Perdja ra, aktorët nisën duke menduar se kanë plotësuar detyrat e tyre, derisa publiku mbeti krejt i hutuar. Kështu në fund të kësaj jave në Nju Jork përfundoi sesioni i shumëpritur i Asamblesë së Përgjithshme të OKB-së. Pritej se elita botërore do të merrte vendime konkrete për problemet më të dhimbshme të Planetit, midis tyre edhe për konfliktin në Siri, i cili është shkaku për valën e stërmadhe të migrantëve në shtetet e pasura të Kontinentit të Vjetër, kështu edhe për kërcënimin në rritje nga Shteti Islamik. Motoja e sesionit të sivjetshëm ishte “Organizata e Fortë e Kombeve të Bashkuara. Një botë më e mirë”. Për fat të keq të dy mesazhet mbetën vetëm urime të mira.
Në këtë forum Bullgaria u prezantua nga presidenti Rosen Plevneliev. Në fjalinë e tij në debatin e përbashkët të sesionit të 70-të të Asamblesë së Përgjithshme të OKB-së ai nënvizoi se veprimet e koordinuara të komunitetit ndërkombëtar kundër ekstremizmit agresiv kanë një rol vendimtar dhe se OKB-ja është platforma më e mirë për menaxhimin dhe koordinimin e përpjekjeve ndërkombëtare. Plevnelievi nuk përmendi konkretisht Shtetin Islamik, por tha se derisa vazhdon konflikti në Siri do të vazhdojë edhe kriza e refugjatëve. Ai bëri thirrje për këtë se komuniteti ndërkombëtar duhet të gjejë ndonjë mënyrë për diferencimin e njerëzve që shpëtohen nga lufta nga ata, të cilët kërkojnë vetëm kushte më të mira për jetë. Presidenti bullgar shtoi gjithashtu se kriza e migrantëve sjell shumë rreziqe për sigurinë. Përveç mundësive për infiltrimin e ekstremistëve në territorin e Evropës, ajo shtron çështjen për trafikun ilegal të njerëzve, që kërkon veprime të menjëhershme dhe të koordinuara, tha Plevnelievi.
Në fakt kërcënimi i Shtetit Islamik, kriza në Siri dhe vala e migrantëve janë çështje të ndërlidhura. Për minimalizimin e ndikimit të Shtetit Islamik dhe për kufizimin e migracionit ka nevojë për një zgjidhje efektive të konfliktit në Siri. Dhe në këtë lidhje ka nevojë për mirëkuptim mes SHBA-së dhe Rusisë. Takimi i Obamës dhe Putinit në kuadrin e Asamblesë së Përgjithshme të OKB-së tregoi se pozitat e dy superfuqive janë krejt të ndryshme. Dhe sipas analizatorëve, bile që të gjejnë ndonjë kompromis ai do të mbetet vetëm formal.
Përgatiti në shqip: Jordanka Ivanova
Bullgaria u përball me një tjetër problem në kërkimin e një rrugëdaljeje nga kriza politike që u bë konstante, pasi presidenti Rumen Radev refuzoi të miratojë një nga emrat e ministrave të propozuar nga kandidatja për kryeministre të përkohshme,..
Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva. Kreu i shtetit i kërkoi..
Gjurmët e gishtave të të huajve që vijnë do të merren në Turqi Autoritetet turke planifikojnë të marrin gjurmë gishtash të të huajve që mbërrijnë në vend. Këtë e bëri të ditur ministri i brendshëm, Ali Jerlikaja për gazetën proqeveritare..