Ekonomia e Bullgarisë prezantohet më mirë se sa ajo në vendet e BE. Ky është komenti i krijuesit të Bordit valutor bullgar prof. Stiv Hanke para Radios Kombëtare Bullgare. Përmirësim gjatë këtij viti ka edhe në cilësinë e kredive në sistemin bankar.
“Sipas të dhënave që janë publikuar në sajtin e Bankës Popullore Bullgare gjatë tremujorit të parë të vitit 2015 në sistemin bankar ka më pak kredi të pa shërbyera në krahasim me po këtë periudhë të vitit të kaluar” – shpjegon profesori. “Kjo vlen si për bankat e grupit të parë, ashtu edhe për grupin e dytë (Banka Popullore Bullgare i ndan bankat në tre kategori në varësi të përmasës së aktiveve të tyre). Nëse pjesëtohen kreditë e pa shërbyera me kapitalin personal të bankave, shohim, se gjatë tre muajve të parë të 2014 koeficienti është 121 % ose kreditë e pa shërbyera tejkalojnë kapitalin personal të sistemit bankar. Gjatë këtij viti raporti është rreth 97 %, prandaj mendoj, se cilësia e kredive është më e lartë.”
Nga ana tjetër, kreditë e reja gjatë tremujorit të parë dhe të dytë të 2015 bien me rreth 10% kundrejt vitit të kaluar. Sipas profesorit të ekonomisë së aplikueshme, në pah është efekti disiplinues i krizës greke, i cili i shtyn bankierët bullgarë të jenë më të kujdesshëm.
“Të dhënat nuk janë të plota, sepse Banka Popullore Bullgare publikon informacion të përgjithësuar me vonesë të madhe. Prandaj, sistemi bankar i Bullgarisë duket si një shportë e madhe me molla. E kemi të qartë gjendjen e mollëve, por me gjithë atë mund të ketë në shportë molla me cilësi të ndryshme”, komentoi financieri. Në lidhje me deklaratën e Kryeministrit Borisov, se u është dhënë ndihmë për likuiditetin disa bankave bullgare, Hanke është kategorik:
“Do t’i rekomandoja Bankës Popullore Bullgare të shikojë dhe të publikojë balancat e të gjitha bankave çdo muaj, në vend që të priten të dhënat tremujore për kreditë e këqija, siç është praktika e tanishme. Punojmë me të dhëna nga fundi i marsit, por jemi në shtator. Rreziku i madh në Bullgari është në të panjohurën. Askush nuk di çfarë mund të ndodhet, siç ishte fiaskoja me Bankën Korporative Tregtare. Mungon transparencë dhe parashikueshmëri dhe kjo e kthen Sofjen në kryeqytetin botëror të thashethemeve. Transparencë ka në Bordin valutor. Të dhënat janë të sakta dhe të qarta, dihet çfarë po ndodhet.”
Përgatiti në shqip: Sofia Popova
Për të jetuar normalisht një punëtor në Bullgari nevojiten 1454 leva /743.42 euro/. Këtë e tregojnë të dhënat e Konfederatës së Sindikatave të Pavarura /KNSB/ për tremujorin e fundit. Mbajtja e një familjeje prej tre anëtarësh (dy punëtorë dhe një..
Në botën moderne nuk mjafton të njohësh njësitë monetare të vendeve të veçanta dhe të dish se si monedhat e tyre lidhen me levin bullgar. Konvertimi i levit në euro dhe anasjelltas nuk i zgjidh problemet tona financiare për një kohë të gjatë dhe nuk..
Në vitin 2023, përqindja e të rinjve që nuk punojnë dhe nuk mësojnë nën moshën 29 vjeç ishte 13.8 për qind krahasuar me 15.1 për qind një vit më parë. Në sfondin e BE-së, kjo përqindje në Bullgari mbetet e lartë. 1/7 e të rinjve joaktivë kanë arsim të..
"Punonjës në administratë nuk janë fjalë të pista" – me një slogan të tillë në fillim të muajit prill, punonjësit e shtetit protestuan nën dritaret e..