Ai është i ri, i talentuar dhe ambicioz, është bindur se do të plotësojë ëndrrën e fëmijërisë. Ky është Dimitër Petrov, animator dhe krijues i projektit “Molla e artë”. Ai ka lindur në Sofje por deri në moshën 16 vjeçare ka jetuar në më se 14 qytete të ndryshme – në disa vendbanime në vargmalin Rodope dhe në veriperëndimin e Bullgarisë. Pra, në vende magjike.
“Jam rritur në zona malore nga më të ndryshmet ku ende qarkullojnë legjendat për zanat, dragonjtë etj., kujton Dimitër Petrov. – Është mirë kur fëmija i ndërron vendbanimet. Ende kujtoj bukurinë e Rodopeve. Kur u regjistrova për studime në Angli, kuptova se malet më mungojnë. Rodopet, Vargmali Ballkan, Rila dhe Pirin janë pasuri shumë të madha natyrore.”
Dimitër Petrov i ka kryer studimet në Universitetin Westminster. Gjatë asaj kohe ka punuar si animator në gjigantin Cartoon Network Studios Europe.
“Kur punoja në këtë studio, më lindi ideja për projektin “Molla e artë”, thotë animatori. – Puna në studio sikur ma prishi imazhin për serialet e animuara, nga njëra anë, por nga tjetra – kuptova se procesi i animimit kërkon shumë njohuri dhe punë të vazhdueshme. Edhe në Bullgari mund të bëhen filma me kartona. Pse jo. Nuk na mungojnë figurat mitologjike, i kemi plotë. Ja pseduke qenë i frymëzuar nga folklori bullgar dhe mitologjia ballkanike vendosa të kthehem në Bullgari dhe të krijoj një serial fantazi. Në vend u njoha me shumë të rinj të talentuar të cilët në atë moment kërkonin jetë të re.”
Projektit “Molla e artë” i është bashkuar Elena Raponxhieva, e cila po ashtu i ka kryer studimet në Britaninë e Madhe. Ajo është producentja e projektit. Stilin vizual të serialit e ka sjellë stilistja Svetla Radivoeva. Kjo e fundit ka bërë dizajnin e personazhit kryesor Vihra, e cila në vend të flokëve ka një re. Aktualisht Svetla punon si animatore në Walt Disney Animation Studios. Për sa i përket “Mollës së artë” në të marrin pjesë 20 entuziastë të cilët çdo ditë ia kushtojnë kohës vizatimit me kartona. Së shpejti do të dalë në treg dhe seriali fantazi.
“Projekti ka dy kauza. Në vend të parë, duam të nxjerrim në pah një anë të ndryshme të kulturës bullgare dhe të asaj ballkanike. Pra, të sjellim pozitivet e psikologjisë popullore. Sepse pikërisht folklori na ka ruajtur si popull – vë në dukje Dimitër Petrov. – Kauza tjetër ka të bëjë me bullgarët e talentuar – animatorë, stilistë dhe piktorë, të cilët në mes projektit e gjejnë fushën e vet të veprimtarisë. Duam që “Molla e artë” të jetë zanafilla e një produkti bullgar, të bukur dhe konkurrues.”
Le t’i urojmë të rinjtë nga “Molla e artë” që ta zënë “peshkun e artë” dhe të plotësofshin dëshirat e tyre.
Përgatiti në shqip: Anna Kapitanova
Edicioni i dhjetë i festivalit Animaphix për filma të animuar në Siçili të Italisë, po i kushton një retrospektivë të veçantë krijuesit bullgar Teodor Ushev, i cili bëhet mbajtës i çmimit "Renato Gutuzo" për vitin 2024, njoftoi BTA. Ushev dekorohet..
"Një zjarr i shuar shpesh rindizet falë prushit që ka mbijetuar." Me këto fjalë të ngrohta profesori i filologjisë sllave Krasimir Stançev ngjall shpresë se interesi i pakësuar ndaj alfabetit bullgar, gjuhën bullgare dhe kulturën bullgare jashtë vendit..
Muzeu Letrar Kombëtar feston 174 vjetorin e lindjes së Ivan Vazov. Festimi shënon edhe përvjetorin e botimit të parë të pavarur bullgar të romanit "Nën zgjedhë", botuar në vitin 1894 nga shtëpia botuese "T. F. Çipev” – 130 vjet”, vëren Muzeu Letrar..
Edicioni i dhjetë i festivalit Animaphix për filma të animuar në Siçili të Italisë, po i kushton një retrospektivë të veçantë krijuesit bullgar Teodor..