“Fillova të këndoja në shtëpi që si i vogël, kurse profesionalisht fillova të merresha me këndim me shaka, në shoun “X Factor”. Më pëlqen të dëgjoj muzikë, më pëlqen të këndoj, por nuk kam menduar kurrë se kjo mund të bëhet profesioni im.”

“Në përgjithësi kam shumë pasione, njëri prej të cilave është fotografia. Sportet ekstreme gjithashtu më pëlqejnë shumë. Desha të filloja kurse të parashutizmit. Kam kërcyer me bënxhi një herë, por desha përsëri ta bëjë këtë, si dhe të shkoj në rafting. Përjetime të tilla ekstreme interesante janë një provokim i madh për mua.”

“Thënë sinqerisht, desha ta mishëroja imazhin e Xhamirokuaj, ai është një këngëtar shumë i dashur për mua. Si dhe Prins, Xhejms Braun – këta janë interpretues nga të cilët jam mësuar në të kaluarën. Por s’ka problem, mund të marrë pjesë përsëri në shou, si mysafir. Ka edhe imazhe të interpretuesve të tjerë, të cilat desha t’i mishëroja. Vetë procesi - makijazhi, veshjet është shumë i këndshëm dhe gjithçka është si një lojë fëmijësh.”

Rafi tashmë nuk mban mend si janë takuar me Leo, Deo dhe Igrata (Lojën), por ka një gjë të sigurt – çdo një interpretim i tyre bëhet hit. Spotet e tyre gjithmonë janë një festë. Dëfrehen jo vetëm katër muzikantët, por edhe publiku. Kënga e tyre e fundit “Mr. Comandante” i është kushtuar njeriut, i cili nuk i gëzohet jetës, por gjithmonë është i pakënaqur, na shpjegon këngëtari i ri.

Megjithëse është verë, Rafi është duke punuar mbi disa projekte të reja dhe merr pjesë në koncerte. Pritet që së shpejti të jetë gati kënga e tij e re “Ashtu apo jo”, ku këndon bashkë me raperin Hudini, kurse më 9 gusht në Primorsko mbaroi turneu xhuboks “Do të ta them këtë me një këngë”, turne ky që u zhvillua në 13 qytete bullgare. Për të Rafi na tregon:

“Është shumë interesante, sepse njerëzit mund të zgjedhin vetë se çfarë të dëgjojnë në skenë. Kjo është diçka që nuk është bërë deri tani dhe pëlqehet nga publiku. Kur të zgjedhin një këngë nga vitet 80, të cilën grupi ynë nuk e interpreton, gjithmonë fillon playback. Të gjithë fillojnë të kërcejnë, pasi ne fillojmë të këndojmë, ata gjithashtu këndojnë me ne. Shpresoj se do të kemi shfaqje të tilla përsëri në Bullgari, sepse vërtetë është shumë bukur të shohësh buzëqeshjet e njerëzve dhe të shohësh se ata argëtohen, duke zgjedhur vetë këngën e preferuar.”

Përgatiti në shqip: Vesella Mançeva