Gjatë vitit 2015 festojmë 120 vjetorin nga lindja e Gjurga Pinxhurovës. E lindur në qytetin Trën, ajo ishte fare e vogël kur filloi të këndonte këngët karakteristike krahinore bashkë me nënën e saj. I tillë është dhe kujtimi i këngëtares së njohur: “Në periudhën e verës ajo më shpinte në korrje. Që nga kjo periudhë më kujtohen këngët e bukura lidhur me korrjet.”
Njohjen dhe popullaritetin e vet Gjurga Pinxhurova ia dedikon Radios Kombëtare Bullgare. Akoma në zanafillën e saj gjatë vitit 1935 këngëtarja është një pjesëmarrëse e rregullt në programet kryesisht me repertorin e vet nga rrethi i qytetit Trën. Shumë të pritura janë koncertet e saj aty për aty, përpara mikrofonave të radios me grupin folklorik “Treshja Trakase”, kurse nganjëherë këndon dhe nën shoqërimin e pianos. Shfaqjet e Gjurga Pinxhurovës në radio janë të lidhura dhe me pjesëmarrjet e saj në Orën e Fëmijëve – çdo të diel tingëllojnë interpretime të saj të këngëve për dëgjuesit e vegjël. Kështu këngëtarja e njohur bëhet e dashur nga auditori i dëgjuesve të radios dhe është shpërndarësja e parë e këngëve autentike nga rrethi i qytetit Trën. Gjatë viteve 50 dhe 60 tingëllojnë dhe incizimet e saj, të cilat ruhen në “Fondin e Artë” të Radios Kombëtare Bullgare. Gjurga Pinxhurova zhvillon koncerte nëpër vend dhe me grupin “Kënga tonë”, që të mund të gëzojë adhuruesit e muzikës popullore nëpër qytete dhe fshatra.
Me zërin e saj të ngrohtë dhe delikat dhe dialektin karakteristik ajo u dha jetë këngëve humoristike, të korrjeve, këngëve lidhur me jetën të krahinës së vet të lindjes, por të kënduar me finesën e të kënduarit klasik. Më shumë se 80 janë incizimet e saj në Radion Kombëtare, shumë prej të cilëve këndohen nga bullgarët e rinj dhe mësohen në orët e muzikës në programet shkollore.
Vatra e kulturës në qytetin Trën mban emrin e këngëtares së njohur. Aty gjatë vitit 1994 u zhvillua konkurs për talent në emër të saj. Sivjet qyteti organizon koncerte për nder të 120 vjetorit nga lindja e këngëtares së madhe Gjurga Pinxhurova. Asaj i përkushtohet dhe edicioni i dytë i internet klasifikimit “Dekoratat Vjetore folklorike”.
Përgatiti në shqip: Nataniela Vasileva
Në ditët e fundit të verës, Tedi Ruseva me emrin artistik Tiara prezanton këngën e saj të re “Vetëm deti”. Me të, aktorja, karriera muzikore e së cilës filloi vetëm katër vjet më parë, përmbushi ëndrrën e saj të dashur - të marrë pjesë në konkursin..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e muzikës në Plovdiv dhe pas kësaj edhe në akademinë e muzikës në Sofje. Që në moshë të re merrte pjesë..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re kozmosit të tij muzikor. Më 19 shtator, në Sofje, muzikantët do të prezantojnë me një koncert..
Toma Zdravkovin e njohim si një nga zërat më karakteristikë të rokut bullgar. Pas një periudhe të ngopur me pjesëmarrje në formate televizive, ai..