Bullgaria është ndër shtetet me më shumë burime natyrore. Nuk është e rastit se romakët kanë ndërtuar vendbanimet e tyre pranë këtyre burimeve, të cilat edhe sot janë një dhuratë e çmueshme për ne. Ndër burimet më të njohura minerale është “Mihalkovo”. Për të tregon drejtori ekzekutiv i shoqërisë aksionare Dimitër Dëlgëçev.
Çfarë është historia e ujit me gaz “Mihalkovo” dhe a keni produkte të reja?
“Uji i gazuar natyral ka një traditë pothuaj 80-të vjeçare. Burimi është zbuluar në vitin 1936. Mbushja e shisheve me ujë mineral të fshatit Mihalkovo, në rajonin e bashkisë Smoljan (Bullgari Jugore), filloi më 1956, kur shishja e parë e “Ujit Mihalkovo” u bë eksponat në Panairin e Plovdivit. Fabrika është ndër prodhuesit më të vjetër të ujit mineral në shishe në Bullgari. Fabrika e re është hapur në vitin 1970, në vitin 2010 u krijua shoqëria aksionare “Mihalkovo” me 100% kapital privat. Në vitin 2012 filluam prodhimin e ujit të burimit “Mihalkovo”. Burimi i tij është shumë afër sipërfaqes tokësore – është në thellësi 100 metra. Uji i burimit “Mihalkovo” është me etiket me ngjyrë trëndafili dhe është me mineralizim shumë të ulët, niveli i natriumit gjithashtu është i ulët. Për këtë arsye është i përshtatshëm për foshnjat dhe për njerëzit, që duan të evitojnë mbajtjen e ujit në organizëm. Që nga fillimi i vitit 2014 kemi dhe produkte të reja në treg – përveç ujit të gazuar në mënyrë natyrale “Mihalkovo” me shije të ndryshme frutore, kemi dhe pije me kalori të ulëta “Vitu” me ujë burimi. Shitjet e tyre po rriten.”
Sot gjithnjë e më shumë njerëz preferojnë të përdorin produkte natyrore të mjekimit. A mund të sqaroni çfarë janë vetitë shëruese të këtij uji?
“Cilësitë e ujit natyror me gaz janë analizuar nga një ekip shkencor në krye me eksperten kombëtare të ujërave Doc. Dr. Lidija Vladeva. Uji ndihmon për restaurimin e bilancit të kripërave në rast të ushtrimit intensiv të sportit dhe ndikon mirë mjekimin e shumë sëmundjeve. Shija e këndshme dhe vetitë shëruese janë rezultat i kontaktit të ujit me mineralët, përmes të cilave ai kalon duke afruar sipërfaqen tokësore. Larmia e mikroelementeve dhe përmbajtja natyrale e dyoksidit karbonik e bëjnë ujin “Mihalkovo” një pije të mirë freskuese.”
Zoti Dëlgëçev, a është përhapur jashtë shtetit uji i gazuar natyror “Mihalkovo”?
“Tashmë shesim ujin tonë në Rusi, Arabinë Saudite, Korenë Jugore, Kinë, Greqi, Lituani. Kemi kontakte në Kanada, Angli, Turqi. Tashmë shesim jashtë shtetit dhe kjo do të thotë se ujërat me markë “Mihalkovo” kërkohen gjithnjë e më shumë jashtë Bullgarisë. Në sajë të programeve evropiane ndërmarrjet bullgare kanë akses tek më shumë mjete financiare për modernizim. Procedurat nuk janë të lehta, por puna shpërblehet mirë. Fituam 2 projekte në kuadrin e programeve evropiane për një periudhë 4 vjeçare. Me këto mjete instaluam një linje prodhimi për shishe prej 0,5 litra dhe një linje prodhimi, që na jep mundësi të bëjmë pije të ëmbla freskuese dhe ujëra me shije. Investuam dhe në një pajisje të posaçme, e cila mbledh dyoksidin e karbonit, kështu që të mos e blejmë. Kështu përdorim dyoksidin e karbonit që e përmban uji natyral.”
Përgatiti në shqip: Jordanka Ivanova
Ministrat e financave të eurozonës diskutuan zbatimin e kërkesave për vënien në qarkullim të monedhës së përbashkët në Bullgari, njoftoi kryetari i Eurogrupit Paskall Donahju pas një takimi në Bruksel, transmeton BTA. Ai theksoi se, sipas BE-së,..
"Punonjës në administratë nuk janë fjalë të pista" – me një slogan të tillë në fillim të muajit prill, punonjësit e shtetit protestuan nën dritaret e qeverisë. Shkak kanë qenë pagat e ulta të punonjësve në administratën shtetërore krahasuar me pagën..
Norma e papunësisë në eurozonë në maj u stabilizua për të dytin muaj radhazi në një nivel rekord të ulët që nga viti 1998 prej 6.4%. Në Bullgari papunësia u ul në 4.4% në maj nga 4.5% në prill. Papunësia e të rinjve (për personat nën moshën 25 vjeç)..