Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Morali ynë i falsifikuar

Nuk ishte adekuat dhe reagimi i gazetës “Bild”, komenti i së cilës pas aksidentit provokoi bojkotimin e gazetës me tirazh më të madh në Gjermani.
Foto: bild.de

Sivjet për 150 familje Pashkët do të jenë të trishtuara. Arsyeja është rrëzimi i avionit i pasqyruar nga mediet e tërë botës, shpeshherë duke tejkaluar të gjitha kufijtë moralë. Gazetarët ishin në një situatë delikate – nga njëra anë ata kishin informacion të plotë, nga ana tjetër informacioni duhej prezantuar me maturi dhe respekt. Dhe derisa në mediet e Francës, Gjermanisë dhe Spanjës rrëzimi i avionit vazhdon të jetë ndër temat kryesore, në Bullgari gazetarët e pasqyrojnë ngjarjen pa dashamirësi dhe bile mund të thuhet në mënyrë jo morale.  

Në profilin e tij në facebook një nga televizionet prijëse gjermane shpalli kategorikisht se nuk do të botojë lista të rrëzimeve më të tmerrshme të avionëve dhe nuk do të ofrojë informata personale për viktimat dhe familjet e tyre. Në fakt i njëjti televizion nuk e mbajti këtë premtim. Nuk ishte adekuat dhe reagimi i gazetës “Bild”, komenti i së cilës pas aksidentit provokoi bojkotimin e gazetës me tirazh më të madh në Gjermani.  Sipas gjermanëve me pasqyrimin e tragjedisë në Alpet e Gjermanisë gazeta e ka tejkaluar të gjitha normat morale dhe etike duke botuar spekulime dhe teori pa bazë, fotografi të viktimave dhe jo në vend të fundit – duke zbuluar personalitetin e pilotit të dytë.  Bojkoti filloi nga një pikë e vogël e karburantit, ku shpallën se ndalojnë shitjen e gazetës “Bild”. Por në të njëjtën kohë bojkoti ndoshta është fillimi i një procesi më të thelluar të rishqyrtimit të medieve dhe të rolit të tyre në shoqëri.  

Çfarë ndodhi në atë kohë në Bullgari? Televizionet më të shikuara, që zakonisht ankohen për shkak të mungesës së parave, transmetuan drejtpërsëdrejti nga vendi i rrëzimit dhe nga vendlindja e pilotit të dytë, paguan lidhje të shtrenjta satelite me Gjermani dhe Francë, bënë intervista spekulative me specialistë të dyshimtë, dhe e gjithë kjo në emër të rejtingut. Sa më dramatike ishte prezantuar tema, aq më shumë krenoheshin gazetarët për këtë se janë profesionalistë të mëdhenj. Edhe në Bullgari ishin botuar fotografitë e pilotit të dytë dhe emri i tij dihet nga të gjithët. Dhe askush nuk e pyeti vetveten a është e drejtë dhe normal ky reagim? Bile nuk bëhet fjalë për bojkot të medieve skandaloze. Një nga rregullat kryesore të gazetarisë dhe të drejtësisë është: i pafajshëm  deri sa të provohet fajtor. Përveç kësaj gazetarët duhet të dinë se secili e ka të drejtën e privatësisë, pa pasur parasysh se ai mund të jetë fajtor i supozuar për një rrëzim avioni. Në përputhje me këto rregulla të thjeshta punojnë vetëm disa gazetarë. Gazetarët gjithashtu janë njerëz dhe pasioni për sensacion është i qenësishëm për ne të gjithë. Rrjetet sociale japin hapësirë për shprehjen e mendimit personal dhe të gjithët kemi mundësi të flasim për gjithçka. Pikërisht atje reklamohet një video të minutës së fundit të fluturimit fatal. Dhe vërejtja “Akoma nuk është e qartë a është autentike videoja” nuk ubën përshtypje përdoruesve. Në Alpet rrëzoi jo vetëm një avion me 150 veta, por edhe morali i gazetarisë.  




Последвайте ни и в Google News Showcase, за да научите най-важното от деня!

Më shumë nga rubrika

"Topllo Fest" 2024 - fluturojmë "Lartë në qiell" me qifta, muzikë dhe shumë argëtim!

Hapësira për art, kulturë dhe dialog "Topllocentralla" në Sofje po përgatitet për një mbyllje spektakolare të sezonit të saj të pestë me edicionin e pestë të festivalit emblematik "Topllo Fest". Nën moton "Lartë në qiell", qiftet shumëngjyrëshe..

botuar më 24-07-13 8.40.PD

Prof. Ljubomir Gavrillov: Në raundin e parë, francezët votojnë me zemër, dhe në të dytin - me mendjen e tyre

Parlamenti Evropian është në prag të krijimit të një familjeje të re politike të formuar nga e djathta ekstreme në një kohë kur e majta po i jep një goditje të papritur të djathtës në Francë. “ Në vend të parë është i ashtuquajturi “Fronti i..

botuar më 24-07-10 2.40.MD

Shkolla bullgare e së dielës në Edrene ka nevojë për më shumë klasa

Shkolla bullgare e së dielës në Edrene filloi aktivitetet e saj edukative në vitin 2017 me një kurs të gjuhës bullgare për fëmijë nga komuniteti i bashkatdhetarëve tanë. Dy vjet më vonë, me iniciativën e Konsullatës së Përgjithshme të Bullgarisë, ajo u..

botuar më 24-07-10 7.30.PD