Siç duket perandoria e biznesmenit famëkeqe Cvetan Vasillev që ka ikur nga Bullgaria po shpërbëhet apo degjeneron. Deri në vitin e kaluar oligarku, siç e kanë quajtur disa, dhe i cili u bë i njohur me kombinimet e tij politike dhe të biznesit, zotëronte kompani, koncerne, banka, uzina, media dhe bile klube futbollistike dhe deputetë evropianë në vlerë totale prej afro 10% prej Produktit të Brendshëm Bruto të vendit. Pas serisë se skandaleve dhe konflikteve me figurat me influencë më të madhe të skenës politike, doli në pah e vërteta për bankën e katërt për nga madhësia në vend – të Bankës Korporative Tregtare që gjithashtu ishte pronë e biznesmenit. Ajo u ndodhë në situatë të paaftësisë paguese, së pari ishte mbyllur dhe pas kësaj autoritetet e privuan nga licenca. Mbeti një borxh ndaj depozituesve prej 2 mlrd eurosh, të cilët u paguan nga Fondi për garantimin e depozitave dhe nga shteti me ndihmën e një borxhi të ri publik. Tani i vjen radha Telekomit-it BTK, i njohur nën markën tregtare Vivakom, i cili gjithashtu ishte nën kontrollin e këtij biznesmeni gjoja në prosperitet, plus akoma katër kompani kyçe për ekonominë bullgare, njëra prej të cilave është për armë. Kjo u bë pasi shteti si kreditori më i madh i ish bankës, mori masa ligjore që t’i kthejë vetes pjesë prej parave me të cilat ishin shlyer shumat e depozituesve. Për një nismë të tillë të rrezikshme u gjendën disa veta të panjohur – francezë, belgë dhe rusë, që pretendojnë, se përfaqësojnë fondin evropian të investimeve LIC33.
Në vetë ditën kur u shpallë synimi i këtyre “investitorëve evropianë” të marrin kontrollin mbi Telekomin ishte vënë në internet dhe faqja e kompanisë. Në të nuk ka ndonjë informatë që meriton vëmendje për aktivitetin e saj, përveç oreksit të saj ndaj Bullgarisë dhe premtimit, se do të paguajë borxhet e 5 kompanive të Cvetan Vasillevit prej 900 mln eurosh. Ndërkohë u bë e njohur, se në këtë deklaratë mund të ketë dozë të së vërtetës sa u përket pronësisë së BTK, pasi u njoftua se pronari i saj mazhoritar deri para pak kohe Cvetan Vasillev, ka lidhur kontratën me fondin evropian të investimeve LIC33 në Luksemburg. Sa i kanë paguar, nuk dihet, përmendet se bëhet fjalë për shumën atraktive prej 1 eurosh, e cila duket e vërtetë, duke pasur parasysh, se blerësit marrin përsipër borxhe prej afro 1 mlrd eurosh.
Interes të madh publik dhe mediatik shkaktuan aktorët në këtë operacion të pa qartë tregtar-financiar rreth Telekomit BTK. Botimet e autoritetshme në vend zbuluan gjurmën ruse, duke përmendur qartë emrin e presidentit rus Vladimir Putin, ishte përfshirë dhe kisha ortodokse ruse. Rusia është një vend i fuqishëm në drejtim ekonomik dhe më një spektër të gjerë interesash ndaj Bullgarisë që e ka shumë të afër nga pikëpamjet historike, kulturore dhe fetare. Por në kushtet e konfrontimit midis qytetërimit perëndimor dhe Rusisë, bile edhe Sofja është e detyruar të marrë në konsideratë anëtarësimin e saj zyrtar në BE dhe në NATO. Në një apo tjetër mënyrë, autoritetet bullgare të joshur nga 900 mln eurot që eventualisht mund të hynin në arkat e shtetit, do të kenë të vështirë t’i dorëzojnë në duar të panjohur aktivet strategjike të ish Telekomit shtetëror me tërë rrjetin e tij fiks dhe mobil, që ende kanë rëndësi për sigurinë kombëtare. Në çdo rast edhe pa marrë vendim, qeveria vendosi të kontrollojë prejardhjen e mjeteve, të cilët “investitorët evropianë” premtojnë t’i gjejnë, nuk duhet nga dhe si, për t’i investuar në Bullgari.
Përgatiti në shqip: Sofia Popova
45% e të rinjve në Bullgari preferojnë të punojnë për një punëdhënës bullgar, sipas një sondazhi përfaqësues kombëtar të kryer në maj nga agjencia e sondazheve të marketingut në internet JTN dhe Bulgaria Wants You (një platformë që synon të ofrojë..
Banka Botërore parashikon një përmirësim më të përmbajtur të rritjes ekonomike të Bullgarisë këtë vit dhe në vitin 2025. Në raportin e fundit “Perspektiva Ekonomike Globale”, institucioni pret një përshpejtim të lehtë të rritjes së PBB bullgar nga..
Në tremujorin e parë të vitit 2024, produkti i brendshëm bruto (PBB) u rrit me 1.8% krahasuar me të njëjtën periudhë të vitit 2023. Parashikimet e para ishin për një rritje prej 1.7%, sipas të dhënave të Institutit Kombëtar të Statistikave. PBB e..