“Që nga fillimi i këtij viti vërehet tendenca e përmirësimit të kushteve të biznesit në Bullgari. Rritja pritet në të gjitha sektorët ekonomikë, në veçanti në sektorin industrial dhe në atë ndërtimor”. Këtë e tha para disa ditësh Ministri i Financave, z. Vlladisllav Goranov, pasi dikasteri i tij i ngriti pritjet për rritjen e PBB-së sivjet nga 0.8 për qind deri në 1.4 për qind.
Fjalim i ministrit bazohet në disa fakte të 10 ditëve të fundit. Brenda kësaj periudhe në Bullgari u lidhën disa transaksione të mëdha dhe kjo ndodhi megjithë dëshpërimin që dominon lidhur me investimet.
Me një transaksion në vlerë 13 mln euro në Bullgari ristartoi fabrika “Dimitrov” për veshje burrash. Fabrika ndodhet në qytetin Pleven të Bullgarisë Veriore dhe ekziston që nga 2006-a. Do të hapen 800 vende të reja pune, thekson pronari i fabrikës z. Magdalen Dimitrov. Gur themeli i kompleksit të ri administrativo-prodhues “Desizo Monni” të fabrikës u vendos në praninë e kryeparlamentares Cecka Caçeva. Ky kompleks do ta shndërrojë fabrikën 6-kateshe për veshje burrash në një fabrikë super moderne. Personeli i fabrikës është 1200 veta. Fabrika bullgare është partner kryesor të dy markave të njohura botërisht Hugo Boss dhe Giorgio Armani. Pra, fabrika në qytetin Pleven prodhon artikuj të tyre.
Investim të madh bënë investitorët italianë nga “Italcementi Group”. Në qytetin Devnia në bregun e Detit të Zi u hap uzina e re e çimentos. Investimi është në vlerë 165 mln euro dhe në uzinë u hapën 3000 vende të reja pune. Në ceremoninë e hapjes së uzinës ishin të pranishëm Kryeministri Bojko Borisov, presidenti i “Italcementi Group”-it, Carlo Pesenti dhe ambasadori i Italisë në Sofje, Marco Conticelli. Uzina bullgare “Devnia çimento” falë investimeve italiane u shpall investitor i vitit nga Agjencia e Investimeve e Bullgarisë. Ky projekt është njëri nga më të mëdhenjtë në Evropë, sepse kapaciteti i uzinës është 4 mijë tonë çimentoje. Në këtë lidhje, Italia është në Top 10-shen e investitorëve të huaj në Bullgari.
Banka Tokuda në Bullgari, e cila përpara ishte pronë e firmës japoneze “International Hospital Service”, tashmë ka pronar bullgar. Dhe kjo është Shoqëria publike “Doverie”. Ky transaksion dëshmon për faktin se kushtet e biznesit në Bullgari po zhvillohen në drejtim të mirë.
Sipas burimeve të besueshme, pritet të lidhet dhe po ashtu një transaksion me investitorët austriakë për Kompaninë e Telekomunikacionit të Bullgarisë. Kjo kompani është në treshen e operatorëve mobilë dhe të ofruesve të internetit. E ka të drejtë Kryeministri Bojko Borisov, i cili kishte shkruar në faqen e tij të Facebook-ut: “Brenda disa ditësh në Bullgari hapëm fabrika të cilat garantojnë 10 mijë vende pune”.
Përgatiti në shqip: Anna Kapitanova
Për të jetuar normalisht një punëtor në Bullgari nevojiten 1454 leva /743.42 euro/. Këtë e tregojnë të dhënat e Konfederatës së Sindikatave të Pavarura /KNSB/ për tremujorin e fundit. Mbajtja e një familjeje prej tre anëtarësh (dy punëtorë dhe një..
Në botën moderne nuk mjafton të njohësh njësitë monetare të vendeve të veçanta dhe të dish se si monedhat e tyre lidhen me levin bullgar. Konvertimi i levit në euro dhe anasjelltas nuk i zgjidh problemet tona financiare për një kohë të gjatë dhe nuk..
Në vitin 2023, përqindja e të rinjve që nuk punojnë dhe nuk mësojnë nën moshën 29 vjeç ishte 13.8 për qind krahasuar me 15.1 për qind një vit më parë. Në sfondin e BE-së, kjo përqindje në Bullgari mbetet e lartë. 1/7 e të rinjve joaktivë kanë arsim të..