Me ardhjen e muajit dhjetor vjen koha për Festivalin tradicional muzikor në Pallatin Kombëtar të Kulturës. Fillimi i tij koencidon me aktivitetin më të pritur operistik në botë – hapjen e sezonit të Operës së Milanos “La scala”, i cili përcakton tendencat kryesore në drejtim të regjisë, skenografisë dhe kostumeve në këtë gjini. Data është 7 dhjetor dhe aktiviteti është special edhe për një arsye tjetër – ky është spektakli i fundit i Daneil Barenbojm si Drejtor Muzikor i Operës “La scala”. Nëpërmjet formës “Opera in cinema” shfaqja e drejtpërdrejtë e operës së vetme të Betovenit mund të shihet ne vendin tonë si film në kinema “Lymier”.
Një qëllim tjetër i forumit është të prezantojë shfaqjet më të mira të teatrove të operës në vend. Sivjet mes tyre është “Trubaduri” i Operës së qytetit Ruse me dirigjent Najden Todorov. Spektakli është parashikuar për datën 10 dhjetor, ndërsa në rolën kryesore të kryeveprës së Verdit do të shohim solistët të operës së Milanos “La scala”. Njeri prej tyre Mario Melanini, i cili ka marrë pjesë në edicionin e parë të festivalit para 28 vjetësh.
Festivali muzikor i Vitit të Ri është mikpritës i Koncertit të shumë pritur bamirës të divës së operës Rajna Kabaivanska. Kontribut kryesor për të ka Universiteti i Ri Bullgar, ai zhvillohet nën patronazhin e Presidentit të Republikës së Bullgarisë Rosen Plevneliev. Sekretarja organizative e forumit Marijana Vasileva tregon për disa prej aksentëve:
“Në program ka disa “joshje” nga bota e muzikës së dhomës. Ato janë fryt i synimit tonë të bëjmë më të larmishme këtë lloj koncertesh. Duam të tregojmë në dritë tjetër gjininë e dhomës, të pasurojmë lidhjen mes interpretuesit dhe publikut. Do të përmend shfaqjen e kuartetit “Laner” – ajo është nën patronazhin e Ambasadorit të Hungarisë. Ky është një kolektiv i ri, jashtëzakonisht interesant dhe elitar. Ka përgatitur program, i cili do të na transferojë në epokën e muzikës së salloneve nga fundi i shekullit të XIX.”
Festat muzikore me rastin e Vitit të Ri në Pallatin Kombëtar të Kulturës përfshijnë 15 tituj, ndër të cilët janë recitale klavire, etno-xhaz dhe koncert me organo. Radioja Kombëtare Bullgare gjithashtu jep kontributin e saj në festival me pjesëmarrjen e Korit të Fëmijëve më datën 20 dhjetor me dirigjent Venecija Karamanova. Në këtë edicion nuk janë harrur dhe datat e rëndësishme të 12 muajve të kaluar – përvjetorët e Boris Hristovit, Panço Vlladigerovit, Rihard Shtrausit, si edhe të Shkollës Kombëtare Muzikore “Ljubomir Pipkov”.
Kulmi grandioz i kësaj buqete të larmishme do të jetë në ditën e parë të Vitit të Ri. Siç nënkuptohet nga tema “Fryma e Francës”, koncerti do të ofrojë shembujt e arritjeve më të mira të muzikës klasike franceze.
Përgatiti në shqip: Sofia Popova
"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë me raste dhe në ditë pa raste, dhe atëherë gjithmonë këndohej" - ja çfarë na tregon Dimitër..
Kompozitori Josif Cankov, i cili ka punuar nga fillimi i viteve 1930 deri në vitin 1971, jo rastësisht quhet Patriarku i muzikës bullgare. Ai është autor i mbi 500 veprave - opereta, tanga, hite, muzikë për filma, me të cilat me dekada ka..
Në skenën e madhe të edicionit të katërt të "Midalidare - Rock in the Wine Valley" nga data 12 deri në 14 korrik në fshatin Mogillovo, përkrah titullarëve DEEP PURPLE, MR. BIG dhe ACCEPT do të kenë shfaqje akoma 13 grupe nga jashtë, duke përfshirë..