Megjithë temperaturat jo të zakonta për stinën e verës, sezoni i birrës po shkon shumë mirë. Prodhuesit e birrës artizanale shfrytëzojnë çdo rast për të popullarizuar hobin e tyre. Pas Festivalit BeerRelation në Sofje, ku u grumbulluan prodhues të birrës artizanale dhe koleksionues të saj, tani u mbajt dhe konkursi i dytë. Organizator ishte Asociacioni i prodhuesve të birrës në kushte shtëpiake.
Juria duhej të përzgjidhte nga një birrë në katër kategoritë – Weizen, Bitter Special, Stout i Ëmbël dhe Pale Ale Amerikane. Ndaras, u degustuan edhe 16 lloje të tjera birre, përgatitur në kushte shtëpiake. Në këtë konkurs garuan më se 50 pjesëmarrës, përfshiu nga Polonia dhe Sllovakia.
Z. Svilen Kirillovski, anëtar i jurisë, rrëfen më shumë rreth kritereve të konkursit:
“Vlerësimi ishte në bazë të BJCP-it (BeerJudgeCertificationProgram ), pra sipas kritereve botërore për llojet përkatëse të birrës – a kanë shkumë, ngjyrë, aromë, shije dhe stil. Më vjen mirë se shumë nga prodhuesit e birrës artizanale i përgjigjen kriterit të stileve botërore.”
Juria përbëhej si nga anëtarë bullgarë e të huaj. Këta të fundit ishin Martin Fek dhe Peter Bognar. Fitues në kategorinë e birrës Weizen juria zgjodhi Danaill Dillovin (Bullgaria). Në kategorinë Bitterspecial fitoi Stanisllav Soroka (Sllovakia). Jan Krishljak (Polonia) u dallua në kategorinë “Stout i Ëmbël”, ndërsa birra e Marçin Zihu fitoi në kategorinë “Pale Ale Amerikane”. Katër birrat e fituesve garonin për titullin Grand Champion. Këtë të fundit e meritoi Danaill Dillov.
Në stilin e lirë ku garonin 16 birra të prodhuara artizanalefitoi polonezi Jarosllav Kravçik me produktin e tij Light Cocoa.
Edhe publiku mori pjesë në vlerësimin e birrave, duke votuar për dizajnin më të mirë të etiketës së birrës. Si më tërheqëse u dallua etiketa e sjellë nga Jordan Çenkov. Sigurisht që publiku u kënaq me degustimin e birrës, i cili degustim u mundësua nga Asociacioni i prodhuesve të birrës artizanaledhe nga pjesëmarrësit e huaj nga Sllovakia. Për mendimin e z. Svillen Kirillovski prodhimin e birrës artizanale në Bullgari e presin ditë të mira dhe së shpejti ky lloj birre do të bëhet konkurrencë serioze e birrës që pihet në masë.
“Deri një vit prodhimi artizanal i birrës do të lulëzojë në Bullgari, sepse përveç tri birrarive, do të hapen edhe dy ose tri të tjera, thotë z. Kirillovski. – Kjo është e ardhmja. Konsumatorët janë mërzitur me llojet e zakonshme të birrës dhe gjithnjë e më dendur kërkojnë lloje të reja.”
Qëllimi i Prodhuesve Artizanalë të Birrës është që vitin tjetër të përfshihen sa më shumë pjesëmarrës të huaj dhe në këtë mënyrë të popullarizohet konkursi jashtë Bullgarisë.
A është fitimprurëse që të prodhosh birrë artizanale? Aktualisht prodhimi i birrës në kushte shtëpiake mund të jetë vetëm hobi, sepse nuk figuron në ligj. Prandaj birra artizanale ende nuk konsumohet në masë, sepse zyrtarisht ajo nuk mund të shitet në treg. Ligji duhet ndryshuar. Prodhuesit bullgarë të birrës artizanale janë të mendimit se në Parlament duhet të krijohet një klub i adhuruesve të birrës. Klub i tillë ekziston në Parlamentin Evropian në Bruksel. Kjo do të ndihmonte për t’u zgjidhur çështja.
Gjithnjë e më shumë popullarizohet prodhimit artizanal i birrës. Prodhuesit bullgarë po shtohen. Aktivitete si ky konkurs ndihmojnë për njohjen më të gjerë të bullgarit me karakteristikat e birrës.
Përktheu: Anna Kapitanova
Nxënësit bullgarë fituan pesë medalje - një të argjendtë dhe katër të bronzta - në Olimpiadën Ndërkombëtare të Fizikës në qytetin Isfahan, Iran. Në garë morën pjesë 198 pjesëmarrës nga ekipe nga 46 vende. Medaljen e argjendtë e fitoi Bajan Geçev..
Shoqata "BG Ji Aktiv" (BG Бъди активен) fton organizatat joqeveritare, klubet sportive dhe institucionet arsimore për të inkurajuar organizimin e veprimtarive të pastrimit dhe bisedave edukative në lidhje me fushatën "JO plehërishtave ilegale", me..
Ditët e fundit, nga 19 deri më 25 Korrik, ishin më të bukurat për pjesëmarrësit në Shkollën Verore të Gjuhës dhe Kulturës Bullgare . Ato ishin të mbushura plot me emocione që do të ngelen në memorien e tyre për një kohë të gjatë. U mbyll me..
Ekspozita, lexime malore nga librat për Bullgarinë, poezi dhe muzikë - këto janë vetëm një pjesë e programit të Bibliotekës së Kryeqytetit me rastin..