shefi i “Gazpromit” Aleksej Miler. Ndërkohë Greqia po kështu dëshiron të përfshihet ndaj gazsjellësit “Rryma Jugore”, duke kërkuar ndërtimin e degës së tubacionit përmes territorit të saj.
Përgatiti në shqip: Nataniela Vasileva
Të ardhurat më të larta të deklaruara për vitin e kaluar janë 70 milionë leva (35 785 000euro), sipas të dhënave të Agjencisë Kombëtare të të Ardhurave pas përfundimit të fushatës tatimore dhe deklarimit të të ardhurave të personave fizikë. Mjetet..
Në muajin maj, situata ekonomike në vend është përmirësuar për të dytin muaj radhazi. Përmirësim ka pasur në tregtinë me pakicë, ndërtim dhe shërbime, por ka pasur rënie në industri. Në ndërtim, industri dhe në sektorin e shërbimeve nuk pritet..
Banka Kombëtare Bullgare (BNB) publikoi "Rishikimin e masave të vendosura për rreziqet me të cilat përballet sistemi bankar", nga kreditë e siguruara me hipotekë për banesat dhe pasuritë e paluajtshme. “Shqetësime të tilla kanë arsye serioze duke..
"Punonjës në administratë nuk janë fjalë të pista" – me një slogan të tillë në fillim të muajit prill, punonjësit e shtetit protestuan nën dritaret e..