Arkitekti i bordit monetar bullgar ekonomist amerikan Stiv Hanke u shpreh negativisht për menaxhimin e buxhetit, sistemit bankar dhe politikës në Bullgari. Ai ishte mysafir i posaçëm në Forumin Ekonomik Bullgar i cili u mbajt në Sofje.
“Burimi i mjerimit në Bullgari është mungesa e besimit te sektori bankar në ekonominë e vendit dhe po ashtu te biznesi në politikën e qeverive bullgare. Keni nevojë shumë të madhe për rikthimin e besimit, për reformat e Margaret Thatcher-it në Britaninë e Madhe gjatë vitit 1981”, është i mendimit profesor Stiv Hanke.
Ministrja e Zhvillimit Rajonal dhe Ndërtimit Liljana Pavllova dhe Ministri i Ekonomisë Bozhidar Llukarski vënë në dukje se do t’ua rikthejnë besimin biznesit, duke investuar fondet evropiane në bizneset reale. Bëhet fjalë për prokurime publike lidhur me ndërtimin e infrastrukturës rrugore ku më se 70 për qind formohet nga financimi i BE-së. Dhe po ashtu për koncesione publike-private falë të cilave ministrja Pavllova parashikon reforma në sektorin e ujërave dhe në rehabilitimin e banesave.
“Për fat të keq partneriteti midis biznesit dhe shtetit sikur është bërë fjalë e pistë. Me përpjekje të përbashkëta duhet të bëjmë ashtu që ky partneritet ta gjejë vendin e tij të denjë” – komentoi ministrja Pavllova.
Për mendimin e ekonomistit Stiv Hanke masat e parashikuara të kabinetit nuk do ta rikthejnë besimin e humbur. Në plan afatgjatë partneritetet publike-private të cilat kabineti “Borisov 2” ka ndërmend të bëjë janë burim korrupsioni.
“Partneriteti midis biznesit dhe shtetit në Bullgari çon në korrupsion”, kategorikisht u shpreh profesori amerikan.
Në lidhje me pritjet e mëdha për sa u përket fondeve të BE-së, ai rekomandoi të mos ndërlidhemi shumë me to. Ndryshe, kjo do të çonte në shtimin e burokracisë dhe korrupsionit. Në lidhje me rikthimin e besimit z. Stiv Hanke rekomandoi që të pakësohen shpenzimet e shtetit, të zgjidhen çmimet e energjisë elektrike, të shfrytëzohet privatizimi si burim financimi dhe së shpejti të zgjidhet çështja e bankës së falimentuar Banka Korporative Tregtare. Sipas ekonomistit amerikan e vetmja gjë e sigurt në Bullgari është bordi i aplikuar në Bullgari gjatë 1997-ës pavarësisht thashethemeve për heqjen e tij.
Përgatiti në shqip: Anna Kapitanova
Që nga viti 2007, kur Bullgaria hyri në BE, të ardhurat reale në vend u rritën më shumë se 3 herë. Fuqia blerëse u rrit me 20%. Në vitin 2006, interesi i kredive hipotekare në vend ishte 8%, tani është 2.8%. Për 17 vjet, Bullgaria kontribuoi 9,056..
3.1 për qind është inflacioni i pritshëm për Bullgarinë për vitin 2024 dhe 2.6 për qind për vitin 2025, sipas të dhënave të parashikimit pranveror ekonomik i Komisionit Evropian për këtë vit. Tendenca rënëse e çmimeve të jashtme pritet të frenojë..
Në tremujorin e parë të vitit 2024, Produkti i Brendshëm Bruto (PBB) real i vendit po rritet me një ritëm të përshpejtuar, gjë që është një parakusht për një dinamikë të ngjashme vjetore, thuhet në buletinin ekonomik të Bankës Kombëtare Bullgare..