Kemi përkrahjen e plotë të Suedisë për aderimin e Bullgarisë në Hapësirën e Shengenit. Këtë e deklaroi në një intervistë për Radio Bullgarinë zëvendës kryeministrja e koordinimit të politikave evropiane dhe çështjeve institucionale Meglena Kuneva pas vizitës së saj në Suedi. Në Stokholm zonja Kuneva u takua me ministrin suedez të drejtësisë dhe migracionit Morgan Johanson dhe me ministren e jashtme Margot Vallstrjom.
“Mendoj, se vetëm tre janë shtetet, që kanë një qëndrim më të matur ndaj hyrjes së Bullgarisë në Shengen – theksoi zonja Kuneva. – Vetëm një shtet të jetë kundër, procesi nuk do të jetë i suksesshëm. Situata e tanishme në Evropë është tepër e ndryshuar. Duket një mospajtim më të gjerë me politikat e zgjerimit, ndërsa këtu bëhet fjalë për zgjerimin e zonës së Shengenit. Kështu që nuk do të jetë e lehtë, por jam me shpresë se me përpjekje të shumta dhe me arsye të shfaqur nga të gjitha palët, do të realizojmë qëllimin tonë.”
Suedia u angazhua të përkrahë Bullgarinë para vendeve të tjera veriore, para se të mbahet Këshilli Evropian gjatë qershorit. Ka mundësi, që atëherë kjo çështje të shtrohet për diskutim. Mirëpo, çfarë tjetër do të paraprijë mbledhjen e Këshillit Evropian?
“Gjermania është një vend tepër i rëndësishëm – vazhdoi zonja Kuneva. – Jam me shpresë, se të gjitha ministrat, presidenti, kryetari i Kuvendit Popullor, kryeministri do të përkrahin këtë synim kombëtar. Siguria është një prioritet si për Bullgarinë, ashtu edhe për Evropën. Realizova disa vizita, duke përfshirë edhe Gjermaninë. Aty pata takim me ministrin e punëve të brendshme dhe në Bundestag. Është me rëndësi të madhe, që në nivel më të lartë pushtetarët të jenë angazhuar me këtë çështje.”
Ndër temat e diskutuara në kuadrin e vizitës së zonjës Kuneva në Stokholm ishte edhe sistemi gjyqësor bullgar. Lidhur me këtë ajo shpjegoi: “Në Suedi ka më pak ligje dhe më pak organe, që luftojnë korrupsionin. Por është fakt, se në këtë vend shfaqet një padurim i lartë shoqëror ndaj fenomeneve të tilla. Në Suedi Kushtetuta garanton mbrojtjen e shtetasve që japin sinjale anonime për korrupsion. Ne këtu në Bullgari shpresojmë, që administrata dhe inspektorë të zbulojnë rastet e korrupsionit. Në Suedi çdo shtetas mund të jetë inspektorë dhe të japë sinjale për ndonjë shkelje. Kështu që Bullgaria duhet të zgjidhë rrugën. Është e domosdoshme të vendosim çfarë do të bëhet me sinjalet anonime. Krahas kësaj duhet të evitojmë në ndonjë mënyrë shpërdorimet me një të drejtë të tillë. Duhet të realizohet një operacion me përmasa të gjera, që të shfaqet tolerancë zero ndaj korrupsionit edhe këtu në Bullgari.”
Përgatiti në shqip: Svetllana Dimitrova
Turqia dëshiron të anëtarësohet në BRICS Turqia ka aplikuar për anëtarësim të plotë në BRICS dhe anëtarësimi i saj do të diskutohet në samitin e organizatës në Rusi në tetor, raportojnë mediat bullgare. Nëse pranohet, do të jetë vendi i parë..
Shoqata "Pаsardhësit e refugjatëve dhe migrantëve nga territori i Republikës së Maqedonisë së Veriut dhe miq" shpërndau një letër të hapur drejtuar komunitetit shqiptar në Maqedoninë e Veriut dhe përfaqësive diplomatike të akredituara në RSM dhe..
Serbia blen avionë luftarakë “Rafale” nga Franca për 2.7 miliardë euro Për gjithsej 2,7 miliardë euro, Serbia do të blejë nga kompania franceze “Dassault Aviation” 12 avionë të rinj luftarakë “Rafale” – 9 me një vend dhe 3 dyvendësh...