Teknologjitë semantike për përpunimin e të dhënave janë instrumente për kërkim, të cilat skanojnë bazën e informacionit jo vetëm sipas fjalëve kyç, por edhe sipas lidhjeve logjike dhe kontekstit. Kompania bullgare, e pozicionuar si lider teknologjik në këtë treg, prezantoi platformën e re NOW (News on the Web). NOW është interesante me këtë, se nëpërmjet saj mund të shihet gjurma semantike (ose kuptimore) – gjërat më të rëndësishme për këtë artikull, përveç kësaj lejon analizë të tendencave dhe zbulim të lidhjeve të padukshme, p.sh. mbi bazën e shpeshtësisë së përmendjes. Në qoftë se merren fjalët kyç – p.sh. Angela Merkel dhe Britania e Madhe, mund të shihen temat, në të cilat Angela Merkel është përmendur më shpesh në Britaninë e madhe, pasi kjo bëhet me interfejsin interaktiv të përdoruesit. Në saje të NOW mediat klasike mund të ofrojnë përmbajtje të temave të lidhura, që u lejon të konkurrohen me mediat online – Facebook, Twiter, të cilat janë shumë të mira në rekomandimin e temave aktuale.
Organizata si BBC ose Financial Times kanë arkiva madhështorë dhe deri sa gazetari shkruan materialin e vet, aplikacioni rekomandon materiale dhe tema të tjera të lidhura, ofron informacion shtesë. Një pjesë prej biznesit të botuesve është të propozojnë kanale tematike dhe teknologjia e inxhinierëve bullgarë të softuerit lejon klasifikimin automatik të lajmeve dhe krijimin e këtyre kanaleve pa pasur nevojë për veprimtari të shtrenjtë të redaktorit. P.sh. në seksionin sportiv të BBC, i cili përdor këtë teknologji, mirëmbahen faqe tematike për rreth 1 000 objekte të ndryshme – ekipe, lojtarë në këto ekipe, trajnerë dhe aktivitete të ndryshme, lidhur me to. Mirëmbajtja e 1000 faqeve ose më shumë me dorë nga redaktori do të ishte një punë shumë e vështirë për realizim, por në saje të teknologjisë së bullgarëve, ky proces është plotësisht i automatizuar.
“Teknologjitë semantike synojnë të largohen nga sferat e projekteve të mëdha dhe të shtrenjta, të cilat kërkojnë kuptim ekspert dhe nivel shumë të lartë të ekspertizës nga ana e klientit – pohon Atanas Kirjakov, Drejtor Ekzekutiv i kompanisë bullgare që ka bërë platformën. – Aktualisht këto teknologji përdoren më në veçanti në projekte të Fortune 500 – organizata të kompanive më të mëdha në planet, sepse kërkojnë investime shumë të mëdha. Ne përpiqemi ta bëjmë këtë teknologji të arritshme për firmat e vogla dhe të mesme, si edhe për individë. Pjesë prej përpjekjeve në këtë drejtim janë lidhur me zhvillimin e teknologjive për dorëzimin e personalizuar të informacionit. Në qoftë se deri tani fokusi ynë ishte mbi analizën e tekstit dhe të dhënave, pavarësisht nga njeriu konkret, tani gjithnjë e më shumë përpiqemi të bëjmë analizë, që niset nga interesat, dijet dhe profili i lexuesit konkret.”
Prezantimi i parë publik i kompanisë në Bursën bullgare të fondeve – Sofje, do të bëhet gjatë shtatorit. Atanas Kirjakov shpjegon pse është marrë këtë vendim.
“Ndoshta jemi biznesi më i madh i softuerit, pronarë të të cilit janë bullgarë dhe i cili administrohet nga Bullgaria, nuk është degë e ndonjë firme ndërkombëtare. Jemi unik kundrejt firmave të tjera bullgare me këtë, se zhvillojmë veprimtari tregtare në shumë industri dhe shumë rajone. Kemi biznes serioz dhe klientë të mëdhenj nga të gjitha kontinentet. Nuk konkurrohemi me indianë ose ukrainase për shërbime të lira të autosorsingut. Bëjmë produkte me specializim të lartë dhe besojmë, se Bursa e fondeve – Sofje do të vlerësojë potencialin e një biznesi të tillë. Përveç kësaj mendojmë, se në këtë mënyrë edhe ne mund të ndihmojmë për zhvillimin e ekonomisë bullgare. Në përzgjedhjen tonë – të dalim në Bursën e fondeve të Sofjes ose në ndonjë bursë tjetër, ne vendosëm, se do të ishte më mirë të fillojmë këtu, kemi plane pas kësaj të bëjmë prezantime dhe oferta publike edhe në bursa të tjera.”
Ndër klientët e kompanisë bullgare janë BBC, Press Association, AstraZeneka, Muzeu Britanik, Financial Times, Europeana... Sipas Atanas Kirjakovit ekspertiza supreme dhe cilësia e teknologjisë janë gjëja që i bën për vete klientë të tillë dhe lejon për tërheqjen e shumë organizatave të tjera të fuqishme.
Projektet e ardhshme të kompanisë bullgare do të synojnë që kjo teknologji të arrijë tek më shumë klientë në më shumë industri, aktualisht depërtojnë në sferën financiare. Për këtë do ta ndihmojë edhe partneriteti i lidhur para pak kohe me kompaninë amerikane Keen Analytics, e cila pritet të ndihmojë bullgarët me marketingun e tregut të atjeshëm për të arritur tek më shumë klientë kryesisht në sektorin financiar të SHBA.
Përgatiti në shqip: Sofia Popova
Norma e papunësisë në eurozonë në maj u stabilizua për të dytin muaj radhazi në një nivel rekord të ulët që nga viti 1998 prej 6.4%. Në Bullgari papunësia u ul në 4.4% në maj nga 4.5% në prill. Papunësia e të rinjve (për personat nën moshën 25 vjeç)..
Banka Kombëtare Bullgare (BNB) njoftoi se do të ulë normën kryesore të interesit në 3.63 për qind nga 1 korriku. Në maj dhe qershor, norma e interesit ishte 3.78%. Bullgaria është në një bord valutor dhe vlera e levit bullgar është e fiksuar ndaj..
Derisa të ardhurat mesatare të popullsisë të arrijnë 80% të mesatares evropiane, nuk duhet të hyjmë në Eurozonë. Së bashku me të shkon edhe inflacioni dhe duhet të ketë një rezervë. Këtë e deklaroi para BNR, Georgi Kadiev, ish-zëvendësministër i..
Nga 1 janari 2025, paga minimale për Bullgarinë do të jetë 1077 leva /550.66 euro/në vend të 933 levave aktuale /477.04 euro/, sipas një..