Ministria e Punëve të Brendshme regjistroi numër të shtuar të zbardhjes së krimeve në territorin e qytetit Sofje, si dhe në Qarkun e Sofjes. Të dhënat e tetë muajve të parë të vitit tregojnë se tendenca shkon te pakësimi i krimeve të regjistruara dhe njëkohësisht te rritja e krimeve të zbardhura në krahasim me të njëjtën periudhë të një viti më parë.
Sipas fjalëve të shefit të Policisë Kryeqytetase, z. Mlladen Marinov më së shumti janë pakësuar vjedhjet e veturave dhe rastet e grabitjes. E ngjashme është gjendja në Qarkun e Sofjes, vuri në dukje shefja e Drejtorisë së Qarkut të MPB-së – Sofje, znj. Maria Ivanova. Për këto rezultate të mira kanë kontribuuar masat e ndërmarra, në veçanti harta interaktive e kriminalitetit në vend. Harta regjistron vendin ku kryhen më shumë krime dhe përkatësisht në këtë vend puna e policëve riorganizohet për kontroll më të mirë. Harta ripërtërihet çdo gjashtë muaj. Në të regjistrohen të dhënat e drejtorive të qarqeve dhe të zyrave rajonale të MPB-së. Një hartë e tillë është përpiluar për Sofjen dhe Qarkun e Sofjes. Kjo metodë veprimi do të vlejë edhe për tregtinë me votat në lidhje me zgjedhjet e parakohshme parlamentare më 5 tetor të këtij viti.
Sipas hartës interaktive kriminaliteti në periudhën janar-shtator të këtij viti në Sofje është pakësuar me 4 për qind, ndërsa në Qarkun e Sofjes – me më se 10 për qind në krahasim me të njëjtën periudhë të një viti më parë. Për sa i përket llojit të krimeve, harta ka regjistruar rritje të shpërndarjes së lëndëve narkotike, vjedhjeve dhe mashtrimeve. Megjithë uljen në raport 2013-2014 vjedhjet në shtëpitë në lagjet e largëta të kryeqytetit dhe në vilat në rajon mbeten problemi më i madh për bullgarët. Sipas fjalëve të shefit të Policisë së Qarkut të Sofjes për çështjet e kriminalitetit, z. Dimitër Mashov skema e vjedhjeve në vilat në rajonin e kryeqytetit vazhdon të funksionojë dendur. Më së shpeshti bëhet fjalë për grupe dy-tre personash nga rajonet e tjera, të cilët vjedhin pajisje shtëpiake.
“Më i prekur është qyteti Svoge nga kalon linja hekurudhore – shqaron z. Dimitër Mashov. – Vjedhësit nga Sofja, Montana dhe Mezdra dhe nga disa qytete të tjera zbresin aty natën dhe shkojnë për të vjedhur në vilat përreth. Pastaj në mëngjes nisen me trenin e parë. Kjo ndodh kryesisht gjatë stinës së dimrit, sepse atëherë pronarët nuk shkojnë në vila për shkak të rrugëve të këqija. Deri tani janë arrestuar 3-4 grupe vjedhësish. Në vendngjarje ata shkojnë edhe me automjetet e tyre personale, jo vetëm me tren. Rregullisht kontrollojmë dyqanet ku blihen sende të përdorura, si dhe pikat e skrapit, kryesisht në territorin e Sofjes, por edhe në qytetin Berkovica ku kemi gjetur shumë pajisje të vjedhura. Për fat të mirë, vjedhjet në qytetin Svoge janë pakësuar ndjeshëm deri në minimum.”
Z. Mashov sqaroi se sisteme për video-mbikëqyrje ka vetëm në qytetet e mëdha të qarkut si Botevgrad, Samokov dhe Elin Pelin. Sipas fjalëve të shefes së Drejtorisë së Qarkut të MPB-së-Sofje, znj. Maria Ivanova tani për tani nuk ka nevojë për sisteme të tilla në vendbanimet e vogla, sepse nuk vërehet qarkullim aq i shtuar rrugor se sa në qytetin e madh.
Përgatiti në shqip: Anna Kapitanova
Më 22 dhe 23 shtator, bullgarët, kryesisht nga Italia Veriore, u mblodhën në qytetin e bukur italian Brunate mbi liqenin e Komos, në sfondin e Alpeve madhështore dhe pamjen e të gjithë luginës së Lombardisë. Për dy ditë me rradhë ata nderuan jo vetëm..
Më 5 tetor 2024 u hap shkolla e parë bullgare e së dielës në fshatin Trebisht të Gollobordës, Shqipëri. Shkolla mban emrin e festës më të bukur bullgare - “24 Maj” - dita në të cilën nderojmë veprën e Shenjtorëve Kirill dhe Metodij, shkrimin dhe..
Motra Meri Grejs është një nga 7 murgeshat në manastirin benediktin në fshatin Carev Brod, Bullgaria Verilindore. Ajo është 27 vjeçe dhe është nga Tanzania. Gjashtë motrat e tjera në manastir janë nga Gjermania, Koreja, Filipinet dhe Bullgaria...
Pensionistët bullgarë jetojnë në kushte që nuk i lejojnë ta shijojnë plotësisht pleqërinë, ndryshe nga moshatarët e tyre në vendet më të zhvilluara,..
“Shoqata për Identitetin Bullgar” e sapokrijuar u prezantua më 3 tetor në Ambasadën e Bullgarisë në kryeqytetin e Shqipërisë, Tiranë. Shoqata u..
Montana është një nga qytetet rajonale në veriperëndim të Bullgarisë. Sipas statistikave, rajoni nuk mund të mburret me tregues veçanërisht të lartë..