Aktualisht rreth 75 mln qytetarë të BE-së nga pesë vende anëtare udhëtojnë me viza për në SHBA. Këto janë Bullgaria, Rumania, Qiproja, Polonia dhe Kroacia. Deputeti evropian nga Paria Socialiste Bullgare, Momçill Nekov komentoi se si Partneriteti Transatlantik për Tregti dhe Investime (TTIP) do të ndikojë mbi fermerët bullgarë, po të mos kenë viza.
“Unë jam anëtar i Komisionit për Bujqësi dhe Zhvillim të Rajoneve Rurale dhe interesohem për sektorin e fermerëve. Ky sektor përbën vetëm 5 për qind të Partneritetit Transatlantik por është tepër i rëndësishëm, sepse në të janë parashtruar standardet e larta të BE-së. Në këtë lidhje, fermerët bullgarë do të binin në një konkurrencë të dyfishtë – nga njëra anë me partnerët evropianë, nga tjetra – me ata amerikanë, po të mos nënshkruhet partneriteti. Regjimi i vizave i pengon fermerët bullgarë, duke i vënë ata në pozita jo të barabarta.”
Për këtë çështje deputeti evropian i është drejtuar komisioneres evropiane Sesilia Malmstrjom, e cila është kryenegociatorja për partneritetin. Ajo ka thënë se vizat afatshkurtra nuk po shqyrtohen.
“Znj. Malmstrjom po ashtu vuri në dukje se mungesa e reciprocitetit është çështje shumë e ndjeshme dhe sigurisht do të ndikojë mbi biznesin, në veçanti fermerët, thotë z. Momçill Nekov. – Por pesë vendet për të cilat nevojiten viza, janë objekt negociatash që nga 2014-a. Çështja është shtruar jashtë kontekstit të Partneritetit Transatlantik për Tregti dhe Investime në takimet trepalëshe midis Komisionit Evropian, SHBA-së dhe vendit anëtar të interesuar. Deri në muajin prill të 2015-ës Komisioni Evropian duhet të marrë vendim a t’u vendos regjim të përkohshëm vizash disa kategorive të qytetarëve të SHBA-së.”
Deputeti evropian Momçill Nekov është i mendimit se duhet të parashtrohen instrumente financiare për promovimin e produkteve të fermerëve evropianë në SHBA. Ashtu që të prezantohet cilësia e produkteve evropiane. Pra, të subvencionohet pjesëmarrja e fermerëve në ekspozita të ndryshme, p.sh., ose të organizohen ekspozita individuale për mallrat e BE-së.
Komisioni për Bujqësi dhe Zhvillim të Rajoneve Rurale ngul këmbë që të ruhen standardet evropiane lidhur me sigurinë e ushqimit dhe shëndetin si të njeriut, ashtu dhe të kafshëve. Komisioni po ashtu ka kërkuar që të garantohen kushtet e barabarta sidomos kur ka konkurrencë të drejtpërdrejtë midis mallit evropian dhe atij amerikan.
“Deputetët e Komisionit për Bujqësi dhe Zhvillim të Rajoneve Rurale janë kundër partneritetit midis SHBA-së dhe BE-së në formën e tij aktuale, thekson z. Nekov. – Po e kam fjalën për sektorin e bujqësisë. Komisionerja evropiane Sesilia Malmstrjom e bëri të qartë se po të ketë nevojë sektori i bujqësisë do të eliminohet i tëri nga partneriteti me qëllim ruajtjen e standardeve të larta evropiane.”
Përgatiti në shqip: Anna Kapitanova
Bullgaria u përball me një tjetër problem në kërkimin e një rrugëdaljeje nga kriza politike që u bë konstante, pasi presidenti Rumen Radev refuzoi të miratojë një nga emrat e ministrave të propozuar nga kandidatja për kryeministre të përkohshme,..
Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva. Kreu i shtetit i kërkoi..
Gjurmët e gishtave të të huajve që vijnë do të merren në Turqi Autoritetet turke planifikojnë të marrin gjurmë gishtash të të huajve që mbërrijnë në vend. Këtë e bëri të ditur ministri i brendshëm, Ali Jerlikaja për gazetën proqeveritare..