Presidenti Rosen Plevneliev pret që 2015 të jetë vit i reformave dhe veprimeve dhe jo i hesapeve politike. Udhëheqësi i shtetit dhe Zëvendëspresidentja Margarita Popova dhanë konferencë të përbashkët për shtypin në lidhje me përvjetorin e tretë të mandatit të tyre.
Rosen Plevnelievi deklaroi, se kjo ishte periudha e krizave të ndryshme ndërkombëtare dhe të brendshme:
“Kriza më e rëndë ekonomike dhe financiare botërore prej 80 vjetësh, kriza më e rëndë në BE nga krijimi i tij deri më sot. Popullizmi dhe nacionalizmi në Evropë u forcuan, ishin vënë nën pikëpyetje vlera kryesore të Bashkimit. Në Bullgari përjetuam kriza të ndryshme, pamë vala të protestave në vend dhe në botë; akt terrorist në tokën tonë amtare; presion të paparë të migracionit; besimin më të ulët të qytetarëve në institucionet; kundërvënien dhe revanshizmin më të fortë midis liderëve politikë.”
Udhëheqësi i shtetit tani është optimist pas zgjedhjeve të parakohshme dhe sjelljes së forcave politike, që kanë vendosur të kërkojnë dialog dhe pajtim në bazën e marrëveshjeve parimore. Shpreson, se ky ton do të ruhet.
“Ka ardhur koha të tregojmë, se demokracia bullgare është e pjekur për koalicione parimore dhe konstruktive, deklaron Presidenti. Kërkimi i kompromisit nuk është dobësi, as mungesë e parimeve politike.”
Modeli “Banka Korporative Tregtare” duhet të shpërbëhet, këmbënguli presidenti. Ai u bëri thirrje institucioneve kompetente ta bëjnë punën e tyre dhe të sqarojnë rrethanat që kanë çuar në falimentin e bankës. Presidenti Plevneliev për herë të radhës paralajmëroi, se Bullgaria shpërndan në mënyrë jo të drejtë resursin e vogël, me të cilin disponon, për shkak të ekzistencës së shumë sektorëve informal. “Sot Bullgaria për herë të parë në vitet e tranzicionit ka plan afatgjatë dhe prioritete të qarta, të miratuar me konsensus”, tha Udhëheqësi i shtetit.
“Kemi shansin të vazhdojmë me reformat e rëndësishme për shoqërinë, si p.sh. me ato në sistemin gjyqësor, në shëndetësi, në energjetikë, në arsim, të vazhdojmë me reformën administrative, të pensioneve dhe në sektorin “Siguri”.
Presidenti deklaroi, se 2013 ishte viti i energjisë civile, 2014 – i mosstabilitetit të jashtëzakonshëm dhe shpresës së deklaruar, se 2015 – do të jetë viti i reformave.
Rosen Plevneliev për herë të radhës nuk arriti të na bind, se është president i të gjithë bullgarëve, sepse jo vetëm kazusi Banka Korporative Tregtare, por edhe qeverisja shtetërore kërkojnë qëndrim dhe vlerësim të njëjtë nga ana e tij. Ai komentoi vetëm dy qeveritë teknike, të emëruar prej tij. Ishte logjike që t’u jap vlerësim dhe qeverive të dalë nga zgjedhjet në Bullgari. Qëndrimi i ndryshëm u duk edhe në mungesën e komentit për qeverinë e forcës politike, e cila e ngriti në këtë post, bile për qeverinë në të cilën ai merrte pjesë. Është logjike të shtrohet pyetja pse nuk janë zhvilluar reforma në vitet 2009-2013, kur në pushtet ishte partia GERB e cila e ngriti për këtë post, por 2015 duhet të jetë viti i reformave.
Në fjalën e vet presidenti u përpoq të zërë një qëndrim të arsyeshëm në drejtim të sektorit “Energjetikë”. Qëndrimi i tij më i balancuar me siguri është rezultat i arsyes, apo rezultat i takimeve të fundit të zhvilluara në vendin tonë. Ai u shpall kategorikisht kundër qëndrimit të ngritur nga Rusia për politikën e Fuqive të mëdha, të cilat kanë interesat e tyre dhe vendosin fatin e shteteve të vogla.
“Si president punoj për BE më të fuqishëm dhe më të integruar, i cili është i vetmi shans për çdo një prej vendeve anëtare që të jetë faktor në skenën globale” – theksoi Udhëheqësi i shtetit.
Përgatiti në shqip. Sofia Popova
Bullgaria u përball me një tjetër problem në kërkimin e një rrugëdaljeje nga kriza politike që u bë konstante, pasi presidenti Rumen Radev refuzoi të miratojë një nga emrat e ministrave të propozuar nga kandidatja për kryeministre të përkohshme,..
Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva. Kreu i shtetit i kërkoi..
Gjurmët e gishtave të të huajve që vijnë do të merren në Turqi Autoritetet turke planifikojnë të marrin gjurmë gishtash të të huajve që mbërrijnë në vend. Këtë e bëri të ditur ministri i brendshëm, Ali Jerlikaja për gazetën proqeveritare..