Vetëm disa ditë i jepen Greqisë për të zbatuar në mënyrë legjislative kërkesat e kreditorëve. Borxhi grek do të „profilohet” (rinegociohet) në se deri në datën 15 korrik parlamenti i shtetit do të pranojë ligjet për reformat e Tatimit mbi Vlerën e Shtuar, për ristrukturimin e Shërbimit Statistikor Kombëtar, për ndryshime në sistemin e pagimit të pensioneve etj. Një pjesë e parave – pothuaj 50 mlrd euro do të vijnë nga privatizimi dhe me to bankat do të sigurojnë pensionet dhe pagat e nëpunësve. Kështu do të bëhet i mundshëm programi i tretë për ndihmë për Greqinë dhe do të plotësohen më në fund kërkesat e Komisionit Evropian, Fondit Monetar Ndërkombëtar dhe Bankës Qendrore Evropiane.
Marrëveshja tashmë është fakt. Por ku mbetën pretendimet dhe dinjiteti i popullit grek, 60% prej të cilit u tha “Jo” kreditorëve? Po rriten mosmarrëveshjet dhe kjo bëhet jo vetëm brenda partisë qeverisëse “Siriza”. Përfaqësuesit e sektorëve të ndryshëm, të cilët sigurojnë të ardhurat e shtetit, si sektori turistik dhe farmaceutika, po shprehin zemërimin e njerëzve të thjeshtë. Çfarë mund të them për pensionistët, të cilët me vështirësi do të mësohen me ndonjë pakësim të ri të pensioneve? A do të votojnë përsëri për Tsiprasin karizmatik dhe a do të mbeten mbas tij në nënshkrimin e një marrëveshjeje të re. A do t’i besojnë atij se kjo është mundësia e vetme për rimëkëmbjen e Greqisë?
Sipas partisë opozitare Demokracia e Re dhe liderit të saj Vangelis Mejmarakis “marrëveshja e re do t’i japë mundësi Greqisë të “marrë frymë” dhe “të rikthehet” në proceset e zakonshme të BE-së”. “Nuk kemi të drejtën të bëjmë më shumë gabime në Greqi” – është kategorike liderja e partisë PASOK Fofi Genimata, e cila komentoi se pavarësisht nga vështirësitë “ky është një fitim i socialistëve evropianë kundër qarqeve të skajshme konservatore”.
Tani po presim reagimin e grekëve, sepse masat e ashpra dhe mjerimi do të bëhen akoma më të ndjeshme dhe do të vazhdojnë gjatë. Tashmë parashikohen protesta, por këtë herë bëhet fjalë jo për krenarinë dhe pavarësinë e shtetasve grekë, por për mbijetesën e tyre. Liderët partiakë dhe formacionet e tyre mendojnë se marrëveshja dhe prania e Greqisë në Eurozonë është një sukses, derisa njerëzit e thjeshtë mbeten gjithnjë e më larg qeveritarëve dhe politikës.
Përgatiti në shqip: Jordanka Ivanova
Bullgaria ka një qëndrim shumë të qartë dhe konsekuent për integrimin evropian të Maqedonisë së Veriut, bazuar në zbatimin e rreptë të konsensusit evropian nga korriku i vitit 2022. Këtë e deklaroi zëvendësministri i punëve të jashtme Ivan Kondov në..
Në rezidencën "Bojana", ushtruesi i detyrës së kryeministrit dhe të ministrit të jashtëm, Dimitër Gllavçev i mirëpriti stafit diplomatik në pritje për Ditën e Dikaterit Diplomatik Bullgar - 19 korrik dhe 145 vjetorin e themelimit të shërbimit...
Importet e litiumit nga Serbia do të ndihmojnë BE-në të zvogëlojë varësinë e saj nga Kina Kancelari gjerman Olaf Scholz dhe nënkryetari i Komisionit Evropian i ngarkuar për energjinë Maros Ševçović do të vizitojnë..