Lakonike janë të dhënat e Institutit Kombëtar të Statistikave për të ardhurat dhe shpenzimet e familjeve në Bullgari gjatë vitit 2014. Ato tregojnë se bullgarët nuk janë bërë as më të pasur, as më të varfër, sepse praktikisht të ardhurat e tyre vitin e kaluar mbetën të pandryshuar – 2300 euro në vit për një anëtar të familjes. Le të bëjmë një krahasim duke rikujtuar se të ardhura të tilla në pjesën më të zhvilluar të Evropës janë shumë modeste, madje kur të bëhet fjalë për pagën mujore. Del se me një pagë jo shumë të lartë mujore evropiane bullgarët jetojnë tërë vitin. Pra shumë logjike është pyetja si jetojnë bullgarët me këtë shumë dhe për se i harxhojnë paratë e tyre.
Gjëja e parë që mund të themi është se ne bullgarët shpresojmë para se gjithash te paga në formimin e të ardhurave dhe paga siguron mbi 50 për qind prej tyre, megjithëse bëhet fjalë për vetëm 1300 euro në vit. Një e katërta e të ardhurave të familjeve sigurohen nga pensionet. Disa njerëz marrin ndihma sociale, bursa, por 33 për qind e këtyre të ardhurave përdoren vetëm për të ngrënë. Dhe nuk bëhet fjalë për lakmi, përkundrazi, po vëzhgohet ulje e konsumimit të produkteve më të dobishme si qumështi dhe kosi, perimet, patatet dhe produktet e mishit.
Ndonjëri mund të mendoj se pasi bullgari arrin të mbijetojë me të ardhura kaq të ulëta dhe madje të kursejë para në banka, sigurisht që çmimet e mallrave në vend janë shumë të ulëta. Kjo është e vërtetë, por jo edhe në proporcionin e pagave. Ekspertët kanë llogaritur se shpenzimet në Bullgari përbëjnë 60 për qind të atyre në Evropën Perëndimore, domethënë se jeta në Bullgari është më e lirë me 40 për qind. Mirëpo, këto çmime më të ulëta nuk janë shumë inkurajuese, duke pasur parasysh se të ardhurat e bullgarëve janë vetëm 1/12-ën e atyre të shtetasve të Evropës Perëndimore. Gërshëra është e madhe dhe madje deflacioni i vitit të kaluar prej 1 për qind nuk e ndryshoi mënyrën e jetesës në vend, sepse çmimet e mallrave më të përdorura jo vetëm se nuk u ulën, por përkundrazi, u rritën. Megjithatë ka tendenca pozitive dhe statistika kombëtare i shënon. Bullgari ushqehet në një mënyrë gjithnjë e më të shëndetshme, konsumon gjithnjë e më pak produkte brumi, harxhon më shumë për të veshur dhe për shëndetin, për pushime dhe argëtime. Mirëpo, në të njëjtën kohë sipas statistikës, shpenzimet mesatare për një orë pune në BE gjatë 2014-ës kanë qenë 26,4 euro, kurse në Bullgari ato janë më të ulëta – 3,8 euro, kurse shanset e bullgarëve që të gëzojnë një jetë më të mirë në të ardhmen e afërt mbeten minimale.
Përgatiti në shqip: Vesella Mançeva
Nga mesi i vitit 2025, Bullgaria do të jetë gati për Eurozonën, parashikoi zëvendësministri në detyrë i financave Metodi Metodiev, para forumit financiar në Sofje "Zhurma e parave". Sipas tij, deri në fund të vitit 2024 do të mbulohet i vetmi kriter..
Të ardhurat më të larta të deklaruara për vitin e kaluar janë 70 milionë leva (35 785 000euro), sipas të dhënave të Agjencisë Kombëtare të të Ardhurave pas përfundimit të fushatës tatimore dhe deklarimit të të ardhurave të personave fizikë. Mjetet..
Në muajin maj, situata ekonomike në vend është përmirësuar për të dytin muaj radhazi. Përmirësim ka pasur në tregtinë me pakicë, ndërtim dhe shërbime, por ka pasur rënie në industri. Në ndërtim, industri dhe në sektorin e shërbimeve nuk pritet..