Një artistizëm, krahas me mjeshtërinë teknike të të kënduarit – të tilla janë kriteret e teatrit të Vagnerit, të cilat tanimë janë të njohura mirë nga trupa e Operës së Sofjes. Titulli i premierës në afishen është “Tristan dhe Izolda”. “Me këtë krijim, Rihard Vagneri definon filozofinë e vet në arritjen e impulsit suprem dhe kuptimit të jetës, me kuptimin se, vetëm përmes dashurisë njeriu mund të gjejë vetveten” – gjykon regjisori Pllamen Kartallov.
Konsulenti gjuhësor dhe stilistik i projektit Rihard Trimborn nga Gjermania thotë: “Pikërisht përpara një viti, gjatë muajit shkurt filluam punë. Në ndryshim nga krijimet e tjera të Vagnerit, ajo ka shprehje të pasur të emocioneve të brendshme. Kjo është një sfidë përpara realizimit të saj skenik. Komplimente për artistët e Operës së Sofjes, të cilët i përkushtuan forcat e veta, talentin, entuziazmin.”
Dy janë dirigjentët e shfaqjes: Velizar Gençev i njohur nga publiku bullgar dhe Konstantin Trink nga Gjermania. Që nga viti 2009, z. Trinks është drejtor i përgjithshëm muzikor në Teatrin Shtetëror të Darmshtatit, i cili ka marrë pjesë dhe në një sërë skenash botërore.
Në një mahnitje nga dirigjenti Konstantin Trinks është sopranoja Cvetana Bandallovska, e cila do të përfshihet në rolin e Izoldës. “Me një rëndësi të madhe është që midis këngëtarit dhe dirigjentit të ketë besim të madh” – tha ajo dhe pohoi se, kjo është një ngjarje në karrierën e saj. Cvetana Bandallovska shtoi: “Për mua “Tristan dhe Izolda" është opera e operave, sepse në të është fshehur enigma e shpirtit njerëzor. Në final heroina ime ngjitet në një përmasë tjetër, fluturon në një hapësirë të ndryshme. Aty ka qenie të tjera, dritë të tjera – kontrolli i artistit duhet të jetë i madh.”
E vështirë në të njëjtën kohë mjaft interesante për t’u përjetuar është “Tristan dhe Izolda” e Vagnerit. “Roli i Izoldës është ëndërr nga periudha e kohës kur kam qenë studente, kurse kjo ka qenë përpara shumë kohe – tregon Mariana Cvetkova. – I jam shumë mirënjohëse Pllamen Kartallovit, se ndihmoi ta realizoj. Krijimi na zhyt në një magji të vërtetë dashurie. Për mua kjo është opera e tetë nga Rihard Vagneri, në të cilën luaj një rol të madh. Duket se e dua shumë.”
Për spektaklet e “Tristanit dhe Izoldës” vjen publik nga bashkësitë e Vagnerit nga Gjermania. Drejtori i Operës së Sofjes Pllamen Kartallov pohon se me qëllim po e zgjeron repertorin e teatrit, që të mund krahas me repertorin italian, francez dhe rus, të marr pjesë dhe ai gjerman. “Sfida tjetër është ta prezantojmë Vagnerin në Gjermani dhe tanimë po punojmë mbi këtë projekt” – tha ai. “Kjo do të bëhet gjatë muajit shtator në zemër të Bavarisë në një teatër përrallor në qytetin Fjusen.”
Përgatiti në shqip: Nataniela Vasileva
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e kryeqytetit tonë Sofje – një qytet i lashtë me histori mijëvjeçare. Kryeqyteti i Bullgarisë - Sofja..
Sot vera hyn në dhomat e klasës, bashkë me buzëqeshjen e fëmijëve... Dita e parë e shkollës është gjithmonë një shkak emocioni - si për më të vegjlit që shkelin pragun e shkollës për herë të parë, ashtu edhe për të rriturit që me mall kujtojnë ato..
Stacioni Qendror Hekurudhor në Plovdiv mirëpret grupet e njohura X-R@Y dhe Uikeda për një koncert falas më 14 shtator. Përveç tyre, publiku do të ketë mundësinë të shohë edhe dy ansamble folklorike - "Ravnec" dhe "Klementina". Ky është eventi i..
Kënga e fundit e Vlladi Ampov - Grafa është "Një herë në një milion". Autori i muzikës dhe aranzhimit është vetë Vlladi, ndërsa teksti është i Rushi..
Toma Zdravkovin e njohim si një nga zërat më karakteristikë të rokut bullgar. Pas një periudhe të ngopur me pjesëmarrje në formate televizive, ai..