Më shumë hollësi na solli Dimitër Vasilev – etnolog në Institutin për Etnologji dhe Folkloristikë me Muzeun Etnografik pranë Akademisë Bullgare të Shkencave dhe një prej organizatorëve të Festivalit:
“Sivjet jemi në një format pranveror, ky është varianti më i suksesshëm, që të mos dublohet me festivale të tjera në Ballkan. Kemi disa gjëra të reja dhe një prej tyre është Komisioni i Seleksionimit, i organizuar nga tre specialistë, të cilët panë mbi 70 filma. Për fat të keq shumë filma bullgarë mbetën jashtë programit. U seleksionuan 26 vepra, të realizuara në territorin e Evropës Juglindore, por gjithashtu edhe në rajone të tjera të kontinentit, në Afrikë, Amerikë dhe Azi. Këta janë filma të lidhur me rite dhe praktika të ndryshme, me zeje që janë duke u zhdukur. Dokumentari i parë bullgar 3D “Hapat në zjarr” do t’ju bëjë dëshmitarë të një prej zakoneve më karakteristike në Bullgari – bëhet fjalë për të ashtuquajturën “nestinarstvo”, që i ka rrënjat në fshatin e vogël Bëllgari buzë malit Stranxha. Do të mësoni hollësi interesante për nestinaren e njohur, gjyshen Zllata, dhe për magjinë e valles mbi prush. Në një film shumë interesant do të shohim se si një profesor holandez kërkon dhe zbulon gjuhën kapadokiane, e cila është zhdukur që prej shumë kohe. Festivali hapet me një prej tri kontributeve bullgare, të përfshira në Listën Zyrtare të Trashëgimisë Jomateriale Kulturore të Njerëzimit – me Qilimat e Çiprovcit.”
familjare në Nepal, ku 68 veta nga grupi etnik taru banojnë nën një çati... Një prej filmave do t’ju tregojë për jetën e përditshme në burgun meksikan për personat minoren. Një dokumentar tjetër do të na tregojë për synetin për femra, që ende praktikohet në Keni ndër vajzat e moshës nga 6 deri më 15 vjeçe. Filmi “Cilat janë këto nëna?” do të na rrëfejë historinë e një prej atyre 5 mijë vajzave në Bullgari – të ashtuquajturat “nënë-fëmijë”, të cilat i rritin fëmijët e tyre, pa pasur shansin e zgjedhjes së lirë në jetë, duke u gjendur në rrethin e mbyllur të analfabetizmit, papunësisë dhe varfërisë. Vihet një aksent i posaçëm te antropologët vizualë gjermanë. Beate Engelbrecht dhe Rolf Husmann do të ndajnë përvojën e tyre të madhe në krijimin e filmave etnografikë. Janë ftuar miq nga Serbia, Rumania dhe SHBA-ja. Që nga viti 2015 festivali ka karakter konkursi. Më shumë hollësi nga Dimitër Vasilev:
“Çmimi do të dorëzohet nga një juri prej pesë anëtarësh. Kjo është një statujë interesante, vepër e mjeshtrit të talentuar nga Trojani Martin Kirov. Një e treta e filmave të festivalit janë në gjuhën bullgare, sepse kemi qëllim ta tregojmë gjithçka që ndodhet në Bullgari. Filmat nga sfera e antropologjisë vizuale ende janë shumë pak. Por është dukshëm se të rinjtë interesohen dhe e vënë theksin te ky lloj kinemaje.”
Përgatiti në shqip: Vesella Mançeva
Mbi 30 studiues të gjuhës bullgare nga njëmbëdhjetë vende u mblodhën në një forum dyditor në Sofje dhe Plovdiv, kushtuar alfabetit cirilik, për të prezantuar arritjet e tyre më të fundit në studimin e veprës së Kirilit dhe Metodit dhe për të kujtuar se..
Gjatë fushatës së sivjetshme të kandidatëve për studentë, pyetja cila do të jetë diploma më e dëshiruar në Universitetin e Sofjes "Shën Kliment Ohridski" sikurse është retorike. Për katër vitet e fundit, zgjedhja numër një e studentëve të ardhshëm..
Më shumë se 75 vjet më parë, kishte nevojë që fëmijët e kopshtarëve bullgarë në Sllovaki të shkolloheshin, por diku ku, së bashku me shkencat e tjera, të mësonin historinë dhe kulturën e popullit të tyre në gjuhën e tyre amtare. Kështu, bullgarët nga..
Një ekspozitë fotografike kushtuar personalitetit të basit të madh bullgar të operës Boris Hristov mund të shihet deri më 28 gusht në Sofje. Ekspozita..
Pjesërisht me re
Vranësira të ndryshueshme mundësi për reshje shiu
Mot i kthjellët
Vranësira të dendura