Vila antike “Armira” në rajonin e qytetit tonë jugor Ivajllovgrad do të kandidojë për përfshirje në listën e monumenteve të trashëgimisë kulturore botërore të UNESKO-s, informoi zëvendësministrja e kulturës docentja Boni Petrunova. Bëhet fjalë për pallatin më të pasur privat nga koha e romakëve, të zbuluar në trojet bullgare. Është ndërtuar në gjysmën e dytë të shekullit të I-rë pas Krishtit nga një aristokrat i dalluar trak. Ndërtesa mbresëlënëse me dy kate është me sipërfaqe 2132 metra katrore – me një tarracë panorame dhe shumë ambiente (dhoma gjymi, dhoma për mysafirët, salla për bankete, kuzhina, dhoma për punë për gratë, banja etj.). Vetëm në katin e parë ambientet janë 22, të ndërtuara rreth një pishine me madhësi 11x7 m. Në një pjesë të ndërtesës janë ruajtur mbeturinat e sistemit romak për ngrohje (hipokaustit). Gjatë gjysmës së parë të shekullit të II-të pranë vilës “Armira” është ndërtuar një atelie për përpunimin e mermerit të bardë, karakteristik për këtë rajon. Në të janë ftuar mjeshtër nga qyteti Afrodizia të Azisë së Vogël, të njohur me shkollën e vet më të madhe të skulpturës të asaj kohe.
Tërë kati i parë ka qenë mbuluar me pllaka mermeri të përpunuara në mënyrë të përsosur dhe me afreske (mbi muret e dhomave më të rëndësishme dhe mbi tërë pishinën). Shumë i çmueshëm është mozaiku nga dhoma më e madhe e gjymit, ku ndodhet imazhi i njëri nga pronarët, bashkë me dy fëmijët e tij – këto janë portretet e vetme mbi mozaik nga epoka romake, të gjetura tek ne. “Ky monument unik ka të gjitha cilësitë e domosdoshme për të bërë propozimin e ri të radhës bullgare për listën e UNESKO-s” – nënvizoi Boni Petrunova.
Një këndvështrim tjetër mbi shkencën e Arkeologjisë - si bazë për komunikim, ndarje publike të trashëgimisë evropiane dhe akses më të lehtë në të - jep iniciativa Ditët Evropiane të Arkeologjisë 2024, e cila zhvillohet në një sërë vendesh të kontinentit...
Me dëshirën për t'u hapur ndaj botës, pas viteve të gjata të izolimit në ish-kampin socialist, Bullgaria dhe Rumania u bashkuan në vitin 1994 në Organizatën Ndërkombëtare të Frankofonisë. Një nga vlerat kryesore të komunitetit frankofon është arsimi..
Nga data 8 qershor deri më 9 tetor, qyteti italian Rovereto pret ekspozitën ndërkombëtare “Të drejtat dhe dinjiteti i njeriut”. Edicioni i 18-të i sivjetshëm i ekspozitës tregon vepra tematike të artistëve nga 32 vende, përfshirë Bullgarinë. Artistja..
Teatri Popullor "Ivan Vazov" do të kënaqë 120 adhurues të artit teatror me një biletë falas për një nga shfaqjet e sezonit të tij të ri në vjeshtë...