Javën që kaloi Presidenti i ShBA-së, Barak Obama tha se është gati për të udhëhequr koalicionin për luftë kundër organizatës terroriste “Shteti Islamik”. Ministri i Punëve të Jashtme të Bullgarisë, Daniell Mitov bëri një deklaratë nga e cila u bë e qartë se Bullgaria është solidare me synimin e ShBA-së. Ministri bullgar tha se brenda disa javëve Bullgaria do të dërgojë armë të lehta dhe municione në Kurdiskan për ta ndihmuar Irakun në luftën kundër ekstremistëve.
Bisedime për t’u dërguar burime njerëzore në vendngjarje nuk janë bërë, dhe në këtë etapë nuk pritet të ketë, duke u marrë parasysh se vetë presidenti amerikan përjashton dërgimin e forcave tokësore. Bullgaria e konsideron grupimin “Shteti Islamik” shumë të rrezikshëm për vendin dhe të gjithë BE-në, sepse në të marrin pjesë ekstremistë me pasaporta evropiane dhe burmime të financimit të degës së naftës.
Në fakt, gatishmëri për luftën kundër ekstremistëve, pala bullgare ishte treguar kohë më parë para fjalimit të Obamës. Në fund të muajit gusht Këshilli i Punëve të Jashtme i BE-së arriti në përfundimin se kriza në Irak kërcënon drejtpërdrejt sigurinë e kufijve të jashtëm të BE-së, ku është edhe Bullgaria. Atëherë qeveria bullgare ngarkoi ministrin e vet të jashtëm me detyrë që të koordinojë me autoritetet e Irakut dhënien e ndihmës ushtarake e humanitare. Pozita e qeverisë është logjike dhe e arsyeshme. Këto ditë lideri i “Shtetit Islamik”, Ebu-Beker El-Bagdati bëri me qartë se tashmë është marrë vendimi për krijimin e Kalifatit në Evropë dhe shteti i parë në Ballkan ku do të valëvitet flamuri i zi do të jetë Bullgaria. Së pari, për shkak të gjendjes gjeografike të vendit dhe së dyti, për shkak të mijëra ithtarëve dhe shumë myslimanëve, të cilët janë në pritje të sinjalit të liderëve të tyre për të sakrifikuar jetën në emër të Allahut.
Mirëpo, javën që kaloi u bë e qartë se myslimanët në Bullgari nuk e përkrahin këtë ide. Bashkësia Islame në vend shprehu pozitën e vet të ashpër kundër sulmeve barbare të Shtetit Islamik në Lindjen e Mesme. Shkelja e pa precedent e vlerave të mëdha të islamit dhe përdorimi i fesë si instrument për synime politike, na shqetëson shumë, theksuan nga Bashkësia Islame në Bullgari. Përdhosja e islamit nga pseudo-grupimi islamik nuk është në pajtim me shtyllat e fesë sonë të shenjtë, sepse ato janë plotësisht të ndryshme, pohuan nga Bashkësia Islame në Bullgari.
Përgatiti në shqip: Anna Kapitanova
Bullgaria ka një qëndrim shumë të qartë dhe konsekuent për integrimin evropian të Maqedonisë së Veriut, bazuar në zbatimin e rreptë të konsensusit evropian nga korriku i vitit 2022. Këtë e deklaroi zëvendësministri i punëve të jashtme Ivan Kondov në..
Në rezidencën "Bojana", ushtruesi i detyrës së kryeministrit dhe të ministrit të jashtëm, Dimitër Gllavçev i mirëpriti stafit diplomatik në pritje për Ditën e Dikaterit Diplomatik Bullgar - 19 korrik dhe 145 vjetorin e themelimit të shërbimit...
Importet e litiumit nga Serbia do të ndihmojnë BE-në të zvogëlojë varësinë e saj nga Kina Kancelari gjerman Olaf Scholz dhe nënkryetari i Komisionit Evropian i ngarkuar për energjinë Maros Ševçović do të vizitojnë..
Nëse zgjedhjet parlamentare do të mbaheshin më 1 gusht, GERB-SDS do të ishte forca e parë politike, sipas një sondazhi të “Market LINKS”. GERB - SDS..
Serbia raporton rënie të emigrantëve dhe mbyll disa qendra të refugjatëve Komisionerja për Refugjatët dhe Migrimin e Serbisë, Natasha..