Një ditë para takimit të nivelit të lartë të udhëheqësve shtetërorë dhe qeveritarë në Bruksel, Komisioni Evropian rikujtoi se duhet të fillojë aplikimi i kuotave të pranimit të mbi 160 mijë refugjatëve. Në mbledhjen e sotme të Këshillit Evropian tema kryesore do të jetë migracioni. Do të shqyrtohet gjithashtu referendumi për mbetjen e Britanisë së Madhe në Bashkimin Evropian, si edhe ndryshimet klimatike.
Tema e fluksit të refugjatëve dhe ndikimi i tij mbi tregun e punës në BE ishte në rendin e ditës të Këshillit të BE-së me pjesëmarrjen e ministrave të punës në Luksemburg me propozim të Ivajllo Kallfinit – Zëvendëskryeministër dhe Ministër i Punës dhe Politikës Sociale i Bullgarisë. Vendet e veçanta-anëtare të BE-së aplikojnë metoda të ndryshme për përballimin e problemit. Në një intervistë për Radio Bullgarinë Ministri Kallfin komentoi:
“Aktualisht ende ka probleme me formulimin e një politike të qartë evropiane sa u përket refugjatëve. Unë bëra disa oferta, të cilat nuk i shoh në politikë. Në vend të parë BE-ja duhet të shpallë se çfarë është kapaciteti i tij për pritjen e refugjatëve. Shtetet janë të ndryshme. Vendet kufitare, si Bullgaria, nuk janë shumë të entuziazmuara. Disa shtete të tjera – si Suedia dhe Gjermania, i konsiderojnë refugjatët si një mundësi për zgjidhjen e problemeve demografike, për zgjidhjen e problemit të mungesës së krahut të punës etj. Mirëpo, duke pasur parasysh numrin e madh të refugjatëve, nganjëherë 10 mijë veta në ditë, të cilët kalojnë kufijtë e Kontinentit të Vjetër, nuk mund të themi se të gjithë ata janë të mirëpritur.”
Sipas Ministrit Kallfin, të ashtuquajturat “pika të nxehta” të pranimit të refugjatëve duhet të dislokohen jashtë kufijve të Evropës.
“Aktualisht Evropa stimulon një biznes të madh – trafikimin ilegal të njerëzve. Që të vijnë këta njerëz nga kufiri i Sirisë deri në Evropë, ata harxhojnë mijëra dollarë, kalojnë mijëra kilometra, kurse disa prej tyre vdesin në Detin Mesdhe, ose diku tjetër, duke udhëtuar, dhe e gjithë kjo është në dobi të industrisë së trafikimit të njerëzve. Evropa duhet të veprojë në një mënyrë tjetër – po, i pranojmë refugjatët, kemi mundësi për pritjen e një numri të veçantë refugjatësh, pas kësaj duhet të shkojnë në kampet në kufirin e Sirisë me Turqinë, Jordaninë dhe Libanin dhe atje t’i deklarojmë kriteret e BE-së, sipas të cilave do t’u sigurohet refugjatëve strehim në Evropë. Tani situata është e jashtëzakonshme. Është e dukshme se me masat e zakonshme nuk mund të punohet, Marrëveshja e Dublinit është absurde. Atje shkruhet se refugjati duhet të mbetet në vendin, ku ka hyrë së pari. Në Hungari hynin nja 10 mijë veta në ditë. Ku mund të mbeten këta njerëz? Marrëveshja e Shegenit lejon aplikimin e pikave të veçanta të kalimit kufitar në situata krize. Kurse tani situata është tillë. Sipas një statistike të Eurostatit më pak se 1/3 prej refugjatëve janë sirianë. Për llogari të kësaj në këtë grup ka rusë, ukrainas, kosovarë, shqiptarë. Bile lexova se romët bullgarë kanë deklaruar se janë sirianë, duke i shkelur kufijtë e Suedisë. Ky është një absurd i madh. Duhet të caktohen vendet, të cilat duhet të marrin ndihmë nga Evropa në këtë situatë krize.”
Në mbledhjen e Këshillit në Luksemburg shpërtheu një konflikt midis ministrave të vendeve në zonën evropiane dhe të tjerëve, duke pasur parasysh izolimin e tyre dhe ndarjen e tyre në grupe në marrjen e vendimeve të ndryshme, shpjegoi Ministri Ivajllo Kallfin. Ky ishte shkaku që ministrat e vendeve jashtë zonës evropiane të shkruajnë një letër proteste kundër krijimit të një Evrope të ndarë në dy pjesë, gjë që është e papranueshme.
Përgatiti në shqip: Vesella Mançeva
Baza Bullgare në Antarktidë u krijua në vitin 1988. Që nga viti 1993 me dekret të presidentit Zhelju Zhelev e mori emrin e Shenjtorit Kliment Ohridski. Që atëherë e deri më sot, në bazën e vendosur në ishullin Livingston, shkencëtarët bullgarë të..
Përjetime të paharrueshme me birrën e freskët, kokteje të birrës alkoolike dhe joalkoolike të zhvilluara posaçërisht, hite të preferuara bullgare dhe të huaja të hip-hop dhe rok, folklor bullgar dhe meze të shijshme premtojnë nga Komuna e qytetit..
Lojëra, shfaqje filmash, vëzhgim zogjsh dhe koncerte në ajër të hapur janë vetëm disa nga ngjarjet në kuadër të Edicionit të Shtatë të Festivalit të Shkabës, i cili do të mbahet nga 6 deri më 8 shtator në qytetin e Maxharovos. Festa do të shënojë..
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një..