Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Rusia pezullon gazsjellësin “Rryma Jugore”, fajësohet Bullgaria

БНР Новини
Foto: EPA/BGNES

Mbrëmë në Ankara Presidenti i Rusisë Vlladimir Putin tha se pezullohet projekti i gazsjellësit “Rryma Jugore” i cili duhej të furnizonte me gaz vendet e BE-së dhe i cili duhej të kalonte përmes territorit të Bullgarisë. Për pezullimin e projektit pala ruse fajësoi Bullgarinë, e cila është në varësi të interesave të BE-së dhe nuk sillet si shtet sovran, ka thënë presidenti rus. Ky i fundit bëri me dije se në vend të “Rrymës Jugore” Rusia do të ndërtojë një gazsjellës tjetër i cili do të kalojë përmes Turqisë dhe Greqisë drejt Evropës.

Disa liderë të Perëndimit shpjeguan se gazsjellësi “Rryma Jugore” nuk do të jetë me efekt të dukshëm për sa i përket sigurisë energjetike dhe diversifikimit të traseve të furnizimit me gaz. Sepse Evropa sërish do të furnizohet me gaz rus dhe në fakt do të diversifikohen vetëm trasetë e transportimit të gazit dhe jo burimet.

Disa ekspertë në Bullgari janë të mendimit se vendi do të përfitonte shumë nga gazsjellësi “Rryma Jugore”, sepse furnizimi me gaz do të bëhet direkt dhe jo me anë të ndërmjetësve si Ukrainë. Mirëpo, analizatorët evropianë thanë se furnizimet e drejtpërdrejta me gazin rus do ta bëjnë Bullgarinë plotësisht të varur nga Rusia. Komisioni Evropian nuk mendonte se projekti i gazsjellësit “Rryma Jugore” është i rëndësishëm, edhe pse nuk është në pajtim me legjislacionin evropian. Bullgaria mori vendimin për bllokimin e projektit. Deri në këtë vendim u arrit dhe pas kundërshtimit të dukshëm midis Rusisë dhe Perëndimit për shkak të konfliktit në Ukrainë.

Kjo është hera e dytë kur Bullgaria duhej të merrte pjesë në një projekt të madh ndërkombëtar të gazsjellësit dhe kur pjesëmarrja e saj dështoi. Disa vite më parë në Bullgari duhej të realizohej projekti i gazsjellësi TAP (Trans Adriatic Pipeline) në vend të projektit “Nabuko Perëndim”, i cili duhej të transportonte gaz nga Azerbajxhani përmes Bullgarisë drejt Evropës. Për herë të dytë Bullgaria është pala humbëse për shkak të konfliktit të interesave midis dy palëve të tjera ndërkombëtare.

Pas pezullimit të gazsjellësit “Rryma Jugore” Bullgaria patjetër duhet të ndërtojë rrjetet e gazit me vendet fqinje – Rumani, Turqi, Greqi. Nënkuptohet se më e mira do të ishte po të gjenden burimet e gazit natyror në territorin e Bullgarisë.

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Ivan Kondov dhe Manuell Saracin

Bullgaria ka një qëndrim të qartë dhe konsekuent ndaj Maqedonisë së Veriut

Bullgaria ka një qëndrim shumë të qartë dhe konsekuent për integrimin evropian të Maqedonisë së Veriut, bazuar në zbatimin e rreptë të konsensusit evropian nga korriku i vitit 2022. Këtë e deklaroi zëvendësministri i punëve të jashtme Ivan Kondov në..

botuar më 24-07-25 12.43.MD

Diplomacia bullgare shënon 145 vjetorin e themelimit të saj

Në rezidencën "Bojana", ushtruesi i detyrës së kryeministrit dhe të ministrit të jashtëm, Dimitër Gllavçev i mirëpriti stafit diplomatik në pritje për Ditën e Dikaterit Diplomatik Bullgar - 19 korrik dhe 145 vjetorin e themelimit të shërbimit...

botuar më 24-07-23 10.19.PD
Олаф Шолц, Марош Шевчович

Ngjarjet me adresë ballkanike

Importet e litiumit nga Serbia do të ndihmojnë BE-në të zvogëlojë varësinë e saj nga Kina Kancelari gjerman Olaf Scholz dhe nënkryetari i Komisionit Evropian i ngarkuar për energjinë Maros Ševçović do të vizitojnë..

botuar më 24-07-19 1.46.MD