Tendenca negative në pritjet e njerëzve për financat private dhe publike duket se është kapërcyer dhe po rrit mirëbesimi i shtetasve ndaj institucioneve. Këto janë përfundimet e studimit të fundit sociologjik të “Gallup International”-it të zhvilluar në periudhën 9-15 janar. Gjatë dhjetorit të vitit të kaluar studimi analogjik tregoi një shpesë të ndrojtur dhe dëshirë për stabilizim. Në janar përfundimi u konfirmua dhe qeveria tashmë është me besim 28% dhe mosbesim – 56%. Situata është përmirësuar në krahasim me kohën para zgjedhjeve parlamentare më 5 tetor 2014, kur mosbesimi arrinte 70%. Akoma nuk mund të flasim për vlerësimin e punës konkrete të qeverisë së re, por në përgjithësi situata duket më e qetë. Pyetjes “Ku po shkon Bullgaria?” një e treta e të anketuarve i përgjigjen me optimizëm, dy e treta  - me pesimizëm. Tradicionalisht pritjet ekonomike nuk ndryshohen shumë nga ato politike. Në muajt e verës dhe ata të vjeshtës njerëzit ishin shqetësuar për ekonominë në përgjithësi dhe për mirëqenien e tyre materiale. Gjatë janarit të këtij viti pritje negative për ekonominë kanë dy të pesta prej të anketuarve derisa një e treta prej tyre nuk presin ndryshim. Përmirësim në situatën ekonomike presin më pak se një e pesta të të anketuarve. Më shumë janë ata, të cilët mendojnë se situata nuk do të ndryshohet. Kur flasim për financat private roli i përkatësisë politike nuk është shumë i dukshëm, por edhe këtu ndryshimi i pushtetit politik ka ndikuar pritjet e të anketuarve. Si zakonisht pas zgjedhjeve partitë në pushtet i gëzohen përkrahjes së qëndrueshme. Ministrat e qeverisë së re bëhen më të njohur, por sipas traditës mosbesimi e tejkalon besimin.  

Përgatiti në shqip: Jordanka Ivanova