Piktura, skulptura, muzikë në gërshetim me një degustim të verës së mirë, i përmbushën rrugët e fshatit piktoresk Ilindenci. Aty mes natyrës, në rrëzat e malit Pirin u zhvillua planeri i vjeshtës i arteve, i cili ka mbledhur krijues nga krahinat e ndryshme. Krahas me kureshtjet natyrore fshati krenohet me një park unikal skulpturor në një sipërfaqe prej mbi 10 dynymëve. Në të janë eksponuar krijimet e 65 mjeshtërve të afirmuar të skulpturës nga Bullgaria, Austria, India, Japonia, Holanda e kështu me radhë. Organizatorët e planerit janë të mahnitur nga ndriçimi efektiv i natës në park, që e përqendron vështrimin e spektatorit mbi krijime të veçanta dhe elemente të skulpturës.