Këtë verë, ndoshta edhe gjatë stinëve në vijim, do të jemi dëshmitarë të një serie trajnimesh ushtarake në Bullgari në det dhe tokë. Bëhet fjalë për dhjetëra trajnime të tilla gjatë tërë vitit, siç njoftoi para pak kohe Ministria e Mbrojtjes. Tashmë filloi trajnimi ushtarako-detar “Briz 2015”, ku marrin pjesë njësi të Forcave Ushtarako-Detare të Bullgarisë dhe të vendeve të tjera anëtare të NATO-s. Në seri do të paraqiten situata të ndryshme luftarake. Në njoftimin zyrtar thuhet gjithashtu se “trajnimi ka qëllim përsosjen e nivelit të përgatitjes së personelit të Forcave Ushtarako-Detare në planifikimin dhe zhvillimin e operacionit detar në formatin e koalicionit, si dhe ngritjen e nivelit të koordinimit me organizata dhe institucione qeveritare dhe joqeveritare në reaksionet në raste krizash dhe mbrojtjeje të popullsisë".
Ja pak të dhëna statistikore, që nuk mund të mos bëjnë përshtypje. “Në Briz 2015” marrin pjesë 30 anije luftarake dhe anije trajnimi, kurse në serinë e vitit të kaluar “Briz 2014” morën pjesë 15 të tilla. Në “Briz 2015” janë përfshirë 1700 veta personel, kurse në “Briz 2014” u përfshinë 1000 veta. Përfundimet janë të dukshme.
Tanë për tani, në dallim të vitit të kaluar, Moska nuk jep shenja se do të ndjekë me vëmendje trajnimin e filluar të NATO-s në Detin e Zi. Le të rikujtojmë se “Briz 2014” ishte nën vëzhgimin e përhershëm të manovrave të mëdha ruse që zhvilloheshin në të njëjtën kohë në Detin e Zi. Ndoshta Moska e ka ndryshuar taktikën. Në mes të majit anije luftarake ruse dhe kineze zhvilluan trajnimet e tyre të para të përbashkëta në pjesën lindore të Detit Mesdhe – shumë afër bazave ushtarako-detare amerikane dhe të NATO-s në akuatori.
Në ekonominë e tregut nuk ka drekë falas. Kështu qe është logjike pyetja “Sa kushtojnë seritë “Briz” dhe kush i paguan, a është ky tatimpaguesi bullgar?” Në qoftë se këto shpenzime janë sekret ushtarak, a duhet të jetë kështu? Në trajnimet ushtarako-detare, nga ana tjetër, sigurisht që janë përzier portet e Brugasit dhe të Varnës. Në bregdetin e tyre shtrihen dhjetëra vendpushime, por nuk është pa rëndësi nëse çlodhesh në rërë, duke e ditur sa rreth teje ka, ose nuk ka peshkaqenë, apo trajnime ushtarake.
Edhe të verbrit mund të shohin se të gjitha këto trajnime ushtarake “të planifikuara që prej shumë kohe”, siç bëri të ditur Ministria e Mbrojtjes, kalojnë nën shenjën e “rrezikut nga agresioni nga ana e Rusisë”, siç deklarojnë disa vëzhgues. Mirëpo, sekretari i përgjithshëm i NATO-s Jens Stoltenberg, siç duket, nuk është i këtij mendimi, sepse ditën e enjte ai vuri në dukje në Bukuresht se aleanca nuk sheh “kërcënime të drejtpërdrejta” nga ana e Rusisë ndaj vendeve anëtare të NATO-s. “Ne po shohim një Rusi më këmbëngulëse, e cila përpiqet t’i trembë fqinjët” – shtoi butësisht Stoltenberg para bashkëfolësve të tij rumunë.
Përgatiti në shqip: Vesella Mançeva
Bullgaria u përball me një tjetër problem në kërkimin e një rrugëdaljeje nga kriza politike që u bë konstante, pasi presidenti Rumen Radev refuzoi të miratojë një nga emrat e ministrave të propozuar nga kandidatja për kryeministre të përkohshme,..
Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva. Kreu i shtetit i kërkoi..
Gjurmët e gishtave të të huajve që vijnë do të merren në Turqi Autoritetet turke planifikojnë të marrin gjurmë gishtash të të huajve që mbërrijnë në vend. Këtë e bëri të ditur ministri i brendshëm, Ali Jerlikaja për gazetën proqeveritare..