Në fund të majit Toka e Lindjes së Diellit priti Korin e Djemve të Sofjes dhe dirigjenten e tyre profesoresha Adriana Bllagoeva. Grupi zhvilloi 8 koncerte të mëdha dhe disa koncerte më të shkurtra në qytetet Osaka, Fukushima, Tokio e të tjera.
“Kori i Djemve të Sofjes u nis për në Japoni pas një konkursi. Ishim zgjedhur mes 11 grupeve korale. Etapa e parë u zhvillua pas vlerësimit të incizimeve të bëra, kurse e dyta – përmes një interpretimi aty për aty përpara jurisë japoneze. Në fillim ideja qe të prezantohet një muzikë kishtare sllave. Në procesin e përgatitjes organizatorët japonezë deshën të interpretojmë një repertor shumë më të gjerë. Prandaj programi ynë ishte ndarë në dy pjesë. Pjesa e parë përfshinte krijime të kompozitorëve bullgarë. Në pjesën e dytë interpretuam muzikë nga epokat e ndryshme, përfshi dhe kishtare sllave. Turneu vazhdoi pak më shumë se dy javë. Pjesa më e madhe e shfaqjeve tona ishte në sallat e mëdha të koncerteve. Kishim dhe koncerte më të vogla në katedrale dhe kisha, gjatë kohës së shërbesave kishtare.
Shumë e rëndësishme për ne ishte përkrahja e ambasadorit të Bullgarisë në Japoni, z. Georgi Vasilev i cili vizitoi tri nga koncertet tona. Përveç kësaj në fund të udhëtimit tonë, zoti Vasilev organizoi një festë shumë të madhe në rezidencën e Bullgarisë në Tokio për grupin tonë dhe për të gjithë organizatorët e koncerteve tona në qytetet e ndryshme.”
Një nga përjetimet më interesante për fëmijët është koncerti i tyre në Todajxhi – kisha më e madhe lindore. Ajo është shumë e rëndësishme për japonezët, sqaron profesoresha Adriana Bllagoeva. E quajnë Kisha e Madhe e Lindjes. Aty grupi ka fituar leje të interpretojë një program të shkurtër. Për turneun djemtë kanë mësuar katër këngë japoneze. Kurse grupet japoneze të cilat i kanë pritur në qytetet e ndryshme, kanë përgatitur nga një këngë bullgare.
“Do të doja të përmend koncertin tonë të vogël në të hapur, në afërsi të “Disnilendit” të Tokios. Pas kësaj në shenjë të mirënjohjes organizatorët u dhuruan fëmijëve tanë bileta për këtë vend tepër të bukur. Djemtë e vizituan parkun zbavitës.”
Kori i djemve të Sofjes është i pritur me një interes të madh edhe nga mediet japoneze. “Me ngrohtësi dhe dashuri sukseset e njerëzve u pasqyruan me hollësi në gazetat dhe në televizion” – shton profesoresha Bllagoeva. Gjatë muajit korrik djemtë kanë akoma disa koncerte tek ne. Do të kenë dhe një pjesëmarrje në festivalin koral në Turqi. Kurse pas kësaj vijnë pushimet e shumëpritura verore.
Përgatiti në shqip: Nataniela Vasileva
Fotografitë janë ofruar nga Kori i Djemve të Sofjes
Për një vit tjetër, festivali Open Buzludzha lidh kulturën, historinë dhe natyrën në një përjetim të paharrueshëm, rrëzë majës Buzlluxha dhe monumentit me të njëjtin emër. Organizatori i veprimtarisë, e cila do të mbahet nga data 8 deri më 11 gusht,..
Producenti Atanas Zajkov – Atazar dhe dyshja Bisera dhe Lidija na prezantojnë folklorin e bukur bullgar të veshur me tingujt e kohës sonë moderne. Kënga "Unë po të shtrij" mbart frymën e stilit tipik deep house, por tingujt e violës depërtojnë..
E reja Zhaklin Tarakçi ka kënduar që e vogël dhe tashmë ka grumbulluar çmime të shumta, por popullaritetin e ka fituar më së shumti si fituese e "Zërit të Bullgarisë" 2022. Singli i saj debutues "Kakao" është krijuar nga ekipi i producentit Igor..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë..