Rreth 3000 bullgarë trajtohen me hemodializë dhe rreth 900 janë pacientët që presin për transplantim. Në Bullgari operacionet e transplantimit bëhen rrallëherë sepse nuk mjaftojnë donatorët. Sivjet janë bërë vetëm 40 operacione për transplantimin e veshkave. Vitet e kaluara këto operacione kanë qenë me numër edhe më të vogël. Plus që numri i pacientëve vazhdimisht rritet. Këtë e tregojnë të dhënat e Agjencisë së Transplantimit pranë Ministrisë së Shëndetësisë. Shqetësues është fakti se njerëzit që trajtohen me hemodializë nuk do të jetojnë më para se të vijë koha e operacionit. Shumica e pacientëve kërkojnë “shpëtim” jashtë shtetit. Nuk janë pak rastet kur bullgarë të sëmurë udhëtojnë për në Pakistan. Mirëpo, aty operacionet janë të paligjshme dhe të rrezikshme.
Destinacion relativisht i ri për mjekimin e bullgarëve është Spanja. Kjo e fundit është lider në transplantimin për nga fryma e popullsisë në BE. Në Spanjë po thuaj se nuk ka pacientë në pritje të operacionit dhe sistemi shëndetësor atje është jashtëzakonisht liberal. 35 vjeçari Nikollaj Nikollov nga qyteti Kërxhali është njëri nga bullgarët të cilët kanë udhëtuar për në Spanjë. Dy veshkat e të riut nuk funksionojnë dhe prej dy vjetësh tri herë në javë duhet të lidhet me aparaturën e cila e pastron gjakun e tij.
“Fakti se Bullgaria është anëtare e BE-së do të thotë se bullgarët mund t’i transferojnë të drejtat e tyre shëndetësore në sistemin spanjoll dhe përkatësisht të regjistrohen në listat e pacientëve të transplantimit – shpjegon Elica Stojanova, shoqe e Nikollajit. – Mirëpo, që të bëhet kjo, Nikollaj duhet të jetojë në Spanjë dhe aktualisht është aty. Ka shkuar gjatë prillit të këtij viti dhe do të presë nga disa muaj deri në një vit që të caktohet data e transplantimit.”
Që të qëndrojë në Spanjë Nikollajit i nevojiten mjete financiare. Por ai nuk ka se si t’i fitojë ato, sepse është në paaftësi pune. Ky nuk është i vetmi rast kur bullgarët organizojnë fushata bamirëse për mbledhjen e parave që nevojiten për operacione të ndryshme.
Elica është kompjuteriste. Në kohën e lirë i bie violinës dhe këndon. Ajo ka vendosur të organizojë koncert bamirës, sepse kjo është gjëja më e vogël që mund të bësh për shokët. Më 2 nëntor në klubin kryeqytetas “Studio 5” do të jepet koncerti bamirës ku do të kombinohet muzika akustike me vallet irlandeze dhe folklorin bullgar. Kjo është ngjarja e dytë të cilën organizon Elica për të ndihmuar Nikollajin. Para kësaj ajo ka bërë një koncert folklorik gjatë pranverës, në të cilin koncert janë mbledhur mjete financiare të mjaftueshme për qëndrim një muaj e gjysmë në Spanjë. Elica është kategorike që njerëzit janë mirëdashës dhe ndihmojnë gjithmonë kur dikush është në nevojë.
Po të doni ta ndihmoni Nikollajin, klikoni në faqen e koncertit në Facebook.
Përgatiti në shqip: Anna Kapitanova
Fotografia është ofruar nga Elica Stojanova
Ndryshe nga pritshmëritë, udhëheqësit evropianë nuk arritën një konsensus mbi katër kandidatët kryesorë për postet kryesore të BE-së në takimin e tyre të hënën e kaluar. Megjithatë, ka të ngjarë që kjo të ndodhë në takimin e tyre të rregullt të enjten..
Kuzhina bullgare renditet e 14-ta nga të gjitha kuzhinat kombëtare në Evropë në renditjen prestigjioze të faqes së specializuar të kuzhinës TasteAtlas, njoftoi BNR Varna. Renditja bëhet çdo vit në bazë të vlerësimit nga përdoruesit e faqes. Bullgaria..
Të dielën e tetë pas Ngjalljes së Krishtit, ne kremtojmë një nga festat më të rëndësishme për mësimin e krishterë, Rrëshajën. Në këtë ditë, Fryma e Shenjtë - Personi i Tretë i Trinisë së Shenjtë - zbret në tokë për t'iu shfaqur dymbëdhjetë apostujve,..
Parlamenti Evropian është në prag të krijimit të një familjeje të re politike të formuar nga e djathta ekstreme në një kohë kur e majta po i jep një..
Shkolla bullgare e së dielës në Edrene filloi aktivitetet e saj edukative në vitin 2017 me një kurs të gjuhës bullgare për fëmijë nga komuniteti i..