Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Një firmë bullgare përhapi në treg një detektor personal për pllakën dentale

Ai funksionon duke shkaktuar fluoreshenca të baktereve, të cilat i shkaktojnë karieset dhe i bën të dukshme

Foto: arkiv

Njëra mënyrë për likuidimin e karieseve dhe të gingiviteve është lidhur me mënyrën e të ushqyerit, kështu qe të mos krijohen kushte për ekzistencën e baktereve që i shkaktojnë karieset, kurse mënyra tjetër është asgjësimi i tyre i plotë në gojën tonë. Mirëpo, megjithë përpjekjet e industrisë, të drejtuara ndaj likuidimit të tyre – prodhimi i furçave të dhëmbëve, i instrumenteve abrazive, i pastave të dhëmbëve, problemi nuk është zgjidhur. Sipas bullgarëve, të cilët e krijuan detektorin, problemi vazhdon të ekzistojë, sepse goja pastrohet krejtësisht, por vëmendja nuk përqendrohet te zonat, ku grumbullohen këto baktere.

Inxhinieri Dimitër Roshkev, një prej krijuesve të pajisjes, sqaron: “Në qoftë se i dimë këto zona, në qoftë se i shohim bakteret e grumbulluara në gojën tonë, mund t’i pastrojmë lehtë, ose të kërkojmë ndihmë nga dentisti ynë. Pas pastrimit të tyre risku nga formimi i karieseve dhe i sëmundjeve peridontale po ulet shumë. Që të shihen mirë këto baktere, përdoren burime speciale të dritës, të cilët gjenerojnë dritë në fushën e largët të vjollcës dhe duke u gjendur te bakteret, i bëjnë fluoreshente, kështu ato bëhen të dukshme. Është absolutisht e parrezikshme, kurse pajisja ngjan me fener të vogël.”

Pse detektori është më i mirë nga lëndët dhe tabletat në treg, të cilat gjithashtu e kanë këtë funksion?

“Ato nuk e kanë këtë funksion. Ngjyrosja me tabletat i bën të dukshme të gjitha proteinat dhe nuk fiksohet te vendet, ku janë përqendruar bakteret.”

Aktualisht firma prodhon gjithashtu një variant të përmirësuar të pajisjes, me pasqyra suplementare për vëzhgim. Sipas inxhinierit Roshkev, përdorimi i detektorit personal është një metodë, e cila do të vonojë zhvillimin e karieseve dhe paradontiteve. Aparati është rezultat i punës jo vetëm i inxhinierëve, por i shumë dentistëve dhe profesorëve nga fakultetet e stomatologjisë të Sofjes, Varnës dhe Plovdivit.

Megjithëse teknologjia, sipas së cilës punon detektori, njihet që prej shumë kohe, që tani u krijua një pajisje relativisht e lirë, me të cilën çdonjëri mund të kontrollojë higjienën e vet orale dhe t’i pastrojë vetëm ato zona, ku janë grumbulluar bakteret.

“Do të jetë e dobishme, sepse pacientët, të cilët nuk e dinë mënyrën e drejt të pastrimit të dhëmbëve, e prishin smaltin e dhëmbëve. Ka edhe pacientë të tillë, të cilët janë më të predisponuar ndaj karieseve dhe për të gjithë ata detektori do të jetë shumë i dobishëm. Është e sigurte se kjo pajisje do të kërkohet në treg.” – tha dr Mitova, stomatologe në Sofje.

A do të vazhdojmë të kemi frikë në kabinetin e dentistit?

“Në kabinetet stomatologjike të nivelit të lartë që prej kohe punohet pothuaj pa dhimbje, sepse ato disponojnë aparate shumë të mira për anestezi dhe aparate me lazer – thotë inxhinieri Roshkev. – Me pajisjet me lazer kryhen shumë prej manipulimeve pa gjak dhe pa dhimbje. Ne, pacientët, duhet të ngulim këmbë për përdorimin e kësaj aparature. Drita (me të cilët punojnë lazeret) është faktori më pak traumatik. Problemi lidhur me mjekimin pa gjak dhe dhimbje është pothuaj i zgjidhur në kabinetet e mira. Tani mbetet vetëm prevenca nga ana e pacientëve.”

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Ivajllo Vëllçev

Ivajllo Vëllçev: eurodeputeti për herë të parë

Të martën ishte sesioni i parë konstituiv i Parlamentit të ri Evropian për konstituimin e Parlamentit të ri, krijimin e komisioneve parlamentare dhe zgjedhjen e kryetarit të ri të institucionit. Kandidatura e Ursula von der Leyen për presidente të..

botuar më 24-07-17 6.05.PD

Specialistë të gjuhës bullgare nga tre kontinente shkëmbejnë përvojë dhe fitojnë njohuri në një seminar në Veliko Tërnovo

Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në Universitetin e qytetit Veliko Tërnovo. Sipas korrespondentit të BNR-së në kryeqytetin e vjetër,..

botuar më 24-07-15 5.14.MD

Arkitekti Rumen Xhagarov restauroi një shtëpi të vjetër dhe u kthye në fshat si një protestë kundër krizës demografike

Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por sipas statistikave, çdo vit “vdes” nga një fshat bullgar sepse prej tij është larguar edhe banori i..

botuar më 24-07-15 7.30.PD