Rritja e kërkimit të parave cash – bankënota dhe monedha, si rezultat i tronditjeve në sistemin bankar gjatë disa muajve të fundit, theksohet nga Banka Popullore Bullgare si argument dhe shkak për porosinë e saj të ngutshme për prerjen e 60 mln bankënotave të reja me nominal 10, 20 dhe 50 leva. Kjo është dy herë më shumë nga bankënotat e reja të prera vitin e kaluar.
Para se të marrin këtë vendim, bankierët duhet të kenë vlerësuar mirë situatën, si dhe pasojat eventuale mbi sjelljen e qytetarëve dhe firmave, shumë prej të cilëve humbën besim në sistemin financiar të vendit dhe në sigurinë e bankave tregtare. Mirëpo, është fakt se pikërisht në kulmin e krizës rreth Bankës së mbyllur Korporative Tregtare dhe thashethemeve të shumta për probleme edhe në disa banka të tjera, një vendim i tillë i Bankës Popullore Bullgare tërheq vëmendjen e shoqërisë. Dhe menjëherë bëhen pyetje, të cilave autoritetet e ndryshme u përgjigjen në një mënyrë të ndryshme. Në qoftë se i pranojmë argumentet e Bankës Popullore Bullgare për domosdoshmërinë e prerjes së bankënotave të reja pikërisht në këtë moment, është logjikisht të interesohemi për përmasat e operacionit të planifikuar dhe për efektet e tij të mundshme mbi sistemin financiar të vendit.
Paratë në qarkullim në vend janë me vlerë rreth 10 mlrd leva, ose pak më shumë se 5 mlrd euro nën formën e rreth 330 mln bankënotave. Më shumë janë bankënotat prej 20 levash, të cilat janë 32 për qind e të gjitha bankënotave në qarkullim. Pas kësaj më të përhapura janë bankënotat prej 10 levash, të cilat përbëjnë 20.45 për qind. Përqindja tjetër ndahet nga bankënotat prej 2, 5, 50 dhe 100 levash. Bankënota mesatare në Bullgari është me vlerë 27.47 leva, ose, thënë me fjalë të tjera, vlera e bankënotave të reja është rreth 1.648 mlrd leva, ose 16 për qind prej të gjitha bankënotave në vend. Rritja nuk duhet të injorohet, por ajo në asnjë mënyrë nuk mund të shkaktojë rritje të inflacionit. Thjeshtë sepse inflacioni nuk varet nga vëllimi i bankënotave në qarkullim, por nga faktorë të tjerë ekonomikë, të lidhur me kërkimin dhe ofrimin në tregjet e ndryshme, me shpenzimet e prodhimit, prodhueshmërinë e punës etj. Kështu qe bankënotat e reja vetëm do të lehtësojnë xhiron e parave, do të zëvendësojnë bankënotat e vjetra dhe të dëmtuara dhe do të plotësojnë rezervat strategjike të bankës qendrore në një moment të kërkimit më të forcuar të bankënotave.
Përgatiti në shqip: Vesella MançevaMoody's pret që Bullgaria të hyjë në Eurozonë jo më vonë se fillimi i vitit 2026. Sipas agjencisë së vlerësimit, rritja e ekonomisë bullgare në vitin 2024 do të jetë 2.9%. Kriza e vazhdueshme politike e brendshme dhe mundësia e zgjedhjeve të reja..
Depozitat në banka për tremujorin e parë të vitit 2024 arritën shifrën rekord prej 75.4 miliardë euro (150 miliardë leva). Nga janari në mars, depozitat u rritën me 1.35 miliardë euro (2.7 miliardë leva) ose me 1.8%. Rritja është kryesisht për shkak..
Qeveria e përkohshme e ngarkoi zëvendëskryeministren dhe ministre të financave Ljudmila Petkova që të paraqesë deri më 11 shtator një propozim për një ndryshim në Planin e Rimëkëmbjes dhe Qëndrueshmërisë sipas kapitullit REpowerEU. Kjo bëhet për të..